1 ABEIZY 11:26 - Mara Bible RV (BSI)

²⁶ Zerôbaw chhao ta abei chô liata a ku hy hra ta. Ano cha Zeredâ khihpa Epharai chyhsa Sawlawmaw chakaotuhpa Nebâ sawchapawpa a châ. A nô moh cha Zerua châ ta, nôhmeipa a châ.

1 ABEIZY 11:26 ပူးပေါင်းရင်းမြစ်များ

ÂTHAONA 35:16

Bethel tawhta sie ei ta, Epharâ khih ama tlô nawpa â hla kaw chyna su liata Râkheli cha saw a zeih ta, a nawh pi ru ngaita ta.

2 SAMUELA 20:21

Cha hawhpa lâ kyh cha châ vei. Epharai tlâh râh liata chyhsa pakha, Bikhari sawchapawpa a moh Sebâ ama tahpa ta, Bei Dâvi a dyuhpa ta a ku hy ta, ano cha na vaw pie u la, khihpi he ei sysai ha aw,” tah ta. Chanô ta Zôabâ hnohta, “Moh tua, thokhy khôtho lâ a luh ei cha vaw thypa aw,” tah ta.

1 ABEIZY 11:11

Chavâta Abeipa ta Sawlawmaw hnohta, “He hawhta y ha chi ta, zyh awpa ta bie ei cha piepa, ei biehrai nata ei bieraopazy na zyh leipa vâta, khinarâh he cha chhu aw na ta, châ chakaotuhpa ei pie aw.

1 ABEIZY 11:25

Ano chhao he Hâdâ hawhna khata Sawlawmaw rie a patheituhpa châ ta, Sawlawmaw hro chhôh zydua ta Izarei khakhaipa châ lymâ ta, Izarei a chhyh thai leipa a châ. Aramia râh chô liata ryureituhpa ta a y.

1 ABEIZY 11:28

Zerôbaw cha chyhsa thatlôpa nata riahphapa châ ta, raihria a saomâ kawpa satlia a châpa Sawlawmaw ta a hmô nahta, Zawsi pathla raihriatuhpa zydua chô liata hyutuhpa ta tao ta.

1 ABEIZY 12:2

Cha thâtih cha Nebâ sawchapawpa Zerôbaw ta a theipata nahta, Izi râh tawhta a kaw lie ta. Zerôbaw cha Bei Sawlawmaw riahchi ta â râna Izi râh liata a y thlâh ha chy no châ ta.

1 ABEIZY 14:16

Zerôbaw ta moleina hmo tao ta, Izarei chhao pamoleisa ta, cha Zerôbaw moleinazy vâta Abeipa ta Izarei cha pachâ khao aw vei,” tah ta.

1 ABEIZY 15:30

He hmo he Zerôbaw moleina hmo taopazy vâta nata Izarei a pamoleisapa vâta a vaw tlôpa châ ta, Abeipa, Izarei Khazohpa pathi a pa-ia hapa vâta a vaw tlôpa a châ.

1 ABEIZY 16:3

Chavâta pachâ teh, Bâsâ nata a pathlazy cha pamua khai aw ei na ta, na pathlazy cha Nebâ sawchapawpa Zerôbaw pathlazy hawhta ei tao aw ei.

1 ABEIZY 21:22

Ei hie eina pahâhpa vâ chi ta nata Izarei na pamoleisapa vâta, na pathlazy cha Nebâ sawchapawpa Zerôbaw pathlazy hawhta tao aw na ta, Ahiza sawchapawpa Bâsâ pathlazy hawhta ei tao aw.

1 ABEIZY 9:22

Izarei sawzy deikua cha, Sawlawmaw ta sei ta tao leipa ta, pheisaihzy, a chakaotuhpazy, a beimachâzy, a pheisaih hyutuhpazy, a talailih hyutuhpazy nata a arâ pheisaihzy ta a tao ei.

1 THÂTIHZYRONA 2:19

Azubâ a thi tawhta, Kâlebâ ta Epharâ hnei ta, ano ta Hurâ sapa ta.

2 THÂTIHZYRONA 13:6

Chatanachôta Dâvi sawchapawpa Sawlawmaw chakaotuhpa Nebâ sawchapawpa Zerôbaw ta a zibeipa cha a chariah ta.

2 THÂTIHZYRONA 9:29

Sawlawmaw thâtih hropazy cha âthaona tawhta achhâna taihta, hrohsopa Nâthâ châbu liata zy, Silô chyhsa Ahiza hrohsona châbu liata zy, Nebâ sawchapawpa Zerôbaw kyh liata hrohsopa Idô aluahna châbu liata zy ropa a châ.

RYUREITUHPAZY 12:5

Kilia mo ta Epharai mo lâ siena Zawdâh chakana suzy cha khâchâ vaih ha ei ta. Epharai chyhsa a vaw râpa ta, “Haosâ lâ na chakasa teh,” a tah tita, Kilia mo ta a hnohta, “Epharai chyhsa na châ ma?” tah ei ta. Ano ta, “Châ va na,” a tah khiahta cha,

RUTHI 1:2

Cha chyhsa moh cha Elimele châ ta, a lapinô moh cha Naomi châ ta, a sawchapaw panozy moh cha Mâhlô nata Khilô a châ. Âmo he Zudâh râh Bethlehe khih liata a ypa Epharai chi ama châ. Môabâ râh lâ sie ei ta, cha liata y ei ta.

1 SAMUELA 1:1

Epharai tlâh râh Râmâthaizôphi khih liata chyhsa pakha a moh Elkânâ ama tahpa y ta. Cha chyhsa cha Zerôhâ sawchapawpa châ ta, Zerôhâ cha Elihu sawchapawpa châ ta, Elihu cha Tôhu sawchapawpa châ ta, Tôhu cha Epharai chi Zupha sawchapawpa a châ.

1 SAMUELA 17:12

Dâvi cha Zese sawchapawpa châ ta, Zese cha Zudâh râh Bethlehe liata Ephrâthâ chyhsa kha a châ. Zese cha sawchapaw pacharie hnei ta, Sawla â bei daihti liata cha, pawpipa kô uhthei kawpa châ ha ta.