1 ABEIZY 11:25 - Mara Bible RV (BSI)

²⁵ Ano chhao he Hâdâ hawhna khata Sawlawmaw rie a patheituhpa châ ta, Sawlawmaw hro chhôh zydua ta Izarei khakhaipa châ lymâ ta, Izarei a chhyh thai leipa a châ. Aramia râh chô liata ryureituhpa ta a y.

1 ABEIZY 11:25 ပူးပေါင်းရင်းမြစ်များ

ÂTHAONA 34:30

Zakaw ta Simeôna nata Livai hnohta, “Nâmo vâta rairuna ei tyh ha hih. Râh liata a pahrâpa, Kâna mo nata Perizi mo hmia liata ei roh nama pachhie haw. Kei cha chyhsa chyhta dei ei hnei hih. A awpakhy ei sala, einâ dyuh khiah ei ta cha, kei nata ei o liata a ypa zydua pahleipadiapa eima châ aw,” tah ta.

2 SAMUELA 16:21

Ahitôphe ta Absalaw hnohta, “Na paw ta o hâ awpa ta a sopa a nôthozy lâ a kei ngia teh, chatanachata Izarei zydua ta na paw châta roh chhiepa ta nâ tao haw tahpa vaw pahno aw ei ta, na chhâh a châpa zydua ku thapatlôpa ta a y aw,” tah ta.

1 ABEIZY 11:24

Ano he Dâvi ta Zôbabi mo a pahnie tawhta, ano lâta chyhsazy awpakhy ta, hraotuhpa py hyutuhpa ta a ypa kha a châ. Dâmaskâ khihpi lâ sie ei ta, cha liata pahrâ ei ta, Dâmaskâ khihpi liata ano cha bei ta ama tao.

1 ABEIZY 11:26

Zerôbaw chhao ta abei chô liata a ku hy hra ta. Ano cha Zeredâ khihpa Epharai chyhsa Sawlawmaw chakaotuhpa Nebâ sawchapawpa a châ. A nô moh cha Zerua châ ta, nôhmeipa a châ.

1 ABEIZY 5:4

Tahmâ deikua cha Abeipa ei Khazohpa ta su to liata thlalôhna eina pie haw. Khakhaipazy y khao leipa ei ta, vâchhiena chhao y khao vei.

2 THÂTIHZYRONA 15:2

Âsâ dy awpa ta pua ta, a hnohta, “Asâ nata Zudâh nata Benzami pathla zydua saih u, na nathlie teh u: Ano chhâh namâ châh chhôh zydua cha, Abeipa chhao ta nama chhâh a châ ta, ano nama tlua khiahta cha, hmô aw ei chi ta, ano namâ heihsai khiahta cha, ano chhao ta a châ heihsai aw ei.

HLAZY 106:40

Chavâta Abeipa pathi cha a phopi chô liata thata ia ta, A ryuto a pasi ngaita.

ZEKARIA 11:8

Châhrasala thla kha chhôh ta vaituhpa pathôh ei pabâh ha ei. Ama chô liata ei palôh chhâ kaw ta, âmo chhao ta eina ai kaw hra ei.

RYHPACHANEINA 23:7

“Edômâ mo cha nama unawhpa châ ei ta, namâ hao awpa châ vei. Izi mo chhao namâ hao awpa châ vei, nâmo chhao ama râh liata mapaihpa nama châpa kha.