1 ABEIZY 11:22 - Mara Bible RV (BSI)

²² Phiraoh ta a hnohta, “Ei hnohta na ypa heta khâpa ma a phahla chi ta, na râh lâ a lie awpa cha na khoh tly?” tah ta. Hâdâ ta, “Khâpa hmah a phahla va na. Châhrasala rie na pasiesa thlâh ha teh,” tah ta.

1 ABEIZY 11:22 ပူးပေါင်းရင်းမြစ်များ

1 ABEIZY 11:21

Dâvi cha a pathlatuhpazy hnohta â mô haw tahpa nata pheisaih hyutuhpa Zôabâ chhao a thi haw tahpa Hâdâ ta Izi râh tawhta a vaw thei nahta, Hâdâ ta Phiraoh hnohta, “Ei râh lâ a lie awpa ta na pasiesa mah y,” tah ta.

1 ABEIZY 11:23

Khazohpa ta Sawlawmaw khakhaipa châta Eliadâ sawchapawpa Rezô chhao pathyu ta. Rezô he a zibeipa Zôbabi bei Hadâdeze tawhta â râpa kha a châ.

HLAZY 37:8

Hiehâh lei awpa ta maoh oh la, Pathiiana a heihsai mah y! Na ru a pachhô khah y, Ruchhôna cha hmo pha leipa deita a tlôkhei tyh.

BIESOZY 27:8

A o a viavisaipa chyhsa cha, A bu a zaw saipa pavaw hawhta a châ.

ZEREMIAH 2:31

Hy Nâmo, he chhâ sawzy saih u, Abeipa bie nathlie teh u. Izarei sawzy châta râhchawhpa hawhta ei châ beih ma? Râh zoh kaluhpa hawhta ei châ beih ma? Cha ta a châ tlôh khiahta cha, Khazia ei phopi ta, ‘Khotalaina eima hmô haw, Nâ lâ a vy khao aw ma pi,’ ama tah tly?

MÂKA 14:31

Pity ta pachyu ngaitapa ta, “Na thina liata thi hra awpa chhao ta, châ paphasai cheita aw va na,” tah ta. Ama zydua ta cha hawhta reih chyu ei ta.

LUKA 22:35

Zisu ta a pachupazy hnohta, “Tâkâ byh nata sahria nata pheiky leipa ta ei cha tua no ei kha, a phahlapa nama hnei rai ma?” tah ta. Âmo ta, “Hnei ma pi?” tah ei ta.