1 ABEIZY 10:9 - Mara Bible RV (BSI)

⁹ Na chô liata a ly ta, Izarei beidyuchhai liata châ patyutuhpa Abeipa na Khazohpa cha reithaipa ta y maw sy! Abeipa ta Izarei he chhâzaw ta kyhpachâ ta, chavâta adona nata siana ta ryu na reih thei nawpa ta bei ta a cha tao hih,” tah ta.

1 ABEIZY 10:9 ပူးပေါင်းရင်းမြစ်များ

2 SAMUELA 23:3

Izarei Khazohpa ta reih ta, Izarei Lôpanô ta eina chho: Adona ta chyhsazy chô liata ryureihpa ta, Khazohpa china ta ryu a reihpa cha,

2 SAMUELA 5:12

Dâvi ta Abeipa ta Izarei chô liata bei ta ano cha padua ta, a phopi Izarei vâta a khinarâh chhao a cheihchalo tahpa pahno ta.

2 SAMUELA 8:15

Chatanachata Dâvi cha Izarei saw zydua chô liata ryureih ta. Dâvi cha a phopi zydua châta adona nata siana ta ryureih ta.

1 ABEIZY 3:28

Izarei saw zydua ta abei ta bietluna a taozie cha thei ei ta, ryureina dopa siekhei nawpa ta Khazohpa sona a chô liata a ypa ama hmôpa vâta, abei cha chi ngaita ei ta.

1 ABEIZY 5:7

Hirâ cha Sawlawmaw biezy a thei nahta, a ly ngaita ta, “He phopi rônahpa chô liata ryurei awpa ta sawchapaw sopa Dâvi hnohta a piepa Abeipa cha tanoh reithaipa ta y mawh sy!” tah ta.

1 THÂTIHZYRONA 17:22

Chatanachata na phopi Izarei cha, chhâzaw ta nâma phopi châ awpa ta tao chi ta, nâma tlai cha, Hy Abeipa y, ama Khazohpa na vaw châ haw.

2 THÂTIHZYRONA 2:11

Tyre bei Hirâ ta châpaphaopa ta Sawlawmaw cha a chhy ta, a hnohta, “Abeipa ta a phopi kyh a pachâ vâta, nâ cha ama chô liata bei ta y awpa ta a cha tao,” tah ta.

HLAZY 18:19

Ei chô liata â lypa vâta, Na pachha ta, Su kawhpa lâ einâ chhi haw.

HLAZY 22:8

“Ano cha Abeipa ngâ tlôh ta, Ano ta pachha sala; Ano liata a ly tlôh ta, Ano ta bao mawh sy,” ama tah.

HLAZY 72:2

Na phopi chô liata siana ta ryureih sala, Dyhchhiepazy chô liata adona ta ryureih mawh sy!

ISAI 42:1

Nâ chakaotuhpa nata ei duakheipa he moh u la, Ei tlyhpa nata ei hro ta â ly ngaitapa he moh teh u. A chô liata ei Thlahpa soh na ta, Râhzy liata adona a tlôkhei aw.

ISAI 62:4

Azubâ cha tah khao leipa aw ei ta, Na râh chhao Semâmâ tah khao aw veih ei. Hephazibâ tlao cha tah aw ei ta, Na râh cha Beulâ râh ama tah aw. Na chô liata Abeipa a ly ta, Na râh cha dyh a châ aw.

ISAI 9:6

Eima châta hawti vaw pih ta, Sawchapaw piepa eima châ haw. A ngiatlâh liata ryureina pahniehpa châ aw ta, A moh cha Ryhraotuh Noâhchhihpa, Kha­zoh Thatlôpa, Chhâzaw Paw, Dyhna Beipa bipa a châ aw.

ISAI 9:7

Dâvi beidyuchhai nata a khinarâh chô liata A ryureina laiseih lymâpa cha chhâna hnei leipa aw ta, Adyhna a tao awpa ta chhâna hnei aw vei. A ryureina nata adyhna cha, Adona nata siana ta paduapa ta pa-i aw ta, Tahmâ tawhta tlyzaw taihta a y thlâh ha aw. Pheisaihzy Abeipa phahnai ngiahna ta Chazy cha a tao aw.

ZEREMIAH 31:3

Lâhlapi tawhta a hnohta Abeipa â vaw luah. Tlyzaw kyhpachâna ta kyh cha pachâ na ta, Chavâta ei ngâchhihna na chô liata ei palâsa lymâ.

MALAKHAI 1:2

“Kyh ei cha pachâ ei” Abeipa ta a tah. Châhrasala nâmo ta, “Kheih hawhta ma kyh cha miah na pachâ?” nama tah. “Esaw kha Zakaw unawhpa châ vei ma? Châhrasala Zakaw kyhpachâ na ta,

RYHPACHANEINA 7:8

Abeipa ta kyh cha pachâ ei ta, châ pathlatuhpazy hnohta bie â taihpa a patlô khohpa vâta, Abeipa ta seichâna o tawhta ku thatlôpa ta cha pachha ei ta, Izi bei Phiraoh ku tawhta a cha pachha ei.