1 ABEIZY 10:22 - Mara Bible RV (BSI)

²² Abei ta tilaipi liata Tâsi balyhzy hnei ta, chazy cha Hirâ balyhzy nata sie khoh tyh ei ta. Tâsi balyhzy chata kô thôh padai ta ei kha ngôh, tâkâ, sianaoh, veituh nata varapa zy vaw phaoh tyh ta.

1 ABEIZY 10:22 ပူးပေါင်းရင်းမြစ်များ

ÂTHAONA 10:4

Zavâ sawchapawzy cha Elisâ, Tâsi, Kiti nata Dôdâni zy ama châ.

1 ABEIZY 10:18

Abei ta sianaoh beidyuchhai rônah ngaitapa chhao tao ta, ngôh pha chaipa ta pahu ta.

1 ABEIZY 10:21

Bei Sawlawmaw nyu zydua cha ngôh nyu sai châ ta, Lebanaw Râhmâhpa O liata hmobaoh zydua chhao ngôh suapa ta taopa sai a châ. Tâkâ ta taopa y tlâ vei. Sawlawmaw daihti liata la, tâkâ cha khâpa saw ta reih veih ei.

1 ABEIZY 22:48

Zehôsaphâ ta ngôh a vaw phaoh awpa ta Ôphi lâ a sie awpa Tâsi balyh py padua ta, châhrasala balyhzy cha Eziôkebe liata a rao khai hapa vâta sie thei leipa ei ta.

1 ABEIZY 22:49

Ahabâ sawchapawpa Ahazia ta Zehôsaphâ hnohta. “Keima nâ chakaotuhpazy he nâma châ chakaotuhpazy nata balyhzy liata hmaohkha ta sie ei sy,” tah ta. Châhrasala Zehôsaphâ ta paryhsa vei.

1 ABEIZY 9:26

Bei Sawlawmaw ta Edômâ râh liata Tilaipi Saihpa ngiahkâ Elô kiapâh liata a ypa Eziôkebe su liata balyh py padua ta.

2 THÂTIHZYRONA 9:21

Abei balyhzy cha Hirâ chakaotuhpazy chhaota Tâsi la sie tyh ta. Tâsi balyhzy chata kô thôh padai ta ei kha, ngôh, tâkâ, sianaoh, veituh nata varapa zy vaw phaoh tyh ta.

ZAWBÂ 39:13

“Pavawpi cha a ly kawpa ta a mathlawzy chakhyh ta, Châhrasala vawpô mathlaw nata hmizy hawhpa hnei vei.

HLAZY 48:7

Nochhi thlih hmâpa ta, Tâsi balyhzy na parao haw.

HLAZY 72:10

Tâsi nata liahpahlô beizy ta ano lâ râhpaw pie ei sala, Sebâ nata Sibâ beizy ta kuhriazy pie mawh ei sy!

ISAI 2:16

Tâsi balyh zydua nata balyh angiapa zydua chô liata Chhiena a patlôsana noh a vaw tlô aw.

ISAI 23:1

He he Tyre kyh chhochhieliena bie a châ: Hy Tâsi balyhzy saih u, Thata cha teh u; Tyre cha paraopa châ ha ta, Olyu nata balyh apahâna zy chhao y khao vei. Cha cha Kiti râh tawhta ama vaw siena lâta Ama hnohta palâsapa a châ.

ISAI 23:10

Hy Tâsi zuah y, Nile chavah kiahzy liata ama taopa hawhta, Na râh liata leipalie bâ mah y; Balyh apahâna hnei khao va chi hih.

ISAI 23:6

Hy tilaipi kiah liata a ypazy saih u, Tâsi lâ haosâ kiah u la thata cha teh u!

ISAI 60:9

Na sawchapawzy lâhlapi tawhta a vaw chhipa ta, Ama tâkâ nata ngôh chhaota a vaw chhi awpa ta, Tilaipi kiah râhzy ta na hâ ei ta, A vaw tlô tua awpa Tâsi balyhzy ama hâ thlâh haw. Abeipa ta a cha parônahsapa vâta, He hmo he Abeipa na Khazohpa moh châta taopa châ aw ta, Izarei Mo Pathaihpa châta taopa a châ aw.

ISAI 66:19

Ama hry liata ngiana soh aw na ta, ahrohpazy cha âmo tawhta râhzy lâta tuah aw ei na ta, libaw a chabapa Tâsi, Puli nata Ludi lâzy tuah aw ei na ta, tilaipi kiah râh hlapi liata a ypa, ei mohpathâhna a thei beih leipa nata ei rônahna a hmô beih leipa Tubâ nata Zavâ mozy lâ ei tuah aw ei. Chatanachata râhzy liata ei rônahna ama phuah aw.

EZEKIA 27:12

“Hmo to liata na hneirôh ngaitapa vâta, Tâsi ta châ daoh ta, na hmobaohzy cha tâkâ, thua, râhvâ nata ky zy ta a cha ri tyh.

EZEKIA 27:15

Dedâ mo chhao ta châ daoh ei ta, tilaipi kiah râh hluhpizy chhao, na hmo zuana râhzy ama châ. Na hmozy ama chaleina mâ châta sianaohzy nata tho vyhpazy ama cha pie.

AMÔSÂ 3:15

Chasipaw o nata nopi o zy parao khai aw na ta, Sianaoh ozy leidia aw ei ta, O rônahpazy chhâna a tlô aw,” Abeipa ta a tah.

ZAWNA 1:3

Châhrasala Zawna cha Tâsi lâ tlao a râ awpa ta Abeipa hmiakô tawhta thyu ta. Zôpâ khih lâ zu ta, Tâsi lâ a sie awpa balyh hmô ta. Sie mâ pie ta, Abeipa hmiakô tawhta a râ syulyu ha awpa ta, Tâsi lâ a sie awpazy chhaota balyh chhôh lâ cha a ngia ta.