1 ABEIZY 10:10 - Mara Bible RV (BSI)

¹⁰ Chatanachata Sebâ Beinô ta Bei Sawlawmaw cha ngôh talent 120 nata ia-ô hluhpi nata lôsôhpazy pie ta. Sebâ Beinô ta Sawlawmaw a piepa ia-ô tlu ta a hluhpa a ngia beih khao vei.

1 ABEIZY 10:10 ပူးပေါင်းရင်းမြစ်များ

ÂTHAONA 43:11

Ama paw Izarei ta ama hnohta, “Cha hawhta a châ khiahta cha, hetana heta tao muh vy: He râh liata theilâpa pahâh chaipazy he a chyhta sai ta nama sykhaozy liata pasâ u la, cha chyhsa châta kuhria, thochathli thohna, kheihti, ropahâhpa, myrâ, theilâ hyhkua châpa nata kuasâh theizy phaopa muh vy.

1 ABEIZY 10:2

Zituhpa hluhpi nata ia-ôzy nata ngôh nata lôsôhpa hluhpi a phaohpa râraoseihpazy chhaota Zerusale lâ khy ta. Sawlawmaw kô a tlô nahta, a palôh liata a ypa zydua hiahri ta.

1 ABEIZY 9:14

Hirâ ta abei hnohta ngôh talent 120 a vaw paphao hapa kha châ ta.

HLAZY 68:29

Zerusale liata nâma Achhyna o vâta, Beizy ta kuhriazy ama cha vaw cheipa aw.

HLAZY 72:10

Tâsi nata liahpahlô beizy ta ano lâ râhpaw pie ei sala, Sebâ nata Sibâ beizy ta kuhriazy pie mawh ei sy!

HLAZY 72:15

Abei cha hroh pareih sala, Sebâ ngôh piepa châ mawh sy! Ano châta khâ thlahchhâ ei sala, Noh y ta byhnâ awpa mawh ei sy!

PUASAINA 30:34

Abeipa ta Mawsi hnohta, “Ropahâhpa pahâh ngaitapa stâti, ônichâ nata kâbanu zy cha deiryh pasoh ngaitapa chhaota khopathliahna â khopa sai ta la aw chi ta,

BIESOZY 20:15

Ngôh y ta lôsôhpazy chhao a hluh kaw, Châhrasala novâhna hmaozy he lôsôhpa sôhpazy cha ama châ.

BIECHHOTUHPA 2:8

Tâkâ nata ngôh nata abeizy nata râhzy ryusôhpazy pakhy na ta, chapaw nata chanô hlasathaipazy hnei na ta, chyhsa sawchapawzy alyna nôtho hluhpi chhao ei hnei.

MATHAI 2:11

O chhôh lâ a ngia ei ta, hawsaih cha a nô Mâri hnohta hmô ei ta, a bôhpa ta a naoh ei ta. Ama ryubyhzy pahy ei ta, hmosaipa ngôh, deiryh nata myrâ zy pie ei ta.

BIEPHUAH 21:11

Khazohpa rônahna hnei ta, a khaihnazie cha lôsôh ngaitapa zaspi lô hawhta châ ta, lôsôhpa pasohpa hawhta patliepa a châ.