1 ABEIZY 1:5 - Mara Bible RV (BSI)

⁵ Haki sawchapawpa Adôniza cha anosasyh ta a chaluahpa ta, “Kei he a bei awpa ei châ,” tah ta. Chatanachata talailihzy nata ano hmia lâta a râ awpa arâ pheisaihzy sypangawh pachhuahpanoh ta.

1 ABEIZY 1:5 ပူးပေါင်းရင်းမြစ်များ

2 SAMUELA 15:1

Cha khai tawhta hetana heta vaw châ ta, Absalaw ta talailih miakha nata arâzy nata chyhsa sypangawh a hmia lâta a râ awpa zy a chhuanoh ta.

2 SAMUELA 3:4

a papalihna cha Haki sawchapawpa Adôniza châ ta; a papangawhna cha Abitâ sawchapawpa Sephatiah châ ta;

1 ABEIZY 1:11

Nâthâ ta Sawlawmaw nô Bâsebâ hnohta, “Haki sawchapawpa Adôniza cha abei châ ha ta, cha kyh cha eima zibeipa Dâvi ta a pahno leipa kyh thei va chi ma?

1 ABEIZY 1:4

Cha laihsa cha chhithai ngaita ta, abei mohôhtuhpa ta y ha ta. Abei cha chakao ta, châhrasala abei ta ano cha a ziakhei vei.

1 ABEIZY 2:13

Haki sawchapawpa Adôniza cha Sawlawmaw nô Bâsebâ lâ vawh ta. Bâsebâ ta, “Phana kyh lâta a vypa na châ ma?” tah ta. Adôniza ta, “Phana kyh a châ,” tah ta.

1 ABEIZY 2:15

Adôniza ta, “Abeinarâh he keima eih châ ta, Izarei zydua chhao ta kei he bei châ awpa ta ama hnabeiseihpa ei châpa na pahno. Châhrasala khinarâh cha Abeipa ta ei unawhpa châta a rao hapa vaw châ palie ta, chavâta ei unawhpa eih a châ hapa he a châ.

1 ABEIZY 2:24

A bietai hawhta na padua ta, ei paw Dâvi beidyuchhai liata na patyusa ta, phopi ta nâ paduatuhpa Abeipa hrona reipa ta ei reih. Adôniza he tanoh tlai heta thie awpa a châ,” tah ta.

1 THÂTIHZYRONA 28:5

Abeipa ta sawchapaw hluhpi na pie ta, ei sawchapawpa Sawlawmaw cha Abeipa khinarâh beidyuchhai liata a tyuh ta, Izarei chô liata ryureih awpa ta a tlyh ta.

1 THÂTIHZYRONA 29:1

Chatawhcha Bei Dâvi ta zawpi ahmaohpakhypa zydua hnohta, “Ei sawchapawpa Sawlawmaw he, ano deita he Khazohpa ta â tlyhpa châ ta, châhrasala hawtipa a châ chypa vâta hmo pahno tu mâh vei. O rônahpa sa awpa cha chyhsapa châta châ leipa ta, Zehôvâh Khazohpa châta a châpa vâta rai lai ngaitapa châ ta.

1 THÂTIHZYRONA 3:2

pathôhna cha Kesu bei Tâmai sawchanônô Mâkâ sawchapawpa Absalaw châ ta, papalihna cha Haki sawchapawpa Adôniza châ ta,

PUASAINA 9:17

Chatanachôta ei phopi chô liata nâmasasyh a cheihchalo chi ta, âmo cha pasiesa khoh va chi.

BIESOZY 16:18

Apalaina cha raona hmia lâta sie ta, Akhotlâhna palôh chhao paona hmia lâta a sie.

BIESOZY 18:12

Palôh laina cha raona hmia lâta sie ta, Areisina deikua cha palyupalihna hmia lâta a sie.

ISAI 2:7

Ama râh cha tâkâ nata ngôh ta bie ta, Ama sôh nata thihzy chhâ tiah vei; Ama râh cha arâzy ta bie ta, Ama talailihzy chhâ tiah vei.

LUKA 14:11

A pasâhsapa maih panawhpa châ aw ei ta, a panawhpa maih palyupalihpa ama châ aw,” tah ta.

LUKA 18:14

Ei cha chho ei, thaichâpa ta a o lâ a dipa cha, Phârisaih châ leipa ta, chhiekheituhpa tlao a châ. Ahy rai a pasâhsapa maih panawhpa châ aw ei ta, a panawhpa maih palyupalihpa ama châ aw,” tah ta.

RYUREITUHPAZY 9:2

“Sekhe khih nôpaw zydua nah theina liata reih u la, ‘Nama châta kheihawhpa ma a pha via aw, Zerubâlâ sawchapaw sysaripa zydua ta nama chô liata ryu ama reih awpa ma, mopakha ta nama chô liata ryu a reih awpa maw?’ tah tua muh vy. Kei he nama rupa nata nama sapa ei châpa chhao a thei muh vy,” tah ta.