1 ABEIZY 1:47 - Mara Bible RV (BSI)

⁴⁷ Cha dei châ vei, bei chakaotuhpazy a vy ei ta, eima zibeipa Bei Dâvi cha a vaw lykhei ei ta, ‘Na Khazohpa ta Sawlawmaw moh cha nâma moh hlâta pathâhsa via sala, a beidyuchhai cha nâma beidyuchhai hlâta parônahsa via mawh sy,’ ama tah. Abei chhao ta a rakhô liata a bôhpa ta â naoh ei.

1 ABEIZY 1:47 ပူးပေါင်းရင်းမြစ်များ

ÂTHAONA 47:31

Izarei ta, “Bie nâ taih teh,” tah ta, Zawsi ta bie a taih ta. Cha khai tawhta Izarei cha a rakhô luh chô liata a bôh ta.

2 SAMUELA 21:3

Dâvi ta Kibiô mo hnohta, “Khâpa ma ei cha taopa aw ei? Abeipa ryuto râh he byhnâ nama awpa thei nawpa ta, kheihta ma chatlaina ei tao aw?” tah ta.

2 SAMUELA 8:10

Dâvi ta Hadâdeze a dyuh ta a pahnie hapa vâta, a hnatlâna kyh hiahri awpa nata byhnâ awpa awpa ta, a sawchapawpa Zôrâ cha ano lâ tuah ta. Hadâdeze he Tôi a vaw dyuh ngâ thlâh ha tyhpa a châ. Zôrâ cha tâkâ, ngôh nata dawh hmobaohzy vaw phaoh ta.

1 ABEIZY 1:37

Abeipa ta ei zibeipa abei cha a ypâ tyhpa hawhna khata, Sawlawmaw hnohta chhao y lymâ sala, a beidyuchhai cha ei zibeipa Dâvi beidyuchhai hlâta parônahsa via mawh sy,” tah ta.

EZRÂ 6:10

Chatanachata avâ Khazohpa a palysapa atheihnazy hlâ aw ei ta, abei nata a sawchapawzy hrona châta thlah ama chhâ tyh aw.

PUASAINA 12:32

Nama reipa hawhna khata, nama mietaku zawzy nata nama viahchao hrizy cha a chhi u la, sie teh u. Kei chhao he byhnâ na awpa teh u!” tah ta.

LUKA 19:38

“Abeipa moh ta Bei a vypa cha reithaipa ta y mawh sy! Vârâh liata thlalôhna charei sala, chônôchaipa liana khita rônahna y mawh sy!” tah ei ta.

HEBRAI 11:21

Ngiapâna ta Zakaw ta a thi chy ta, Zawsi sawchapawzy byhnâ awpa chyu ta, a chôchahrei pawhmao a hniehpa ta Khazohpa â chhy.