1 ABEIZY 1:13 - Mara Bible RV (BSI)

¹³ Bei Dâvi lâ thlai a kei ngia la, a hnohta, ‘Hy ei zibeipa abei y, châ chakaotuhnô hnohna heta, “Na sawchapawpa Sawlawmaw he keima hnôhlâ ta bei vaw châ aw ta, ano he ei beidyuchhai liata a tyuh awpa a châ,” tahpa ta bie nâ taih ha va chi ma? Khazia Adôniza cha bei a châ ha tly?’ kei tah mah y.

1 ABEIZY 1:13 ပူးပေါင်းရင်းမြစ်များ

1 ABEIZY 1:11

Nâthâ ta Sawlawmaw nô Bâsebâ hnohta, “Haki sawchapawpa Adôniza cha abei châ ha ta, cha kyh cha eima zibeipa Dâvi ta a pahno leipa kyh thei va chi ma?

1 ABEIZY 1:14

Abei bie na chho hai nota kei chhao a vaw ngia aw na ta, na biezy ei vaw pa-i aw,” tah ta.

1 ABEIZY 1:17

Bâsebâ ta, “Ei zibeipa y, Abeipa na Khazohpa moh reipa ta châ chakaotuhnô hnohna heta, ‘Na sawchapawpa Sawlawmaw he keima hnôhlâ ta bei vaw châ aw ta, ano he ei beidyuchhai liata a tyuh awpa a châ,’ tahpa ta bie nâ taih chi ta.

1 ABEIZY 1:24

Nâthâ ta, “Hy ei zibeipa abei y, ‘Keima hnôhlâ ta Adôniza he a bei aw ta, ano he ei beidyuchhai liata a tyuh awpa a châ,’ na tah ma?

1 ABEIZY 1:30

Abeipa Izarei Khazohpa moh ta, ‘Na sawchapawpa Sawlawmaw cha keima hnôhlâ ta a vaw bei aw ta, keima vyuhpa ta ei beidyuchhai liata a tyuh awpa a châ,’ tahpa ta bie ei châ taih hapa hawhna khata, tanoh he ei tao tlai aw,” tah ta.

1 ABEIZY 1:35

Ano cha kaw pazi aw ei chi ta, a khy aw ta, ei beidyuchhai liata a tyuh aw ta, keima vyuhpa ta bei a châ aw. Izarei nata Zudâh chô liata ryureituhpa ta ano cha ei rao haw,” tah ta.

1 ABEIZY 1:48

Chatawhcha abei ta, ‘Abeipa, Izarei Khazohpa cha reithaipa ta y mawh sy! Ei beidyuchhai liata a tyuh awpa tanoh rao ha ta, ei mo tlai ta ei hmô haw,’ tahpa ta a rei pâ cheingei,” tah ta.

1 ABEIZY 2:12

Chatanachata Sawlawmaw cha a paw Dâvi beidyuchhai liata a tyuh ta, â khinarâh chhao liahsa pa-ipa a châ.

1 THÂTIHZYRONA 28:5

Abeipa ta sawchapaw hluhpi na pie ta, ei sawchapawpa Sawlawmaw cha Abeipa khinarâh beidyuchhai liata a tyuh ta, Izarei chô liata ryureih awpa ta a tlyh ta.

1 THÂTIHZYRONA 29:23

Chatana­chata Sawlawmaw cha a paw Dâvi su liata bei châ awpa ta Abeipa beidyuchhai liata a tyuh ta. Vânoh thata to ta, Izarei saw zydua ta a rei amâ ngiah lymâ.

ISAI 9:7

Dâvi beidyuchhai nata a khinarâh chô liata A ryureina laiseih lymâpa cha chhâna hnei leipa aw ta, Adyhna a tao awpa ta chhâna hnei aw vei. A ryureina nata adyhna cha, Adona nata siana ta paduapa ta pa-i aw ta, Tahmâ tawhta tlyzaw taihta a y thlâh ha aw. Pheisaihzy Abeipa phahnai ngiahna ta Chazy cha a tao aw.

ZEREMIAH 33:21

nâ chakaotuhpa Dâvi hnohta ei biehrai chhao parao theipa châ aw ta, a beidyuchhai liata ryu a reih awpa sawchapaw hnei leipa aw ta, nâ chakaotuhpa Livai chi theihthaipazy hnohta ei biehrai chhao parao theipa a châ aw.

RYHPACHANEINA 17:18

“A khinarâh beidyuchhai liata â tyu tita, Livai chi theihthaipazy a vaopa ryhpa cha, châbu liata â ro awpa a châ.