1 ABEIZY 1:10 - Mara Bible RV (BSI)

¹⁰ Châhrasala hrohsopa Nâthâ, Benai, pasaiphazy nata a unawhpa Sawlawmaw deikua cha hrua leipa ta.

1 ABEIZY 1:10 ပူးပေါင်းရင်းမြစ်များ

2 SAMUELA 12:24

Dâvi ta a lapinô Bâsebâ cha a thlah palôh ta, a hnohta a ngia ta, a ziakhei ta, sawchapaw sa ta, a moh Sawlawmaw bi ta. Ano cha Abeipa ta a kyh pachâ kaw ta.

1 ABEIZY 1:11

Nâthâ ta Sawlawmaw nô Bâsebâ hnohta, “Haki sawchapawpa Adôniza cha abei châ ha ta, cha kyh cha eima zibeipa Dâvi ta a pahno leipa kyh thei va chi ma?

1 ABEIZY 1:19

Viahchao tôhpazy, sahroh dawpa pathawhpazy nata mietakuzy thata thie ta, abei sawchapawpa zydua hrua ta, pheisaih hyutuhpa Zôabâ chhao hrua ta, châ chakaotuhpa Sawlawmaw deikua cha hrua vei.

1 ABEIZY 1:26

Châ chakaotuhpa keima, theihthaipa Za­dô, Zehôdâ sawchapawpa Benai nata châ chakaotuhpa Sawlawmaw zy deikua cha miah hrua vei.

1 ABEIZY 1:8

Theihthaipa Zadô, Zehôdâ sawchapawpa Benai, hrohsopa Nâthâ, Simei, Rei nata Dâvi pasaiphazy deikua cha Adôniza chhâh a châ leipa ei ta.

1 ABEIZY 2:13

Haki sawchapawpa Adôniza cha Sawlawmaw nô Bâsebâ lâ vawh ta. Bâsebâ ta, “Phana kyh lâta a vypa na châ ma?” tah ta. Adôniza ta, “Phana kyh a châ,” tah ta.

1 ABEIZY 4:5

Nâthâ sawchapawpa Azariah cha bia a vaotuhpazy hyutuhpa châ ta, Nâthâ sawchapawpa Zabu cha theihthaipa nata abei viasa châna a pakaoh.