Yohaannisi 4:3 - Mataafa Qulqulloota

³ Yesuusi, wa qootaadi desa kidame Fersaata akka dakayte ete upnaadeeyye alle piita Yihuta oppaayye piita Kelila opa tiitaawe.

Yohaannisi 4:3 ပူးပေါင်းရင်းမြစ်များ

Maatiyoosi 10:23

Oton katama takkan oppaayye rakkoota ishin qara koopniiyyi katama pila opa qaha. Anti dukaatannen ishina kiini haka inna nama tiitaawnaan ka deenaan kara'e, katamadda a Isira'eeli piisa ollinni akkaytan.

Mariqoosi 3:7

Yesuusi tamaarewwaadi olliiyyi pakateeta Kelila kapopa aane. Piita Kelila isho a Yihutaatiiyyi orra lekayta ka isha kamma aane.

Luqaasi 17:11

Yesuusi ete katama Yursaalami opa annooyye, arrta piita Samaariya isho a Kelila karanne tarpini;

Yohaannisi 1:43

Parraytaadiiyyi, Yesuusi piita Kelila opa anta heena ka Filippoosi akke ka ishi kide, “Ana kamma' xooye.”

Yohaannisi 10:40

Yesuusi a lammattati kirra Yurtaanoosi tuulleew ka porase a paayyota Yohaannisi oppa pishaan orra jaqqino opa aane ka eyye jare.

Yohaannisi 11:54

Awwseti desa paayyatte Yesuusi orra a Yihuta turan desa akkaattaan in anne ma, eeyye xa'e ka katamasene Efreemi kidamma koommayta kapa ca opa aane. Ka eyye tamaarewwaadi olliiyyi jare.

Yohaannisi 2:11

Yesuusi piita Kelilaati katama Qaana kara'e wa orra qawwanna oppa wossin orra qawwanna a paayyota kode ka seden ulfeenaadi akkishe. Tamaarewwaadi ka isha amanenen.

Yohaannisi 3:22

Sekkammaayye Yesuusi tamaarewwaadi olli piita Yihuta opa aane ka eyye pishaan orra jaqqni ka lamayteeta jare.

Yohaannisi 3:32

Isha wa akke ka dakaye'e maakkummi, ma xoori nama maakkumaadi teyyanno takka nefo in co.

Yohaannisi 4:47

Isha ka akkima Yesuusi piita Yihutaati piita Kelila opa de'e dakaye ka isha kapopa aane ka akka katama Qifirnahoomi opa xata lekkado ka innasene xaadi dikke paaqnaa ka toota foolsade dinsho'e Yesuusi qinsade.

Yohaannisi 7:1

Se kammaayye Yesuusi piita Keliila oppa pora anni. Qoota Yihutaata isha ikassa faanitto malla, piita Yihuta oppa pora aaneta in heenananne.