Yayqoopi 5:7 - Mataafa Qulqulloota

⁷ Amma oori hellaanno a kiristaanatiiyyi! haka Poqalla deeno kara'e duupattaan asada. Qotampayta haka piitaadi roopa para isho a hakayta akkannitto kara'e duupanni ka miillatase heraan kokkoka a piitaadi palannitto asanni.

Yayqoopi 5:7 ပူးပေါင်းရင်းမြစ်များ

Xuuma Ermiyaasi 5:24

Umma karittaaysho kara ‘Waaqa Poqallasene xanno roopa para isho a hakayta poraadippa ishootta roopinno ka unta ishootta palanno fuurri in caan.’

Hoose'i 6:3

Xooya Waaqa upnaanna ka isha upnaatta' kokkonsanna; ha isha oto inopa deenooyye, akka la'ayta para' mina'e dukaatan ino akkaada ka akka roopa a soroora roopno ka piita faakinno mina'e, ino' de'a.”

Xuuma Iyyu'eeli 2:23

“Ishina' samayta Siyyoonitiiyyi, Waaqa Poqallaassin dukaatanne ishin suraysade ka roopa para ka a hakayta a xatta' mina ishina' roopsheey, koda Waaqatin xasooda ka xasan ililiwa.

Xuuma Sakkaariyaasi 10:1

Akka roopa hakayta ishina' roopsho'e, Waaqopa qinsada. Ha Waaqa xayxayta oraarta' kooni ka roopa orra kayo roopinni ka piita akka nama piisa'e sakkatta dehisso' kooni.

Maatiyoosi 16:27

Inna a nama erkampattowwaadi olliiyyi ulfeena aappaayshotitin de'a ka awse nama piisa akka kodaadi mina daasha.

Maatiyoosi 16:28

Dukaatannen ishina kiini, sene are qa'anna oppaayye orra inna a nama a mankisteetaadin deeno haka akkan maliiyyi in leenini takka takka ca.”

Maatiyoosi 24:27

Deena inna a nama, akka hankaada qinda piirtotati paayyatte haka dumaatetati akkaanno mina'e koddaneey.

Maatiyoosi 24:44

Semmalla ishina nefo, inna a nama saateta a ishina a dikanni a kinnini oppa'e de'aneey, harmisada ka kallaada.”

Luqaasi 18:8

Anti in ishina kiini, Waaqa irra qara ishootta dukaata farata. Ma xoori, inna a nama awta deenaaneeyye, hela ipiita qara amanteeta teya?”

Luqaasi 21:27

Sitiiyyi orra ka inna a nama a oraarappa hupna ka ulfeena kuttan deeno akka.

Luqaasi 8:15

Xottasene piita fayya oppa seehe xoori, orra karitta fayya ka taantetan qaaletase dakayno ka tooytino lelli. Ishootta orra qaaleseetin japaanno ka dalta dallo.”

Yohaannisi 21:22

Yesuusi ka ishi oorshe ka kide, “Hakan anti deeno kara'e, akka kallaado'e kadin faqqatayye, maana oppopa ke kalshe? Atti ana kammaaw xooye.”

Yohaannisi 21:23

Se qaran xaate'e, otanta orra Yesuusi kamma anno oppa'e, otoota a kiinitto, “Ha tamaarittose in to'o” ka fidamte. Ma xoori Yesuusi “Hakan anti deeno kara'e akka kallaado'e, kadin faqqataayye, maana oppopa ke kalshe?” Kide diisheey, “in to'o” kiine.

Roomi 15:4

Duupatta isho xasa oorsattase an mataafa qulqulloota kara teyninnonne, akkan kippeeta qapnaanno'e, wa a turan taafame piisa, akkan oppa kollanno'e taafamen.

Roomi 2:7

Orra koda paxaaran japaattaan a kalata ka ulfeena isho caattase panni in kinnin faano, Waaqa caatta parapara'e ishootta' daasha.

Qorontoosi a paayyota 1:7

Semmalla oto deena a Poqallaanno a Yesuusi Kiristoosi asattaan kallaannittaneeyye, daassata hapura' takka nefo ishina in qajto.

Kelaatiya 5:5

Ino' xoori, hapura Waaqatinnin kippeeta hanqeelluma amanteetan asanninna.

Kelaatiya 6:9

Oton xasa, an murriniiyyi oto etaadi kaytooyye qootan feranno malla, koda paxaara koda'e nukkullaatta diinna.

Mataafa oppa' Ooreta 11:14

akka unta ferattane'e ka dalta wayneeta isho a ekertaayti pohatto'e, isha etaadippa'e roopa para ka a hakayta piitaayti oppa roopsha.

Qolaasiisi 1:11

Akka a kuttati' duupattan ka ettanissa qapnaattane'e, Poqalla a Hapurase' xaadi kuttan kokkonnuma piisa ishina' daasho.

Teseloonqe a paayyota 1:3

Koda amanteetaayshinan koonittan ka yaalaayshin a jaalala, isho kippeetase a' Poqalla Yesuusi Kiristoosin qaptan duupattaan asattaayshin fuula Waaqinno ka A aappinno' tura'e awta piisan matte oorsanninna.

Teseloonqe a paayyota 2:19

Ka kuliyya, kippeetinno ka xasinno ka oto Poqallaanno Yesuusi' deenooyye, xalaalaanno an fuulaadi tura ishin jeejjanna ayno? Ishinanne?

Teseloonqe a paayyota 3:13

Poqallaanno Yesuusi oto qulqullowwaadi piisa olli deenooyye, fuula Waaqinno ka a Aappinno tura'e, akka qulqullaawtan ka qaja mali kinnaattane'e a karittaayshin kokkonnaysho.

ipro 6:15

Aprihaami ka duupattaan asade ka wa ishi' kippeeta' daasame akkade.

Yayqoopi 4:11

Hellaanno a kiristaanatiiyyi! oli in haasawan. Nama a nama haasawno taaki nama qara' faranno, seera haasawni ka seera qara' faranni. Oto seera qara' farannittooyyew, faratampayta' koddite diisheey, seera a' tooytaanni a kitto.

Yayqoopi 5:10

Hellaanno a kiristaanatiiyyi! xuumampayasene maxxa Poqallaatin haasawade, rakkoota duupattan akka ishna' pahana kodden upnaada.

Yayqoopi 5:3

Warqeetaayshin ka dakaraayshin a pirreeta ijaljaltoode. Jaljaltoose nefo maakkitta ishin qara' koddita. Ka akkima apitta mina dakintaayshin kupta; kuyyawwosene a piraampira' qaraayye, teyaanta kuttayteeta ollopa tuulatten.

Petiroosi a lammatta 3:4

Ka kida, “Poqalla Yesuusi i'de'a in kidamme, kippeeta ka in daasamme? Ka kuli aysha ca? Haka xatta aappadaanno le'ene paayyatte, paayyota uumatati xaate wa piisa akka caan qaraayyew caan.”