Yayqoopi 5:5 - Mataafa Qulqulloota

⁵ We' piisa ishin tura' pure akka issi patta kallaatten ka a horeeta a qalama meerte mina'e isi meerissen.

Yayqoopi 5:5 ပူးပေါင်းရင်းမြစ်များ

Mataafa Masmuureta 17:14

Oo Waaqqo! orrose kelaayye harkaaytin anan pahe ka orrase a qoottotaaysho kallaase a piita qara patta koddite kelaayye ana dinshe; teyantase' xaayti dekatte oppaayye, karittaaysho duttanisse; ikka hellaasso nefo kela haste; ka teyantaaysho a ishootta kela haste kuli arepeela hellaassoti kuulli.

Mataafa Masmuureta 73:7

Kappuma qaran xaate'e, ildaasso ifukamen, karittaaysho, dikatta neeqanne immakaade.

Mataafa Pahana 17:1

Pora peeqqa oppaayye hallaaka dameeta kapaayye, pora nakayta oppaayye laaqqota kokte dameeta wayyi.

Mataafa Pahana 7:14

“Kalisoota takkaytuma'en tikoppa qapa ka awwe xasa an daasade dikkishe

Mataafa Dehaamta 11:9

Atti xayyoolayto! A' xayyopa kittooyye xasoodo, parraatti a xayya oppa karittaayti piisan xasoodo ka wa iltaayti akkite, karittaayti ka xajeele' piisa kode; ma xoori, qootose' piisa malla, Waaqa akkima firteeta turopa ke dehaysho upnaado.

Xuuma Issayyaasi 22:13

Ma xoori ishina pakkoose oppa'e ixasootten ka sankulta kodatten ka oppa' meertada isho kaharra qalatten ka so'a damten ka taadeta wayneeta ikten ka olli' kiitene, “Xooya damma ka ikna, parri in leenaay.”

Xuuma Issayyaasi 3:16

Semaliiyyiiw Waaqa ikiini, “Tuparra Yursaalami isi jeejjeeta koopshen ka xolma dedderanni ka pora anni ka ildaasso orra' diipni ka antaasso purinni ka sankurraasso kekkeehinni.

Xuuma Issayyaasi 47:8

Semmalla amma ke a iskaran xata dikannitto ka kiinitto, ‘Ana mali nama pila in co; diirtiyyo in to'o, umma hellaayyo in le'an’ Ka xasaaw jaalannitto ka qaapa a' qapnin, sede dakaye!

Xuuma Issayyaasi 56:12

Ka olli' kiini, ‘Xooya ka taadeta wayneeta' faddanna ka ikkayta kokkoka duttanna; parriiyyi asseew pahanaatta ka a awwe' qaran a kuttati' jaalta.’”

Xuuma Ermiyaasi 12:3

Ma xoori, oo Waaqqo! atti i'ana upta; ka ana akkini, ka waan qootaayti desa dikanna kuli ekkaysanni; akka kahirra a qalama qulamma mina, ishootta qule; ka kuyyaata oppa qalaman ishootta' reexe.

Xuuma Ermiyaasi 25:34

Kuyyaata oppa qalamtan idehaatteey, ishina samayta sikinnaatiiyyi, ‘Oo ino kido!’ Kida ka pooya; ishina a saarra xellowwa koddeetiiyyi, taraappa kankalaada; akkima okkota paxaara mina'e moonte piitan ka paqtaneey,

Xuuma Hisqeeli 16:49

Tin ini ishin dapayta a enentaayshin Sottoomi koote, isheetta isho tuparraadi isi peepen ka damta kuttayteeta qapan ka naala naala kallaanni; ma xoori teekolaya isho rakkatampaya qaarqaarri in caan.

Xuuma Hisqeeli 39:17

Waaqase' piisa qara qapo ana kide, “Atti to'ampayta namatiiyyi, xampira ika piisa ka pinaana a koommayta opa haasawado ka ishootta' kide, ‘Sankultase kutta an irrowwa Isira'eeli' qara ishina' harminno ka oppa' horeeta qallo oppopa xora katada ka qinda piisaayye desa oppopa xooya ka so'a dama ka diika ika.

Xuuma Amoosi 6:1

Ishina' saarra samayta Isira'eeli' koddeetiiyyi, ha orra qaarqaarsa akkatta'e ishin kapopa deeni; ishina' xoori i'ishina ettante, akka Siyyooni qara naalaan kallaannitan ka irroota Samaariya' qara wa ino qappada in caan kiinittaneey, oo ishin kido!

Luqaasi 16:19

Kamma desaaw Yesuusi ikide, “teyantoolayta takka mehadda pa'aara kalsanno ka kuyyaata piisa naalan kallaanno ca.

Luqaasi 16:25

“Aprihaami xoori i'ishi kide, ‘Innaayyo, atti a piita qara kittooyye, akkima wa pa'aara akkatte ka xasootte, matte oorsado. Alaasaari xoori rakkootoppa caade; semmalla amma isha areeyye xasoonni, atti ka rakkanni.

Roomi 13:13

Ka kirpa amala dape ka maashsha ka sharmuutuma ka pora oli tititta ka oli shiishsha ka yootanne in koddinin; ma akka orra a la'ayta kuyyaata oppa kalo mina'e qalpeeta a paxaaratin kallaanna.

Timotoosi a paayyota 5:6

Hiyyetteta a xasa piisseti patta jaalannitto xoori, a kitto toote.

Timotoosi a lammatta 3:4

ka a nama marmanna ka a paata tooytanni in kinninni ka a isi peepaan kofkofe ka Waaqa jaalatta kapa a xasa piita' jaalanna'e koddan.

Petiroosi a lammatta 2:13

Tiiyyaasso a kodene kapa'e mushshaaraaysho akkadan; ishootta wa ishin xasoonnaane ayaasopa maashshootta ka kira amala dape kirpeeta a mala dapen ishin oppopa damta halaamaneeyye, kodase xaaysho aqallpeeta so'a orra sassapannonne ishootta orra nyale ka jeere.

Yihuta 1:12

Orroose fuura mali nyala koono, oto sankulta takkumtaayshina oppopa deaneyye, kehayta ishina' koddini. Ishootta sikmaya issiiw sikinna. Ishootta oraara roopa in qapnin ka xayxaytan haadamma mina; ishootta eta a luukata palinitto nefooyye qoyra a qara luukkata kinnaanni in kinnin a hittinan shukkame ka lakkin to'e mina.

Keleshaata 18:7

Akka isheetta issi'i ulfeena isho ettana daasse kapa'e nyooreta isho nyarrahata ishi daasha; isheetta issi karanxata ijeejjaanni ka kiini, anti an nuqusitteeta mina'en kuti'e umma an hiyyeettetan; umma pakkanna nyarrahata ana qara in kayo.’

Mataafa Saamu'eeli a paayyota 25:36

Apikiyya ka Naapaalise sankulta a tika nuqusa pahato koda qaara co kapopa tiitaawte. Isha qoota akata maashshoode ka xasoottoppa co malla, isheetta haka parinito'e, we takkan nefo isha in lelle.

Mataafa Saamu'eeli a paayyota 25:6

Ka ishi kida, ‘Paraayti a ke deraado; nakayta ka ke ka toolaayti isho wa qapta piisa koddo!