Yayqoopi 5:17 - Mataafa Qulqulloota

¹⁷ Eeliyaasi xanno mina'ewwen nama, ma xoori akka roopa in roopnini'i, ete a kuttati qinsadeeyye, para sessa ka paka kara'e piita qara' roopa takka nefo in roopne.

Yayqoopi 5:17 ပူးပေါင်းရင်းမြစ်များ

Mataafa a Nuqussa a paayyota 17:1

Orra Kele'adi kara kalo oppaayye, Tesipittase Eliyaasi ka Aki'api kide, “Maxxa Poqalla Waaqa Isira'eeli, isase an anti ishi koda koonotinnin xaxanni ka ke kiini, hakan anti haasawado maliiyyi, parra arepadesa deena kara'e, tadahata taaki roopa in caado.”

Mataafa a Nuqussa a paayyota 18:1

Eta kuttaya kamma para sessattatiiyyi, nessa Waaqa ka Eeliyaasi de'e ka kiini, “Aane ka Aki'api isi akkishe. Anti piita qara'en roopa roopshaay.”

Luqaasi 4:25

“Anopa dakkaysada! anka dukaata ishina lelo; sapana a xuumampaytase a Eeliyaasiiyyi, qoota para sessa ka leya lehi roopa dapade malla, piitaaysho piisa qare loota kokkoka deete. Sitiiyyi piita Isira'eeli karaayye, iskatta a diiraasso qara le'ene lekayta ca.

Kodampaya 10:26

Peetiroosi xoori i'ishi kide, “xa'e! Anti an xaayti mina'ew an namaay,” Ka isha xaashe.

Kodampaya 14:15

“Ishina orraayti, maana'e sede koonittan? Ha ino xaayshin mina'ewwen an orra. Ha ino waan malla arepa deene akka ishina wessene a paata patta kapaayye sekaattan ka caattampaytase a Waaqa moonta ka piita isho pakateeta ka wa kara ca piisa uumepa tiitaawtane'en otoota fayya ishina torreeta malla.

Roomi 11:2

Waaqa, samayta a turanneew reexade alle in kanne. Mataafa qulqulloota qoota Eeliyaasi desa wa a kide matte a oorsanni a' kittane? Eeliyaasi'iw fuula Waaqa' tura'e, maana akkima kide ka samayta Isira'eeli' xasase a uptane?

Keleshaata 11:6

Kuyyawwosen a ishootta oppa xuuma haasawadane karaayye, akka roopa in roopnini'i moonta dufa'e hupna ukkumeeta'e qapan. Ka akkimoose mina'ew pishadda diikopa purissa'e ka eta a heenaneeyye erkannawwa ika heenten piita da'issa'e hupna ukkumeeta qapan.