Yayqoopi 5:16 - Mataafa Qulqulloota

¹⁶ Semmalla akka' dintane'e, juppootaayshin oli tura' lelada ka olli' qinsada. Qinseeta a hanqeellita nama, wa kutta'e kooni.

Yayqoopi 5:16 ပူးပေါင်းရင်းမြစ်များ

Mataafa Uumata 19:29

Waaqa ete katamaddoosen patinnooyye, Aprihaami'i dikade ka katamasene kara alle Looti sookshe.

Mataafa Uumata 20:17

Sekkammaayye Aprihaami ka Apemeleki Waaqa qinsade. Waaqa ka Apimeleki ka iskatteetaadi ka orxayaadi piisa tooyyade, ikka xaaya paayyen.

Mataafa Uumata 20:7

Amma nefo iskatteeta laayyo oorshe. Isha' qootan xuumampayta malla, ike malla qinsadaay, a' tooto. Ma oton isheetta oorissa diissaayye, akkima' tooto, wa' qapta piisa ka piramane'e upnaado.”

Mataafa Uumata 32:28

Namase ka ishi' kide, “Amma desa maxxaayti Yayqoopi in kidamo. Atti' qoota Waaqa ka nama sootte ka putte malla, maxxaayti ‘Isira'eeli’ kidama.”

Mataafa Saamu'eeli a lammatta 19:19

Ka nuqusa kide, “Poqallaayyo nuquso, kuyyaata atti Yursaalami kara sookteeyye, anti orxaytaayti wan ishin ke dape ana qara'en qapadan ka matte in qapnaadan; poqallaayyo, ishin dapaytiyyo alle ana diishe.

Mataafa a Nuqussa a paayyota 13:6

Nuqusase ka namase a Waaqati kide, “Akka harkiyyo dino'e, Waaqa Poqallaattipa ana qepado ka ana qinsado.” Namase a Waaqa ka Waaqopa ishi qepade. Harkase xaadi ka dine ka a xattati oore.

Mataafa Otoowwa a lammatta 30:20

Waaqa ka Hisqiyaasi dakaye ka samaytasetin pahe.

Mataafa Iyyoopi 42:8

amma xaraaffa tappa ka laahadda tappa qeeda ka orxaytiyyo Iyyoopi kapopa aana ka eeyye qootaayshinaayye desa kalisoota kupannitto dehaysha. Orxaytiiyyo Iyyoopi nefo ishina'e qinsada anti ka qinseetaadi dakaya. Umma akka dapaayshin mina ishin qara an kodo. Maana malla ishina qootiyyo desa a orxaytiyyo a Iyyoopi mina likkeeta a' haasawanneey.”

Mataafa Masmuureta 34:15

Ilda Waaqa hanqeellayaapa tooyanni; nappaadi nefo qinseetaaysho opa idakkaysanni.

Mataafa Sooketa 17:11

Oto Muuse harkaadi opeela xaasho piisa kapa'e Isira'eeleta ipunni; oton Muuse harkaadi xata oorsadaayye, Amaleeqeta ka punni.

Mataafa Sooketa 9:33

Muuse ka oori Feri'ooni kapa xa'e ka katama kara sooke; ka harkaadi opeela qapade ka Yaahiwwepa qinsade. Qaqawwase isho apteentase ka qa'atte; umma kammopa roopa in roopne.

Mataafa Pahana 15:29

Waaqa ukkuttowwa kapa sekaanni; ma xoori qinseeta hanqeellaya'e dakayni.

Mataafa Pahana 15:8

Waaqa kalisoota ukkuttowwa'e xaccisanni; ma xoori qinseeta orra taantetan kallaannoti, isha xasanni.

Mataafa Pahana 28:9

Nama seera dakaya kapaayye napahataadi dakkanno, qinseetaadi kuli ixaccanni.

Xuuma Ermiyaasi 15:1

Waaqa ka ana kide, “Kadi punu Muuse isho Saamu'eli fuuliyyo tura qa'annaan nefooyye, karittiyyo samayse in suraysadooy, fuuliyyo tura alle sookshe ikka aano.

Xuuma Ermiyaasi 33:3

‘Anopa ullupe, in ke oorshaay; ka wa a atti a upnini a kutta ka juutame ke akkishaay!

Xuuma Ermiyaasi 42:2

ka xuumampaytase Ermiyaasi kide, “Akka akkinitto mina'e, ino axatta leka oppaayye sene are shakka'ew peella haseey, atara waan ke qara kaassanninna ino dakaye ka Waaqa Poqallaattipa ino qinsado.

Mataafa Dikoota 11:2

Samaytase ka Muusepa ullupe; Muuse ka Yaahiwwepa qinsade; a piitase ka oori libbe.

Maatiyoosi 21:22

Oto amantaneeyye wa qinseetan kaassannittane piisa akkattan.”

Maatiyoosi 3:6

Ka juppootaysho lelanni, ka kirra Yurtaanoosi oppa harka Yohaannisi oppa jaqammi.

Mariqoosi 1:5

Orra piitase a Yihuti isho a katama Yursaalami lekayta ka isha kapopa deeni ka juppootaaysho lelanni. Yohaannisi ka kirra Yurtaanoosi oppa ishootta jaqni.

Luqaasi 9:6

Erkamampayasene ka eyye xa'en ka porra piisoppa paaqolaya dininni. Ka palewwaappa anni ka otootase a fayya kollinni.

Yohaannisi 9:31

Waaqa akkima juppoolaya dakayni in kinnin a upnaysamte. Ma xoori nama Waaqa waaqaysanno ka heennaadi koono oton icaayye, Waaqa i'isha dakayni.

Kodampaya 10:38

“Ka asseew Waaqa akka Yesuusise a Naasirati Hapura Qulqullootatin daate ka hupna ishi daashe, i'uptan. Waaqa qoota isha olli co malla, isha ka wa pa'aara kodanne ka orra a hupna ukkumeeta kela miiddame piisa dinissaanne pora aane.

Kodampaya 19:18

Orra amanno oppaayye lekayta ka kodaaysho a neeqa laka' sookissa ka lelattaan deeni.

Kodampaya 8:24

Simooni ka ishootta kide, “Wessen a amma haasawattene oppa akkima we takkan nefo ana qare in kaynini'i, ishina'ew ana Poqalla qinsada.”

Roomi 3:10

Akka taafamte ka kiinitto, “Hanqeellitta in co; pakkanna takka nefo in co;

Roomi 5:19

Ajajama diissatta a Attaami a nama takka' minanne akka orra lekayta juppoolaya kodde mina'e, ajajama Kiristoosi a nama takka' minanne, asseew lekaya hanqeellaawa.

Qolaasiisi 1:9

Semmalla kuyyaatan sede dakayne paayyatte, ookuma isho upna a Hapura qudanne, akka Waaqa upna heennaadi ishin kara immako'e isha qinsatta ka kaassatta an qaatinne.

Teseloonqe a paayyota 5:17

Ka awta piisa qinseeta kammaaw caada.

Teseloonqe a paayyota 5:23

Waaqase a nakayta a mattaadi we piisan ishin qulqullaysho. Hapuraayshin ka napseetaayshin ka dakintaayshin kuyyaatase a oppa Poqallaanno Yesuusi Kiristoosi' deeno tura'e a qaja mali tooytaamen.

Teseloonqe a paayyota 5:25

Hellaanno a kiristaanatiiyyi! ino' nefo qinsada.

ipro 11:4

Apeeli amanteetanne kalisoota a Qa'eli qara qapto Waaqa' kalshe; eta Waaqa daassata Apeeli xasan teyyadeeyye, Apeeli akka amanteetaadin hanqeellitta kodde i'ishi' maakkumamte. Apeeli kadi punu to'eeyye, amanteetaadi qudanne amma ikki' haasawanni.

ipro 11:7

Qoota wa sitiiyyi ildaan akkaanni in kinniniti desa Waaqa ete turadesaaw ishi' leleeyye Noohe Waaqa fuuretanne, toolaadin paha'e, amanteetan markapa kode, amanteeta Noohe minanne piita akka juppolayteeta koddite ikka upnaysamte ka qara' faratamte. Noohe ka hanqeellumasene amanteeta qudan teyanna' lehade.

ipro 12:13

A hekkello akka himintoppa olmina in maynin ka dino'e, loqqaassina'e poraayshin qajeelsada.

ipro 13:18

Ino' qinsada, akkiman dikatta a karan xatan qootisammi in kinnin qapno fayya'en upnaay. Qinda piisan qalpeeta fayyaatin kallaattaan xajeellinna.

Mataafa Iyyaasu 10:12

Kuyyaatase a Waaqa Amoorata hellaa Isira'eeli kelopa orshe, ikka puteneeyye, Iyyaasu hellaasene a Isira'eeli tura'e Waaqa haasawade ka kide, “Awwe letta piita Kepa'oonitiiyyi in dummin, umma leya naaba Elooni qara in lehnin.”

Petroosi a paayyota 2:24

Akkan juppoota kapa sekaanno ka hanqeellumaan kallaanno'e, isha' mattaadi' dakintaadin juppootinno masqala qara' haade. Ishina ka faykitteetaadin dinten.

Yohaannisi a paayyota 3:22

Qootan ajajadda Waaqa' tooytaanninno ka wa isha xasanna' kooninno malla, wa an qinsanninna' piisa isha qara in akkanninna.

Mataafa Saamu'eeli a paayyota 1:12

Haanna ete fuula Waaqa tura qinseeta derasseeyye, Eeli afaadippaaw tooyni

Mataafa Saamu'eeli a paayyota 12:17

Amma eta pona an oppa kappa mujanninnonne? Akka xiraro ka roopo'en Waaqa qinsada. Issi nuqusa kaassattaayshinan, neequmta fuula Waaqa tura kooten akkima kutti akka upnaattan ka akkitan.”

Mataafa Saamu'eeli a paayyota 12:18

Saamu'eeli ka Waaqopa qinsade, Waaqa ka awsetiiyyiiw xirare ka roope. Samayta piisa ka a kuttati Waaqa isho Saamu'eeli fuure.