Yayqoopi 5:11 - Mataafa Qulqulloota

¹¹ Semaliiyyiiw sene duupattaan japaadeeti'i, “A eeppisame'en” kiininna. Iyyoopi atta akkima duupade iddakayten ka piraampira qaraayye, waasene' paxaara a Poqalla ishi' kode akkiten. Ka sedenne Poqalla akkima duupattampayta ka suraysattampayta kodde akkiten.

Yayqoopi 5:11 ပူးပေါင်းရင်းမြစ်များ

Mataafa Otoowwa a paayyota 21:13

Taawwiti ka Kaati kide, “Akatan oppa rakkade; ma xoori diissata Waaqa Poqalla ikuttiiy, ana harka nama oppa'ew pi'a diisho, ka harkaadippa'ew pi'o.”

Mataafa Otoowwa a lammatta 30:9

Kadin ishina Waaqopa oorriiyyi, Waaqa Poqallaassin qoota suraysattampayta ka xoonampayta kodde malla, orroose hellaassin a ollin dalattene isho a xaaytene pooje, i'ishootta suraysada ka piisse oppopa ishootta oorsha; kadi ishina ishopa tiitaawniiyyi, isha fuulaadi ishin tura in quu'o.”

Mataafa a Nehimya 9:17

Ishootta umma ke' ajajama itiiten ka kodaddasene orra qawwanna a ishootta' koote teymen. Ka karitta kokkonnayshen ka nyiraamumaassotin karpishshuma Kipsi kelopa oora'e saara reexaden. Atti' xoori a' Waaqa diisata. A' xoonampayta ka suraysattampayta; ka miira'e a' jarjarri a kinnin, jaalalaatti ka koopen, semmalla alle ishootta a' diinne.

Mataafa a Nehimya 9:31

Atti' xoori qoota a Waaqeeyye xoonampayta ka a' diissampayta koddite malla, suraysattose' xaayti koope malla, ishootta alle a' diinne ka alle ishootta a' patinne.

Mataafa Iyyoopi 1:1

Piita Uusi karaayye, nama takka Iyyoopi kidammo kala; isha nefo nama qaja in qapnin ka nama taanteta, a Waaqa fuurro ka wa neeqa kapa sekaade.

Mataafa Iyyoopi 1:2

Isha hellaa diira tappa ka tuparra sessa qapa.

Mataafa Iyyoopi 2:10

Isha ka isheetta' kide, “Atti eeppa iskatta' mina'e' haasawanni; harka Waaqa oppaayye a paxaara in teyyanneey, a neeqa an teyyannoowwe? Sede piisa oppaayye Iyyoopi wa kideetin kamma in dapne.

Mataafa Iyyoopi 23:10

Isha' xoori qinda an anti qara' anno piisa upa; oto ana ekkaysado kammaayye, a warqeeta' mina'en oppa sooka.

Mataafa Masmuureta 103:13

Akka aappa hellaadi suraysanno mina'e, Waaqa asseew a isha tura fuurra' suraysanni.

Mataafa Masmuureta 103:8

Waaqa suraysatampayta ka diissampayta, tapo miironni in co ka xoona' alle' pure.

Mataafa Masmuureta 116:5

Waaqa xoonampayta ka hanqeellayta, Waaqinno suraysattampayta.

Mataafa Masmuureta 119:132

Akka orra maxxaayti jaalannoti koonitto mina'e, anopa tooyyado ka ana suraysado.

Mataafa Masmuureta 145:8

Waaqa xoonampayta ka suraysattampayta a miira' jarjarri in kinnin ka diissatan immakaade.

Mataafa Masmuureta 37:37

A qaja in qapnini milikkitaysado; ka a dukaatan kallaanna' tooye; nama a nakayta, itturopa kippeeta qapa.

Mataafa Masmuureta 51:1

Waaqqo, jaalalasene' xaayti pirama in qapnini' minan ana maare; ka diissataayti a koopte minan dapiyyo alle haqe.

Mataafa Masmuureta 78:38

Waaqa xoori qoota suraysattan immakaade malla, juppootaysho i'ishootta' diishe, umma alle ishootta in patinne. Ka a lekatin alle' miiraadi ishootta qara tiitayshe, umma aaraadin ishootta qara in' xaane.

Mataafa Masmuureta 86:15

Waaqqo, atti' xoori a' suraysatampayta ka a' diissampayta Waaqa; a kuttati orra kela duupanni ka xoona ka amanuma alle' purte.

Mataafa Masmuureta 86:5

Poqlo, atti ipaxaari ka a' diissampaytaay, ka a ke qinsanna' piisa'e, xoona alle' purte.

Mataafa Masmuureta 94:12

Oo Waaqqo, nama a atti shooraattin qiminnitto ka seeraayti kollinnitto, oo xaadi sanayta!

Mataafa Sooketa 34:6

Yaahiwwe ka Muuse turandesa qatte ka salishe ka kide, “Yaahiwwe a diissata ka suraysatta alle pure; Yaahiwwe a tapo miironni in kinnin a xoona isho amanama alle koope;

Mataafa Dehaamta 7:8

Paayyota a we takkane kapaayye, piraampiraaysho'e wayyi; nama a isi jeejjino kapaayyeew nama a duupanno wayyi.

Xuuma Issayyaasi 63:7

Xoonasene a Waaqa' pirama in qapnini, ka daassatase a ino' daashe kapa'e kalataadi, ka suraysattaadi kapa'e ka xoonasene' xaadi pirama in qapnini kapa'e, paxaarumtase' xaadi kutta a sanynyeeta Isira'eeliti' daashen torra.

Xuuma Issayyaasi 63:9

Isha' rakkootaaysho piisa ishootta olli rakkade, erkampattootaadi ka ishoottan pahate; isha ka jaalalaadi isho suraysattaadin ishootta furade ka eta xatta' piisaayye opeela ishootta haade.

Pooyta Ermiyaasi 3:22

Wan malla an pannini, jaalalasesne a Waaqa' pirama in qapnini' malla, suraysattaadi pirammi in cooy.

Xuuma Taani'eeli 9:9

Waaqqo Poqallaano kadin puno ke dakaya tiinneeyye, atti a diissampayta ka a suraysattampayta.

Xuuma Iyyu'eeli 2:13

Nyarrahataayshin akkissa'e ohawwaassin kakkaa'a kapaayye, karitta a nukkullan anopa oora.” Ha Waaqa Poqallaassin, naalayta ka suraysattampayta, a miira' jarjarri in kinnin, a diissataadi haka parparati' koopte ka a dapa mureeta' jarjarri in kinniniiy, ishopa tiitaawa.

Xuuma Yoonaasi 4:2

Ka Waaqa qinsade ka kide, “Oo Waaqqo, waasene an disi piitinnooyye cooyye kide ka minan Terseesipa alle' pate sedenne? Atti akkima' diisammpayta ka suraysattampayta koddite ka miira'e a' jarjarri a kinnin ka jaalalaan immakaatte ka waasene' neeqa a' qeeda dikatte alle' diinnitto turanneewwen upa.

Xuuma Mikkiyaasi 7:18

A nama juppoota diinno ka peela samaytaadi oppa hase qara dapa dikni in kinnin, ata Waaqqo, a xaamo ke paha? Ha atti oto nama suraysannittooyye, xasa ke' dakaanni diisheey haka paraparati a' miironni a' kitto.

Mataafa Dikoota 14:18

ka kiite, ‘Anti Yaahiwwe tapo an miironni an co, ka xoona pirama in qapniniti alle pure, ka juppoota isho ishin dapayta diinni; ma xoori juppoolayta hakan qatta'o mali an diinni an co ka juppoota a aappadaassoti malla haka xelta sessa isho a afuriti hellaa qattaani.’

Maatiyoosi 10:22

Orra piisa ka ana malla ishin needdada. Ma xoori nama haka piranpirati kokkonnaanno, isha paha.

Luqaasi 1:50

Waaqa orra isha fuurro piisa'e, xelte desa xeltopa diissataadi tuullinni.

Luqaasi 11:10

“Aqinsanno piisa teyni; a faano piisa ka akkanni; a xarroppa kooko'inno piisa turaayye, ikka panammiiy.

Luqaasi 6:36

Semmalla, akka Aappaayshin a moonta dissampayta kodde mina'e, ishina assew diissampaya kodda.”

Roomi 2:4

Moon hela paxaarumta Waaqa ka opseetaadi isho duupattaadi a koope tuffanni? Waaqa akka juppootaaytippa ke oorissa malla paxaarumaadi ke' koopshe a upto?

Efesooni 1:6

Wa malla asse kode' nefo, innasene' xaadi jaalatame qudanne, daassatase' xaadi ulfeessamte a patta ino' daashe akka kalataysamto malla.

Efesooni 2:4

Maa xoori, Waaqa a diissatan koope, jaalaladi a ino' qapa' qoota akata kutti malla,

ipro 10:39

Ino' xoori, an orra amanno ka dinno quda diisheey, orra iskamman desa oorro ka panno qudan.

ipro 3:14

Oton in amanteetase' xanno an paayyota qara qapno haka piraampirati kokkonnaysanne ka qapanneeyye, Kiristoosi olliiyyin lehampaya koddina.

ipro 3:6

Kiristoosi' xoori, akka inna tika' mina'e tika Waaqa kara amaname. Tikoose' nefo ino; ino' nefo oton waan qara' xasa xaayanninna ka jeejjanninna isho waan ishin maxanyumminna'en qapanninnaayyen tikaadi koddina.

Yayqoopi 1:12

Nama ekkaysuma duupanno ka oppa japaanno qoota xalaalasene a caatta a Poqalla kodayteetaadin orra isha jaalanno' daasha' teyo malla i'oloode.

Yayqoopi 1:2

Hellaanno a kiristaanatiiyyi! oto ekkaysuma ika lekayta ishin qara' kaynaaneeyye, akkima wa ishin xasanna' teyten kapa' dikada.

Petroosi a paayyota 1:13

Semmalla dikattaayshinan impasa ka koda' harmisada ka minaddesa kallaada ka isitooytaada ka daassatase a Waaqa, oto Yesuusi Kiristoosi de'ooyye, akkattane'e, kippeeta immakkoota qapnaada.

Petroosi a paayyota 3:14

Kadi' wa paxaara' kodeetan rakkoota teyyannittan nefooyye, saka akkattan. Nyara orra an fuuran ka pora paata in qaapan.

Petiroosi a lammatta 2:9

Ka kuli ete sede piisa asse kodditeeyye, orra isha Waaqaysattan kallaannon ekkaysuma kela ishoottan paho ka atta akkima juppoolaya qatta'o ka kuyyaata firteetatin ishootta aso, i''upa kideeta.