Yayqoopi 4:8 - Mataafa Qulqulloota

⁸ Ka Waaqa kapopa dehaada; isha i'ishin kapopa dehaadaay. Ishina' juppoolayaayye! harkaassin jaqada; ishina dikatta lakki qapaatiiyyi! karittaayshin qulqullaysada.

Yayqoopi 4:8 ပူးပေါင်းရင်းမြစ်များ

Mataafa Uumata 18:23

Aprihaami ka Waaqa kapoopa desa heeqqe ka kide, “Hela xawwi asu hanqeellaya kuli juppoolaya olliiw pirta?

Mataafa Otoowwa a paayyota 28:9

Atti nefo innaayyo Selemooni, Waaqa qoota karitta nama piisa kara qorro ka dikatta nama piisa upo malla, Waaqa aappaayshina upnaado ka karittaayti piisan ka heennaati piisan ishi koda kode; oto isha faanittooyye, i'isha teyta; oton xoori alle'e isha diissaayye, isha haka paraparati'i alle ke diisha.

Mataafa Otoowwa a lammatta 15:2

Isha ka Aasa turopa sooke ka ishi' kide, “Atti Aasa ka samayta Yihuta isho a Piniyaamiiyyi anopa dakkaysada; oton Waaqa olli kinnaannittaneeyye, isha ishin olli kinnaada; oton isha' faanittaneeyye, i'isha teytan. Ma xoori oton alle isha diissaneeyye, isha alle ishin diisha.

Mataafa Iyyoopi 16:17

Ma xoori harkiyyo neequmta in koone umma qinseetiyyo qaja in qapnaanne.

Mataafa Iyyoopi 17:9

Hanqeellayta xoori saantaadi qara'e japaada; a harka qulqullaawe' qapo kuli qara'ew kokkonnaada.

Mataafa Iyyoopi 9:30

Kadin punu dakintiyyo pishaan jaqadaayye ka harkaayyo, samunan qanqannisadaayye,

Mataafa Masmuureta 119:113

Seeraaytin jaalanni; ka a karitta lakki qapa needdanni.

Mataafa Masmuureta 145:18

Waaqa orra isha haleenooti'i, a dukaatan isha haleena' piisa'e dehi.

Mataafa Masmuureta 18:20

Waaqa akka hanqeetiyyo mina'e ana' daashe; ka harkaayyo a qulqullaawe kapa ana ipde.

Mataafa Masmuureta 24:4

A sede koda ettansho, a harkaadi neequmta in koonin, karittaadi ka neequmta in dikannin, a xasaadi wa paata patta' qara'en xaayannin, ka dartan xaxanni in kinnin.

Mataafa Masmuureta 26:6

Oo Waaqqo! Anti dukaatiyyo akkissa'en harkaayyo jaqanni; ka poraayti a kalisoota' kapa tiitaawni.

Mataafa Masmuureta 51:10

Oo Waaqqo, karitta a paxaara ana' uume; ka hapura fayya ana kara' harmishe.

Mataafa Masmuureta 73:13

Anka kide, “Into patta'en karittiyyo qulqullaysade, ka akkan ishin an dapnini'i harkaayyo jaqade?”

Mataafa Masmuureta 73:28

Xayyo xoori, Waaqa kapopa dehatta ana' wayyi; akkan kodaadi piisa torro'e, anti Poqalla Waaqa qara'en xasa xaayade.

Xuuma Issayyaasi 13:15

Nama a poojame piisa dotama; nama a qapame piisa ka koraatetan leysama.

Xuuma Issayyaasi 29:13

Poqalla ikide, “Samayse afaadinni anopa dehaanni; ka hiibbaadin ana ulfeessini; karittaadi xoori ana kapa iseki; oto ana sakatannooyye, taanteta a nama kode ikka qapade kammaaw anni.

Xuuma Issayyaasi 58:2

Takka a samayta hanqeeta kode mina'e kodden ka muraayo a dukaata a Waaqaaysho alle in diinnin mina'e ana faani ka saantadaayyo upnaatta xajeelli ka muraayo a dukaata ana qara kaassanni ka ana Waaqa kapopa dehaatta xajeelli.”

Xuuma Ermiyaasi 4:11

Awsetiiyyi samayse isho Yursaalami'i ikidane, “Irrowwasene lulle koommaytoppa caatiiyyi, xayxayta orra kupno orriyyo qaropa xa'a, umma a kinkilshinon taaki a xayyinnon.

Xuuma Ermiyaasi 4:14

Samayta Yursaalamitiiyyi, haka aytamiti'i neequmta karittaayshinatin kallaattan? Amma akka dintane'e, karittaayshin kara neequmta jaqqada.

Pooyta Ermiyaasi 3:57

Eten ke halaadeeyye, ana kapopa' dehaatte ka ana' kiite, “In fuuran.”

Xuuma Hisqeeli 18:31

Ishin dapayta a' kooten piisa alle isi qaraayye kata ka karitta haaraya isho hapura haaraya issi' qapnaada; ishina samayta Isira'eelitiiyyi, kaata maana'e' pirammittan?’

Xuuma Sakkaariyaasi 1:3

Semmalla samayta' lele ka kide, “Waaqase we piisa ettaninno ikiini, ‘Qindiyyopa tiitaawa; anti nefo in ishin opa tiitaawaay.

Xuuma Milkiyaasi 3:7

Xelta aappadaassinati paayyatte, seeriyyo kapa issekaatten umma a' tooytaanne, anti Waaqase we' piisa ettaninno in ishina' kiini, ‘Anopa tiitaawa! Anti nefo in ishin opa tiitaawaay.’ Ma xoori ishina ikkiitene, ‘Hela attan kepa tiitaawna?’

Maatiyoosi 12:33

Kammadesa Yesuusi ikide, “Qoyra deltaadinni upnaysammiiy, qoyra paxaara qapnaada; deltaadi ipaxaarnaattaay oton qoyra neeqiiyi, deltaadi ineeqnaattaay.

Maatiyoosi 15:2

“Tamaarewwaadi a damta in dammin turan, harka jaqanni in caaneey, ata maana malla aata aakkada kamma dapni?”

Maatiyoosi 27:24

Pilatoosi oori akkima wossen horaytaaw xaashan ka we in nakannini ete akkeeyye, pisha qeede ka samayta tura harkaadi jaqade ka kide, “Anti diika a namooseti oppaayye an co. Ma ishina oppa kaassatama.”

Kodampaya 15:9

Qoota karittaysho amanteetan qulqullayshe malla, ino isho ishootta, olikela in purinne.

Qorontoosi a lammatta 7:1

Semmalla ishina jaalatame moottadaayyooyye! kippeese piisa qoota ino' daasamte malla, wa dakinta isho hapura nyalinna' piisa oppaayye isi qulqullanna ka Waaqa fuureetan qulqullumaanno a qaja in qapniniiti' koona.

Timotoosi a paayyota 2:8

Se malla diira a pora piisa oppaayye ca, akka miira isho peeqa alle' diishan ka harkaasso a qulqullaawe moontopa xaashan ka Waaqa qinsadane'en faani.

ipro 10:22

Semmalla, akkan dikattinno a karan xata neeqa oppaayye qulqullaawno'e karittinno fiddanna ka pisha paxaaraatin jaqqanna ka karitta a fayya isho amanteeta dukaatatin Waaqa kapopa dehaanna.

ipro 7:19

Seera Muusenne, wa qaja dapa ettanshe in caan. Amma xoori kippeeta a aakto an ishin Waaqa kapopa dehanninno ino' daasame.

Yayqoopi 1:8

Sede nefo qoota karitta lakki qapo ka saantaadi qara arepa ka arepa kiino malla.

Yayqoopi 3:17

Ma xoori, ookuma a Waaqa kapa deeno, paayyota qaraayye, qaja in qapo; kamma'eew a nakayta jaalanno ka a paxaara ka a ajajammo ka a diissata koono ka a dalta paxaaratin immakaade, a karaayye olqaran orra jaalissa isho pappahanassa in kinnin.

Petroosi a paayyota 1:22

Akka orra amanno jaalala dukaata' qapnaattane'e, dukaata ajajamaanne napseetaayshin iqulqullassen; semmalla karitta piisanne a kuttati ol jaalada.

Petroosi a paayyota 3:21

Pishoosen nefo, jaqqatta amma ishin dinnaati' pahana kodden. Jaqqattoose nefo, dakinta quda jureeta tawsattaan ma, dikatta a karanxata qulqullaawte akkatta'e qinseeta a Waaqopa dehaannitto. Ka tootoppa xaana a Yesuusi Kiristoosi qudan ishin dininnitto.

Yohaannisi a paayyota 3:3

Akka sede koddito'e nama Kiristoosi kippanno piisa, akka Kiristoosi qulqullaawe mina'e isi qulqullanni.

Mataafa Saamu'eeli a paayyota 14:35

Saa'ooli ka pora kalisoota Waaqa dawe, a pora kalisoota dawno sede a paayyota.