Yayqoopi 4:4 - Mataafa Qulqulloota

⁴ Ishina amanammi in kinninitiiyyi! nama piita jalanno akkiman paarkaala Waaqa a' uptane? Semmalla nama piita jaalanno piisa paarkaala Waaqa'e koddini.

Yayqoopi 4:4 ပူးပေါင်းရင်းမြစ်များ

Mataafa Uumata 3:15

Otantaayti ka a iskatteetoseti ka otanta sanynyeetaayti ka a sanynyeetaadi oppa'en paarkaallummaata koda. Isha mattaayti oppa tuma atti ka kamdaadi qomta.”

Mataafa Masmuureta 21:8

Harkaayti, a paarkaaladdaatti piisa qapo; akkittaayti ka a ke needdanna' teyo.

Mataafa Masmuureta 50:18

Oto kera akkitooyye olli' parkummi; ka almaleeta olli' kalli.

Mataafa Masmuureta 73:27

A ke kapa sekaanna ipatan; maana malla, atti a ke' amanammi in kinnini' piisa' patinniiy.

Xuuma Issayyaasi 57:3

Ishin hellaa a so'ayatiiyyi ka sanynyeeta dahalmayteeta ka a sharmuutitteetatiiyyi, arepa desa dehaada!

Xuuma Ermiyaasi 2:2

“Aane ka Yursaalami sede salishe ikka dakayto; ka kide Waaqa ikiini, ‘A enentume kitto amanuma a ana' qapto, ka a haantoppa kitto jaalala ana jaalatte ka koommayta alaammi in kinnini oppa akka ana kamma deete matte in oorsanni.

Xuuma Ermiyaasi 9:2

Samaytiyyo piisa dahalmaya ka parka sassapampaya'ey, akkan alle ishootta diisho ka aano ka kela matta qapo'e, ayno koommaytoppa shaakka ana' daashaa?

Xuuma Hisqeeli 16:32

Atti dahalmayteeta iskatteeta a diirtaadi alle' diisse ka xaykitta olli dahalsannitto.

Hoose'i 3:1

Waaqa i'ana' kide, “Isira'eeleta kadi punu killowwa heente kelopa ante ka qoomayta a dalta a wayneeta kalisoota' ishootta' dehasse nefooyye, anti sede qaran desan isheetta jaalanni. Atti aane ka amma nefo iskatteese' xaayti pora almalummitto jaaladoow.”

Maatiyoosi 12:39

Isha xoori i'ishootta oorshe ka kide, “Ukkuttoota xelta a Waaqa amanni in kinnin wa orra qawwanna akkaaw faani wa a orra qawwanna a xuumampaytase a Yoonaasi mali, wa orra qawwanna a pila xeltoseti in daasaman

Maatiyoosi 16:4

Xelta neeqa ka amanammi in kinnin milikkita akkaaw faani milikkita a xuumampaytase a Yoonaasi mali milikkita a pila ishetta'en daasamo” Ka alle ishootta kapa aane.

Maatiyoosi 6:24

Kamma desaaw Yesuusi ikide “Nama takka Poqalladda lakki kela orxuma ettaninni in co se kapaayye Poqalla takkane jaalanni ka takkan needdini; taaki takkane ulfeessini ka takkan puyanni diisheey akkimose mina'ew ishina kaaja isho Waaqa kela orxuma a ettanissan.

Luqaasi 19:27

Ma xoori paarkaaladdosene xayyo, akkan ishootta qara nuqusumo in heenini arepa dehaysha ka fuuliyyo tura leysha.’”

Yohaannisi 15:19

Katin ishinan a piita kiiteeyye, piita wa xaadi kodde jaalanni heente, ma xoori, qoota a piita a koddinin anti ka piitoppa ishin reexade malla, piita ishin needdanni.

Yohaannisi 17:14

Anti qaaletaaytin ishootta' daashe. Akkiman anti piita quda an koddinin mina'e, ishootta nefo asseew piita qudan; piita ka semmalla ishootta needdatte.

Yohaannisi 7:7

Orra piita ishin needdatta in ettansho, ma anti qootan akka kodaaysho neeqi ishootta qara maakkummo malla, xayyo i'ana needdan.

Roomi 5:10

Ino an paarakaala Waaqa' koddineeyye toota innaaditinnin Waaqa olli araaramme. Amma eten Waaqa olli araaramme kammaayye, caatta innaadi minannen a qaran qapto' dinnaaw.

Roomi 8:7

Nama wa so'a' dikanno, qoota seera Waaqati ajajammi in kinnin ka ajajama nefo ettaninni in kinnin malla, paarakaala Waaqa.

Qorontoosi a paayyota 1:20

Ka kuli ooka aysha ca? Kollissampayta seera ka aysha ca? A piisse kara qorro ka aysha ca? Hela Waaqa ookuma piisseti eepuma'en koone?

Qorontoosi a paayyota 1:21

Orra piisseti akka ookumaayshotin Waaqa upnaatta in ettaninnini'i, Waaqa ookumaadinni ishootta' tura' dufe. Ma xoori, otootase a fayya an kollinninno akka eepuma' mina' dikammittonne, orra amanno dinissa'e, heenna Waaqa'e koddite.

Kelaatiya 1:10

Hela kuli anti, akka nama ana kalataysadon faani? Moon akka Waaqa ana kalataysadon faani? Moon an nama xasassa faano ishina' pahata? Kadan orra xasassaan faaniiyyi, orxayta Kiristoosi koddini an heenne.

Yayqoopi 1:27

Amanteeta fuula Waaqa Aappa' tura qaja in qapnin ka in nyallin hella a aappadaasso isho a ayyadaasso qara le'ene ka iskatta a diiraasso qara le'ene rakkootaaysho oppa qaarqaareeta ka nyela piisseti kela is tooyteeta.