Yayqoopi 4:3 - Mataafa Qulqulloota

³ Kadi punu Waaqa qinsannittaneeyye wa malla qinseetaayshin ishina oorri in kinnini, wa Waaqa qara qinsattene qoota xasaayshin a so'a qara nakassa'e dikatta a neeqan qinsannittan malla.

Yayqoopi 4:3 ပူးပေါင်းရင်းမြစ်များ

Mataafa a Nuqussa a paayyota 3:11

Waaqa ka ishi kide, “Qoota issi para dera, taaki teyanta, taakki akkan nyaapaayti piro a qinsannin ka dukaata akka ka samayta mukissa'e ookuma qinsatte malla,

Mataafa Iyyoopi 35:12

Isi jeejjeeta a ukkuttowwa' minan orra i'ullupni. Umma Waaqa oppa oorinni in co.

Mataafa Masmuureta 18:41

Ikka qaarqaarsa pora ullupanni; umma nama ishootta'en awline; ikka Waaqopa ullupniiw, umma oppa ishootta in oorinne.

Mataafa Pahana 1:28

Sitiiyyi i'ana halan umma ishootta kela an ehado ka a kuttati ana fadan umma anan teyan.

Mataafa Pahana 15:8

Waaqa kalisoota ukkuttowwa'e xaccisanni; ma xoori qinseeta orra taantetan kallaannoti, isha xasanni.

Mataafa Pahana 21:13

Nama kadi ullupitta a teekolayta' dakaya kapa nappa qara qapadaayye, takkaayye isha' kuli i'ullupa umma nama ishi in dakayo.

Mataafa Pahana 21:27

Waaqa kalisoota ukkuttoota, ixaccisanni; oton dikatta neeqanne dehayshaayye, oo desa atta xaccatta!

Xuuma Ermiyaasi 11:11

Semmalla anti Waaqa assen kiini, “Tin pateeta a kela paha in ettaninninin ishootta qara' qeeda; umma kadi punu anopa ullupannaaneeyye, an ishootta'en dakayo.

Xuuma Ermiyaasi 11:14

Oo Ermiyaasi, oto rakkadan ka anopa ullupannaaneeyye, anti an ishootta an dakayooy; ishootta'e in qinsadan ka ishootta malla anopa in ullupan ka anopa in qinsadan.”

Xuuma Ermiyaasi 14:12

kadi punu damta musannaan, ullupittaaysho an dakayo; kadi punu kalisoota a kupannitto isho a unta ana dehannaaneeyye, an teyyado; ma xoori, oranna ka doxa isho paaqa orra pirronnen ishootta luuqqisha.”

Xuuma Mikkiyaasi 3:4

Ishina' nefo kuyyaata oppa rakkattan ka Waaqopa ullupattane de'a, umma isha oppa ishina in oorsho. Qoota neequmta kooten malla, umma qinseetaayshina in dakayo.”

Xuuma Sakkaariyaasi 7:13

Waaqase we piisa ettaninno ikiini, ‘An anti ishootta haleenooyye, qoota ana dakkaysannaan malla, oto ishootta ana halanaaneeyye, anti oppa ishootta an oorsho.

Maatiyoosi 20:22

Yesuusi ka ishootta kide, “Ha wa qinsannittane a uptan kuppaayyasene a rakkoota an anti ikka, ikkeeta i'ettanissane?” Ishootta ka oorshen ka kidene, “In ettaninna.”

Mariqoosi 10:38

Yesuusi ka ishootta oorshe ka kide, “Ha wa qinsannittane a uptan. Rakkoose dikke neeqa an anti rakkado, rakkatta i'ettanissane?” (ka jaqattaase an jaqado jaqatta ettanissane?)

Luqaasi 11:10

“Aqinsanno piisa teyni; a faano piisa ka akkanni; a xarroppa kooko'inno piisa turaayye, ikka panammiiy.

Luqaasi 15:13

Kuyyawwa lamaya kammaayye, kussittase ka kaajaadi piisa ollopa oorsade ka piita seka opa aane ka piisseti'i, kaajasene xaadin kahade ka piisa pire.

Luqaasi 15:30

Innasene xaayti xoori, ete almaleeta iskatta kela teyantaayti pire, ka kaleeyye, meerta ishi qalte’

Yayqoopi 4:1

Oranna isho peeqqa a ishin kara ca ayshaayye deeni? Xajeeltase xaayshin a so'a dakintaayshin kara desa torpinitto qudaayyenne?

Yohaannisi a paayyota 3:22

Qootan ajajadda Waaqa' tooytaanninno ka wa isha xasanna' kooninno malla, wa an qinsanninna' piisa isha qara in akkanninna.

Yohaannisi a paayyota 5:14

Kadin we piisa akka heennaadi' qara' qinsanninnaayye, akkima ino dakayo in upna.