Yayqoopi 4:11 - Mataafa Qulqulloota

¹¹ Hellaanno a kiristaanatiiyyi! oli in haasawan. Nama a nama haasawno taaki nama qara' faranno, seera haasawni ka seera qara' faranni. Oto seera qara' farannittooyyew, faratampayta' koddite diisheey, seera a' tooytaanni a kitto.

Yayqoopi 4:11 ပူးပေါင်းရင်းမြစ်များ

Mataafa Masmuureta 140:11

Orra maxxa nama' patinno, piita qara tookta in qapnaannin; karpampayta, a neequmta ishootta xemito ka ishootta patisso.

Luqaasi 6:37

“Nama takka nefo qara an faratan; ishin qare in faratamtooy; umma orra pila'en jippan a jippamtaneey. Orra juppootaaysho diisha; juppootaayshin i'ishina diisamtaay.

Roomi 2:1

Atti ke a nama pila' qara' faranno namo! Xaayti wa ishin marmatta a' qapto! Oto nama pila' qara' farannittooyye, isi qara'e' faranni, atti nama qara'e' faranni ka wa a namase a' qara faratte koona' kooni.

Roomi 2:13

Maana malla a fuula Waaqa turaayye, hanqeelluma akkanna, orra seerose dakayno ka koda qara nakanno diisheey, a dakayna ka koda qara nakanni in kinnini'in

Roomi 7:7

Semmalla oori maanan kiina? Hela xawwi seera, juppoota? Inna! Juppoota maana akkima koddite akkan upnaado'e, a kode seera; katin seera in kiinini, “In xajeelaneeyye,” Xajeeleta maana akkima koddite upnaanni an heenne.

Qorontoosi a paayyota 4:5

Semmalla, a eta in kaynin Poqalla ka firteeta in deenin turanne, nama takka nefo qara in faratan. Isha oto de'ooyye, juuttotase tukkanta kara' dekatte la'aytoppopa sooksha ka dikatta nama a karitta kara' juutame laka' sooksha. Sitiiyyi nama piisa ka matta mina Waaqa kapaayye kalataadi teyaay.

Qorontoosi a lammatta 12:20

“Oton anti eeyyepa de'ooyye, takka punu ishina akkan anti heeno qara a' caattan, anti'iw akka ishina heentan qara an caadon kiini ka fuurri. Akkimoose' mina'ew ishin oppaayye, peeqqa ka yoota ka miira ka isi patta jaalatta ka maxxa nama' patissa ka xooshshanda ka isipeeppa isho horayta kinnaadan” kiini ka fuurri.

Efesooni 4:31

Miiran kupatta ka aareeta ka miira ka horayta isho otitta a neequmta' piisa ollin a alle ishin kapa sekaaden.

Timotoosi a paayyota 3:11

Asseew iskattaaysho'ew, a ulfeessame, a nama haasaawni in kinnin ka mina' desa kallaanna ka we' piisan amanamma kodda ishootta parpaaccisni.

Timotoosi a lammatta 3:3

ka a jaalala in qapnini ka a nama' juppoota diinni in kinnini ka a maxxa nama' patinna ka a issi tooytaanni in kinnini ka karpampaya ka a wa paxaara' needdanna

Tiito 2:3

Akkimose' mina'eew iskatta a qime a qalpeetaayshotin Waaqa fuurra ka pora nama haasawni in kinnini ka ikkayta kamma' kammi in kinnini ka a kollissa dukaata' kollinna, akka koddane'e, ishootta dehaame.

Yayqoopi 1:16

Ishina a jaalatame hellaanno a kiristaanatiiyyi! In sassapataman.

Yayqoopi 1:19

Ishina a jaalatame hellaanno a kiristaanatiiyyi, sede an teyman; nama piisa a dakkaysatta' jarjarro ka haasawatta isho' miira'e, a jarjarri in kinnin koddo.

Yayqoopi 1:25

Nama seerase qaja in qapnin ka nata orra sookinno dakayno ka qanqannissa kara qorro ka teymini in kinnin ka koda qara nakanno, nama a kodaadin sakame kodda.

Yayqoopi 2:8

Seerase a mankisteeta Waaqa mataafa Qulqulloota oppa' taafame ka kiino, “Nama piisa a mattaayti' mina' jaalado” Kati' tooytannittan kiiteeyye, a paxaara'e' koonittan.

Yayqoopi 5:10

Hellaanno a kiristaanatiiyyi! xuumampayasene maxxa Poqallaatin haasawade, rakkoota duupattan akka ishna' pahana kodden upnaada.

Yayqoopi 5:7

Amma oori hellaanno a kiristaanatiiyyi! haka Poqalla deeno kara'e duupattaan asada. Qotampayta haka piitaadi roopa para isho a hakayta akkannitto kara'e duupanni ka miillatase heraan kokkoka a piitaadi palannitto asanni.

Yayqoopi 5:9

Hellaanno a kiristaanatiiyyi! akka ishin qara in faratammini'i, oli qara an qoojqoojan, tin faratampayta eta a oppa de'o idesa kayteey.

Petroosi a paayyota 2:1

Semmalla oori, neequmta piisa ka sassapa piisa ka pappahanassa ka yoota isho oli haasawa ika piisa, alle isi kapa sekaysha.