Yayqoopi 3:9 - Mataafa Qulqulloota

⁹ Ishannen Waaqa Aappinno kalataysanninna ka ishanneew orrase pahana Waaqatin uumame jiijninna.

Yayqoopi 3:9 ပူးပေါင်းရင်းမြစ်များ

Mataafa Uumata 5:1

Are kammopa xata maxxada a saynnyeeta Attaami ca. Waaqa awta nama uummooyye pahanaadinni uume.

Mataafa Uumata 9:6

Waaqa pahanaadinni nama uumeey, a nama ishsho piisa harka namatinniiw to'a.

Mataafa Saamu'eeli a lammatta 16:5

Nuqusase Taawwiti ete katama Pahuriimi kayeeyye, daltayta Saa'ooli oppaayye nama takka Shimii kidammo inna Keera isha mina sooke ka Taawwiti otittan deeni.

Mataafa Saamu'eeli a lammatta 19:21

Inna Suuriyya Apiisaayi ka kide, “Shimi'i qoota nuqusa isase a Waaqa daatade ote malla, toota isha faani in kitto?”

Mataafa Otoowwa a paayyota 29:10

Taawwiti ka xora samayta piisa tura'e, Waaqa kalataysade ka kide, “Oo Waaqqo! Waaqa aappinno a Isira'eeli a xattati paayyatte haka paraparati kalata a ke kayo.

Mataafa Otoowwa a paayyota 29:20

Sekkammaayye Taawwiti ka xora samaytaseti kide, “Waaqa Poqallaassin saarsha, xora samayta piisa ka Waaqa Poqallaasso saarshe ka Waaqa aappadaassoti isho nuqusa tura piitopa sehen ka sakataden.

Mataafa Masmuureta 10:7

Afaadi, jiija ka sassapa ka miiddotanne immakaaden; arrapaadi qaraayye rakkoota ka neequmta ca.

Mataafa Masmuureta 108:1

Oo Waaqqo, sataatiyyo ijapaatte, karittiyyo ikokkonnaade; in dawada ka isi piisan kalataysada.

Mataafa Masmuureta 145:1

Oo Waaqiyyo ka nuqusiyyo, in ke kukuttisha ka haka paraparati ke kalataysada.

Mataafa Masmuureta 145:21

Afaayyo kalata Waaqa'e haasawanni; a isha' uume piisa haka paraparati'i, a maxxaadi qulqullitta kalataysaden.

Mataafa Masmuureta 16:9

Semmalla karittiyyo ixasoonni; napseetiyyo ka xasa qapnaanni; dakintiyyo nefo ka qaapa mali nessumaan kallaanni.

Mataafa Masmuureta 30:12

Semmalla napseetiyyo, a ke kalataysatto; umma jawi in kiinin; Oo Waaqqo Poqallaayyo! haka paraparati'in ke kalataysanni.

Mataafa Masmuureta 34:1

Anti awta piisan Waaqa kalataysada; umma kalataadi afaayyo oppa in dapado.

Mataafa Masmuureta 35:28

Kuyyaata piisa, arrapiyyo hanqeetaayti ka kalataayti haasawada.

Mataafa Masmuureta 51:14

Oo Waaqqo, dinshampaytiyyo Waaqqo, diika koda kela anan pahe; arrapiyyo ka qoota hanqeetaaytiti desa dawado.

Mataafa Masmuureta 57:8

Napseetiyyo, impase! Kehaaytiyyo isho maasinqootiyyo, ishina' nefo xa'a! Anti nefo paraappannen xa'aay.

Mataafa Masmuureta 59:12

Juppoota afaassoti, ka lela arrapaayshoti, ka jiija isho darta a haasawannaan ishootta qara' dike, ka isi peepaasso kulin ishootta qape.

Mataafa Masmuureta 62:4

Ishootta ulfeenaadi qara isha kata'e olli oorsaden; ka qara' darta haasawatta jaalanni; afaassotinni ishi' sakni ka karanxata isha jiijni.

Mataafa Masmuureta 63:4

Hakan co'e ken kalataysada; ka maxxaaytin harkaayyo moontopa xaasha.

Mataafa Masmuureta 71:24

Isasene miiddamiyyo faana ikojeessamen ka jeereneey, afaayyo awta piisa hanqeetaaytiiw torran.

Mataafa Dehaamta 7:22

Atti kuli akkima a lekatin orra otte iskaranxata i'uptaay.

Xuuma Issayyaasi 29:13

Poqalla ikide, “Samayse afaadinni anopa dehaanni; ka hiibbaadin ana ulfeessini; karittaadi xoori ana kapa iseki; oto ana sakatannooyye, taanteta a nama kode ikka qapade kammaaw anni.

Maatiyoosi 26:74

Sitiiyyi Peetiroosi ka kide, “Anti namoose an upo!” Ka isi jiijeeta ka xaxatta paayye lukkalitta ka eennow iyye.

Maatiyoosi 5:44

Anti xoori in ishina kiinii, paarkaalaassin jaalada ka orra ishin jiijno saka; ka a ishin needdannaati'i wa paxaara koda; ka aishin qara wa neeqa koona ka pora ishin daannaati Waaqa qinsada.”

Kodampaya 2:26

Semmalla karittiyyo ixasoode. Afaayyo ka xasoottaan immakaaden, To'ampayteetase xayyo a dakinta' nefo kippeetanne kallaatta.

Roomi 3:14

Afaasso jiija isho lela haddaawnonne immakaaden.

Qorontoosi a paayyota 11:7

Diirta qoota pahana isho ulfeena Waaqa isha qara' akkaanno malla, matta qara dekatta isha faani in kitto. Iskatta xoori, ulfeena diirta.

Efesooni 1:3

Aappa opa Poqallaanno a Yesuusi Kiristoosi isase Kiristoosi qudan sakase a Hapura' moonte co piisan ino' sake Waaqa a kalataysamo.

Yayqoopi 1:27

Amanteeta fuula Waaqa Aappa' tura qaja in qapnin ka in nyallin hella a aappadaasso isho a ayyadaasso qara le'ene ka iskatta a diiraasso qara le'ene rakkootaaysho oppa qaarqaareeta ka nyela piisseti kela is tooyteeta.

Yayqoopi 3:10

Afa takkan karaayye, kalata ka jiija sookni. Hellaanno a kiristaanatiiyyi asse kodda parpaaccisni in kitto.

Petroosi a paayyota 1:3

Qoota Yesuusi Kiristoosi tootoppa xa'e minanne, Waaqa Aappa opa Poqallaanno a Yesuusi Kiristoosi isase kippeeta caatta qapto ino' daashe ka diissataadi a kuttatin daloota haarayan hellaadi ino kodade a kalataysamo.

Mataafa Taanynyada 9:27

Ka pisanti dullaasso oppopa sookaden ka wayneeta pohen ka diipen ka xayso nessuma a xasa kodaden ka tikase xaaysho a killoota kelopa kalen ka damta dammi ka ikkayta ikinni ka Apemeleki onni.