Yayqoopi 3:6 - Mataafa Qulqulloota

⁶ Arrapaw, apitta mina; arrapa wa akata neeqa a meellaanno a dakinta oppaayye ca ka dakintinno nyalinni. Ka apitta a kahannami kara xaano mina'e santa kallaatinno' piisa kupni.

Yayqoopi 3:6 ပူးပေါင်းရင်းမြစ်များ

Mataafa Saamu'eeli a lammatta 16:20

Apseloomi ka Akitofeeli kide, “Intoonno, maana ino dehaamta? Maanan koona?”

Mataafa Saamu'eeli a lammatta 19:43

Xela Isira'eeli ka a Yihutaati oorshe ka kide, “Ha ino nuqusa qudaayye harka kudanin qapna ka mankisteeta Taawwiti quda qoottota kutta qapna. Semmalla maana malla ino tuffatten? Qoota nuqusaayno kalsattaati desa haaswatta'e, ishin tura an qattine?” Ma xoori, afa xela Yihuta miira miira haasawanna'e a xela Isira'eeli qara jaale.

Mataafa Otoowwa a lammatta 13:17

Apiya isho xelaadi ka a kuttati ishootta miidden; xormewwa a oranna a Isira'eeli oppaayye nama kuma dippa ken ka pirame.

Mataafa Masmuureta 140:3

ishootta a maaka' mina'e arrapaaysho' laajanni; afaasso kara, hadda puutota'e ca.

Mataafa Masmuureta 64:3

A pilla harsitta mina'e arrapaaysho laajanni; ka afaa neeqa a lawa' mina' pokkeeta' harmisanni.

Mataafa Pahana 15:1

Afaa nukkulla' miira puulanni; afaa a neeqa' xoori miira xa'inni.

Mataafa Pahana 16:27

Xolma toomayta nama, neequmta kammaayyeew anni; afaadi nefo apitta orra kupno mina.

Mataafa Pahana 6:19

maakkitta dartaaw maakkummo, ka nama otanta hellaa toola oppa peeqqa aylino.

Mataafa Pahana 7:5

Ajajaddaayyo almalitteeta kela ke tooytaneey ka dahalmayteeta a afaa nukkulla' qapto kelaayye ke tooytaneey.

Xuuma Issayyaasi 30:27

Tin, maxxa Waaqa miira kupno a qayya poora oppa doononne pora sekaayye deeni; hibbaadi miiranne immakaaden, arrapaadi apitta paata domohinno mina.

Xuuma Issayyaasi 50:11

Tin, ishina apitta qaptinna, ka ila opayna' meeha mina' hidanna, apittose a' qaptissen ka iloosen a opannittaneetin pirama. Ana ishin qara' sede koda, akka rakkootan piramtan.

Xuuma Ermiyaasi 20:10

A orra lekayta hushushino ka kiino, “Tatammaqta qinda piisaayye desa caay; xooya ka mankisteeta isha lella, alle mankisteeta isha lellan” dakaye. A xeliyyaayyo kodde ka pi'ittiyyo faana ka kiini, “Sassapatama in diishooy, in isha punna.”

Xuuma Ermiyaasi 28:16

Semmalla Waaqa asse kiini, ‘Tin anti piisse qaran alle ke maysha! Waaqa qara'e falqa haasawatteey, paroose are co oppaayye toota.’”

Mataafa orra Lewi 24:11

Namase a Isira'eelitteeta xaayte ka maxxa Yaahiwwe ote ka jeershe ikka Muuse turopan de'en; maxxa aayyaassoti nefo “Selomiti” kidammi; isheetta nefo enenta Tipiiri isase kafa Taanippa dalade.

Mataafa Dikoota 25:2

Iskattase ka kalisoota a killootaayshoti kalte oppopa samayta Isira'eeli sankulta halen; samayta ka kalisootase dame ka killowwaassoti kuli sakatade.

Mataafa Dikoota 31:16

Ha ishootta dehaama Pala'ami teyyaden ka waasene Pe'ori kara koddeetin samayta Isira'eeli sassapaden ka akka Yaahiwwe kamma dapane koden; seeminan erkannaata ka samayta a Yaahiwwe qara kayte.

Maatiyoosi 12:24

Feresaata xoori ikiite “Ha namoose pe'elesepuli saarase a orrittatinni orriyya sookinni.”

Maatiyoosi 5:22

Anti xoori in ishina kiini, nama a nama qara miironno piisa qara'e faratamta semaliiyyiiw nama a nama onno ka kiino, ‘Toofo’ piisa qara'e firtishoonkota farata nama a nama onno ka kiino, ‘Eepo’ piisa qara'e, apitta a libbini in kinninii faratama

Mariqoosi 7:15

Wa nama kara sookna'e nama nyalinni diisheey, wa lake desa nama karopa anna nama nyalinni in caan!

Luqaasi 16:24

Ka nessaadi kuttishe ka kide, ‘Aappo Aprihaami! Atara ana suraysado! Hapulpuloose a apittose oppa'en akata miiddammiiy, akka qupittaadi pishaappan qappado ka arrapa qara ana puulaysho'e Alasaari ana erke.’

Kodampaya 20:30

Laadii orra takka takka ishin oppa xa'a ka kollissa a quumade kollissan orra amanno lekayta issipa tita.

Kodampaya 5:3

Peetiroosi xoori i'ishi' kide, “Atti Hanaaniya, akka' Hapura Qulqulloota' qara' darta kooto'e ka kaaja a piitaayti quda paka hattisatto'e seetanoose asse ke kode, maana'e karittaayti karopa kale?

Kodampaya 6:13

Ka orra isha qara darta maakkumo takka takkan de'en; maakkiyyasene a darta ka kidene “Ha namoose tikoose a qulqulloota isho seera qara'e afaa otitta' haasawatta kamma oori in co.

Mataafa oppa' Ooreta 13:6

Oton innaassin a ollin dalattene taaki innaatti taaki enentaayti taaki iskatteetaayti a jaalannitto taaki moottaayti a akata jaalannitto dekandekatti ke nyarinni ka kiini, “Anna ka waaqadda a pila waaqaysannaayye,” ka pora oppa piita oorto piisaayye waaqadda orra a ke kapandesa kalooti taaki a ke kapa sekati a aappadaassin isho a atti a upninin waaqaysannaayye ka seden dapoppopa ke kallinniiyyi,

Tiito 1:11

Sene jaw ki'issa parpaaccisni; ishootta' tookta jeera akkatta malla wa kollissa ishootta parpaaccisni in kinnini kollinni ka toolla piisa pulliiyi.

Yayqoopi 2:7

A maxxase a ulfeena a ishina ishin halaammittan onna, ishoottanne?

Yayqoopi 3:7

Nama pinaana a piita qara ca' piisa ka xampira ka uumata a piitan desa titmanno isho a pakateeta kara lellehno piisa iskelopa oorsatta ettaninni ka iskelopa oorsade.

Petiroosi a lammatta 3:3

We piisa turanne sede matte qapnaada; Kuyyawwa piraampiratiiyyi, seesampaya a seesna ka xajeeltaaysho a neeqa kammaayyeew anna'e de'a.

Yohaannisi a sessatta 1:10

Semmalla oton ishin kapopa de'ooyye, sede a isha ino otitta ka ino jeerissan koda neeqa kode piisan orra piisa' torra. Umma sede pattan ma, hellaanno a kiristaana xaykuma teyyanni in co ka akka orra pila ishootta in teyyannini kuli dawrini ka maapara amanteeta kara alle ishootta daanni.

Keleshaata 12:9

Pofase kutta ka kumpaappe katame. Isha nefo maakaase a xatta, isase taapiloosi taaki seetana kidammo ka halaammo ka akka piita piisa kamma dapto koono. Isha piita qaropa katame. Erkampattowwaadi ka isha olliiw katamen.

Keleshaata 13:14

Waasene orra qawwanna a pakka pinantase a paayyota oppa akka kodo'e ishi faqqatamte minanne, ikka akka orra piita qara kalo kamma dapo kooni. Ka ulfeena pinantase koraatetan mataawe ka dineeti'i akka waakka kodane'e orra piita qara kalo ajaje.

Keleshaata 18:23

Umma la'ayta ipsa arepa desa ke karaayye in la'ayo. Umma arepa desa nessa inna heme isho a enenta hemamte, ke karaayye in dakaado. Maana malla turan nakkaatewwaatti piitoppaayye orra kukutta; atti ka tipaaytin akka lekna piisa kamma dapo koote.

Keleshaata 19:20

Ma xoori pinantase iqapamte; isheetta quda'ew xuumampaytase a darta turan fuulaadi tura wa orra qawwanna lekaya koono ka qapameew. Isha wossen orra qawwanna a koonaatin orra milikkitase a pinantaseti teyyade ka waakkasene a pinantasetiti sakatanno akka kamma dapo kooni, ishootta lakki pakateetase a'apitta daka apittatin opaynitto oppopa akka caanen katamen.