Yayqoopi 3:3 - Mataafa Qulqulloota

³ Farta akka ino' ajajamto'e, afaappa'en ishi' luukaama kalinninna ka pora an heennopa ishin anninna.

Yayqoopi 3:3 ပူးပေါင်းရင်းမြစ်များ

Mataafa a Nuqussa a lammatta 19:28

Miiraayti isho isi jeejjattaayti napahatiyyo idakayteey, funnoota silpa'en sonaappa ke kalsha ka luukama afaappa ke kalsha ka pora oppan deete oppanneew ke tita.”

Mataafa Iyyoopi 41:13

A kokase' xaadi olqaropa qeqqepe quda kaya ettansho ka poqootaadi olkela kaa'a ettansho ayno?

Mataafa Masmuureta 32:9

A teeppa ka luukaman ishootta qapto maliiyyi, pinaanasene ke kapopa dehanni in kinnini ka dikatta in qapnini, a farta ka a kaanketa' mina'en koddan.

Mataafa Masmuureta 39:1

Anti in kide, “Akkan afaayyon juppoota an koonini'i, saantiyyon tooytada; ka oto ukkuttowwa ana kapa caaneeyye, afaappa' luukama kalsada.

Xuuma Issayyaasi 37:29

qoota' ana qara' miiran xaate malla, anka isi jeejjaatti dakaye malla, anti funnootan siinaappa ke kalsha ka luukama afaappa ke hidda ka pora a oppan deete oppanneew ke kalsha.”

Yayqoopi 1:26

Nama afaadi tooytaanni in kinnin ka kiino, “Waaqan waaqaysanni” isi sassapanni; waaqaysattaadi nefo paata patta.

Yayqoopi 3:4

Markapa kadi punu kuttiiyyi ka puppeeta a hupna qapton tuukammaayye, nama markapoose qullo, pulampayta shakkaytanne, pora isha aako opa qulli.