Yayqoopi 3:2 - Mataafa Qulqulloota

² Ino' piisantiiyyin a lekatin ishin dapninna; nama haasaadippa ishin dapni in kinnin, isha nama qajan qapnin a dakintaadi tooytaatta ettaninno.

Yayqoopi 3:2 ပူးပေါင်းရင်းမြစ်များ

Mataafa a Nuqussa a paayyota 8:46

Nama ishindapni in kinnin in cooy, oto ke ishin dapaneyye, atti ka ishootta qara miirootto ka nyaaappaaysho turopa ishootta tuukkitooyye, pora deha taaki a seka kodditooyye, nyaapaaysho ka piitaadippopa ishootta poojooyye,

Mataafa Otoowwa a lammatta 6:36

Nama ishin dapa diinno in cooy, oto ishin ke dapaneeyye akka miirotto ka nyaapa pora seka taaki a deha a ishootta poojo turopa ishootta tuuknittooyye,

Mataafa Iyyoopi 15:13

Haka Waaqa qara' miirotto'e, afaa asse paha ka ke kara sookane'e, maana ken kaye?

Mataafa Masmuureta 34:13

A arrapaadi neequmta kapa tooyto; ka afaadi darada kapa sekaysho.

Mataafa Masmuureta 39:1

Anti in kide, “Akkan afaayyon juppoota an koonini'i, saantiyyon tooytada; ka oto ukkuttowwa ana kapa caaneeyye, afaappa' luukama kalsada.

Mataafa Pahana 10:19

Torra koopna oppa juppoota dapanni in kitto; a afaa qapanno xoori ooka.

Mataafa Pahana 13:3

A arrapaadi tooytino caattaadi tooytini; a tupadesa haasawanno xoori pateetta isha qara' kaytinni.

Mataafa Pahana 20:9

Hela a kido'e, “Karittiyyo in qulqullaysade, umma dapa an qapo, umma juppoota nefo ana qara in kitto.” ayno?

Mataafa Pahana 21:23

A afaadi isho arrapaadi tooytino, erkannaata kela issin pahani.

Mataafa Dehaamta 7:20

Ha hanqeellayta nama, a wa paxaara pattaaw koono ka juppoota kooni in kinnin, piita qaraayye in co.

Xuuma Issayyaasi 64:6

Ino' piisantiiyyin nyalle, kodinno a hanqeelluma kan soddinka uta; anka piisani a haashsha' mina oline, neequmtinno ka a puppeeta mina ino haate.

Mataafa orra Lewi 13:39

qeesitta a tooyyo; oton shaarotase awliiyyi, kaypaata a we in koonini dakintaadi quda de'ey, namoose nyala in qapo.

Maatiyoosi 12:34

Ishina hella puutotati, a orra neeqaay! Atta wa paxaara haasawatta ettanissan? Nama wa karittaadi kara immakaade ka qara hase'e afaan haasawanni.

Maatiyoosi 12:37

Afaatti a haasawatta minanne ke faratamta ka afaatti a haasawatte minanew ke qara faratamta.”

Roomi 3:10

Akka taafamte ka kiinitto, “Hanqeellitta in co; pakkanna takka nefo in co;

Roomi 7:21

Semmalla, a seera koda qara nakayen akkinni; an wa paxaara koda heenooyyen, wa a neeqa kodeeta kittessammi.

Qorontoosi a paayyota 9:27

Semmalla oton nyaroosen oppopa orra pila' halo kamma akkan anti nyaroosen oppa an dapannini'i, dakintiyyon tooytaada ka akka ana ajajamto' koda.

Kelaatiya 3:22

Ma xoori kippeetase Yesuusi Kiristoosi amaneetan teyannitto akka orra amanno' daasamto'e, akka mataafa qulqulloota' kiino mina'e piita piisa juppootan hidame.

Kelaatiya 5:17

Xajeelta so'a a hapura'e toorri; a hapura ka a so'a' toorriiw. Hapura isho so'a ka olliiw pora toorri; semmalla wa' faanittane' kodeeta a ettanissan.

Qolaasiisi 1:28

Akkan nama piisa matta mina a Kiristoosin qaja dape' koono ka dehanno'e, nama piisae ookuma piisa kollissa ka dehaamannen qoota Kiristoosi desa torrininna.

Qolaasiisi 4:12

Eeppafiraase ishin oppa takka kodde, orxaytase a Yesuusi Kiristoosi, nakayta ishina' erkini. Akka caatta hapuratin japaattan ka qimtane'e ka heenna Waaqa piisan kootane'e isha awta piisa qinseetaadin ishina' soota soonni.

ipro 13:21

Akka heennaadi kodeeta ettanissane'e a koda paxaara piisa kodeeta' hupna ishina' daasho. Ka wa isha xasanna Yesuusi Kiristoosi qudan ino' kodo. Ulfeena a haka paraparati a Yesuusi Kiristoosi kayo; Ameen!

Yayqoopi 1:26

Nama afaadi tooytaanni in kinnin ka kiino, “Waaqan waaqaysanni” isi sassapanni; waaqaysattaadi nefo paata patta.

Yayqoopi 1:4

Duupattaan japaattayshinaaw a we takkan nefo ishina'en qajinin mali a qaja dape ka immakkoota koddeetoppan a ishin kayo.

Yayqoopi 2:10

Nama kadii seera piisa tooytada ka oppa takka qepshaayye, akka piisa qepshe kapa'e dikammi.

Petroosi a paayyota 3:10

Mataafa qulqulloota ikiini, “Nama caatta heeno ka kuyyawwa paxaara akka faano, akka arrapaadi wa neeqa in haasawannin, afaadi ka darta in haasawannini'i, a tooytaado.

Petroosi a paayyota 5:10

Oto eta shakkaya kara' rakkoota teyyattan kammaayye, Waaqase a daassata piisa, isase Kiristoosi qudan ulfeena parapara oppopa ishin halaade, isha' mattaadi rakkoose ishin qara' kayte kela, ishin sooksha. Ka ishin kammeela qapa ka ishin japeessa ka ishin qaatisha.