Yayqoopi 3:17 - Mataafa Qulqulloota

¹⁷ Ma xoori, ookuma a Waaqa kapa deeno, paayyota qaraayye, qaja in qapo; kamma'eew a nakayta jaalanno ka a paxaara ka a ajajammo ka a diissata koono ka a dalta paxaaratin immakaade, a karaayye olqaran orra jaalissa isho pappahanassa in kinnin.

Yayqoopi 3:17 ပူးပေါင်းရင်းမြစ်များ

Mataafa a Nuqussa a paayyota 3:12

wa qinsatte in ke koda. Ka matta upna isho ookuma qapo a nama apari turan in akkannin ka itturopa nefo in qapnaannin ke daasha.

Mataafa a Nuqussa a paayyota 3:28

Samayta Isira'eeli ete muroosen a nuqusa mure dakayeeyye, dukaata mura'e akkima ookuma Waaqa qapo upnaade ka nuqusase fuure.

Mataafa a Nuqussa a paayyota 3:9

Semmalla akkan a paxaara ka a neeqa olkela reexo'e, ka samaytaayti muksho'e, matta ookuma qapo ana orxaytaayti daashe. A taakiti ayno samayse xaayti kutta mukissa ettansha?

Mataafa Otoowwa a paayyota 22:12

Oto Waaqa Isira'eeli qara ke nuqusumshooyye, akka seera a Waaqa Poqallaatti tooyta ettanisso'e, a Waaqa ookuma ka upna ke daasho.

Mataafa Otoowwa a paayyota 22:9

Ma inna a nakayta ka a nessuma kodde'e xaayta, anti ka nyaapaadi a qinda piisan co kelaayye isha nessuma daasha; maxxaadi nefo Selemooni kodda, anka xeltaadiiyyi Isira'eeleta nakayta ka nessuma daasha.

Mataafa Iyyoopi 28:12

Ka kuli ookuma ayshaayye teyada? Pora upnakan aysha?

Mataafa Iyyoopi 28:23

A poraadi a oppan isha kapa kaynaan upo, ka pora oppa kalo akkino Waaqa patta.

Mataafa Iyyoopi 28:28

Ka nama kide, Waaqa fuureeta ookuma neequmta kapa sekaattaaw ilattuma.

Mataafa Sooketa 36:2

Muuse ka Paasili'eli ka Oholi'api isho harmootase a Yaahiwwe ishootta upna daashe isho nama karittaadi kara kodoose kodaa'e xasa qapo piisa ollopa hale.

Mataafa Pahana 2:6

Waaqa ookuma daanniiy, afaadippa upna isho paata qapatta ka deeniiy.

Xuuma Issayyaasi 2:4

Ha isha, otanta mankistewwa leka oppa'e dukaata mura, ka samayta lekayta ollopa deexa; ishootta ka koraatewwaasso silpowwa' tumadan, ka orannaasso' maajita' kodadan; arepa desa manksteeta manksteeta in torpito, umma oranna torpa in kolladan.

Xuuma Issayyaasi 32:6

Eepa haasa eepuma'e haasawanni; mattaadi ka neequmtaaw sulli ka koda oppa Waaqa fuureta in kinnini kooni ka Waaqa qara' dapa haasawanni ka a doxe qara damta murri ka a deepoode pisha dawrini.

Xuuma Issayyaasi 40:11

xellootaadi a kahirra, a sikmayta' mina'e dawwa, ka nyalqa harkaadippopa oorsada; ka dunitta kela' qapada ka haada, ka aayyadaasso lokkooti qula.

Xuuma Taani'eeli 1:17

Waaqa ka xayyoolayse afuri'i ookuma ka upna kolluma isho matte pata oorsatta daashe ka ishoottoppa desaaw Taani'eeli'i, upna keleshaata akkeeta isho a olsa fureeta' daasheew.

Xuuma Milkiyaasi 2:9

Semmalla, akkima saantiyyo kamma dapten ka oto seeriyyo kollinnittaneeyye qatayma kooten mina'e, anti nefo akka ishina samayta piisa tura puyatamtan ka jeertanen koda.”

Xuuma Milkiyaasi 3:3

Isha akka porooda silpoppa uta sookinno ka harminno mina'e dapa ka dukaata mura' kuti'a ka orra Lewi akka warqeeta ka akka dakara pirreeta' mina' xoopa ka harmisha, ishootta ka a dukaatan Waaqa' kalisoota kalinna' koddan.

Maatiyoosi 23:28

Ishina asseewwe laka tulan fuula orra tura hanqeellaya pahatan ma, karan xata pappahanassa isho neequmtanne immakaatten.

Maatiyoosi 5:8

A karitta fayya qapa qoota Waaqa akkan malla i'eppisamen;

Maatiyoosi 5:9

A otanta orra oppa araara ka nakayta koona, qoota hellaa Waaqa kidaman malla, i'eppisamen;

Luqaasi 21:15

Anti afa isho ookuma paarakaaladdaassin oppaayye a nama takka nefo puteeta ka shiisheeta in ettaninnini'in ishina daasha.

Luqaasi 6:36

Semmalla, akka Aappaayshin a moonta dissampayta kodde mina'e, ishina assew diissampaya kodda.”

Yohaannisi 1:14

Sede qaaleta kidame nefo, nama kodde ka daassata Waaqa isho dukaata immakaade ka otantinno oppa kallaade. Ino ka a inna sene takkan a aappa ulfeena, a'appaaysho kapa qapan akkine.

Yohaannisi 1:47

Yesuusi ka a Naatina'eli a isha kapopa deeno akke ka qootaadi desa haasawade ka kide, “Tin nama Isira'eeli a dukaata, a darta kara in kinnin.”

Kodampaya 11:24

Isha qoota nama paxaara a Hapura Qulqulloota isho amanteetan immakaade kodde malla; Orra lekayta ka qinda Poqalla opa tiitaawe.

Kodampaya 9:36

Iyyoobbe karaayyew, iskatteeta takka Taabita kidammitto a Waaqa amannitto ca; maxxaadi nefo afa Kirikkitin Torqa kidammi. Se kideese nefo kuumanta kideeta. Isheetta iskatteeta awta piisa koda paxaara koonitto ka hiyyeesadda nefo qaarqaarritto.

Roomi 12:18

Oton i'ishina' koddiniiyyi nama piisa olli nakaytan kallaatta'e, qindaayshinaayye desa wa parpaaccisna piisa koda.

Roomi 12:9

Jaalala a dukaata a oppa pappahanassa in kinnini qapnaada ka wa neeqa' needdada ka wa paxaara' koda' japaada.

Roomi 15:14

Hellaanno a kiristaanatiiyyi! akka' paxaarumtan immakaatten ka upnaan koopten ka takka takkaayye a oli dehaama ettaninna kodditen in upnaade.

Qorontoosi a paayyota 12:8

Hapura Qulqulloota, nama takka'e, ookuman haasawatta daanni; hapuroose'ew ka nama pilaati'i, upnaan haasawatta daanni.

Qorontoosi a lammatta 10:1

Anti Pawloosi, isase oton ishin kapa cooyye, fuurampayta kidammo ka oton ishin kapa sekiiyyi maxanyaata kidammo, xoona isho paxaarumta Kiristoosinnin ishin naappanni.

Qorontoosi a lammatta 6:6

ka akkimose mina'ew karitta a qulqullaawenne ka upnaanne ka oopsetanne ka paxaarumta kodeetanne ka Hapura Qulqullootatin kallaattaanne ka jaalala pappahanassa in qapniniitinni

Qorontoosi a lammatta 7:11

Nyarrahatose' xaayshin henna Waaqa qara koddite haasa isi qara oorissa a atta paho ka irraqara miirootta a atta paho ka fuura a atta paha ka yaatatta a atta paho ka yoota a atta pahato isho qitaateta a atta pahato akka qeette, fayya' qalpeeffada. Ishina'ew akka qinda piisan seppaayye nata kodditen, i'akkissen.

Qorontoosi a lammatta 9:10

Waaqase aylampayta' xotta daanno ka damta'e laaqqota daanno, xotta a aylaattane ikoopsha ka ishina' daasha ka daassatase' xaayshin a isi piisan daannittan kela wa akkannittane ishina' koopsha.

Efesooni 5:9

Maana malla, dalta a paxaarumta' piisa ka a hanqeelluma isho a dukaata la'ayta kapa deeniiy.

Filippisiyuusi 1:11

Ka ulfeena isho kalata Waaqati'i, daltase a hanqeelluma Yesuusi Kiristoosi qudan teyannitton immakaattan malla.

Filippisiyuusi 4:8

Mattaayshin, a wossen piisa qaropa qapa ka paxaara opanka ishin kalataysammaanetin a immakaado. Piraampira qara hellaanno a kiristaanatiiyyi! wa dukaata kodde ka ulfeessame ka likkeeta kodde ka qaja in qapnini ka jaalatame ka paxaara' piisa dikada.

Qolaasiisi 1:10

Ka akka poqalla'e saanta aparpaaccisnitton kallaattan ka koda a paxaara ika piisa kodeetan dalta daltan ka qinda piisan isha xasassaan ka Waaqa upnaattaan kuttattaan antani'en ishina Waaqa qinsanninna.

Teseloonqe a paayyota 2:7

Akkan erkamampaya Kiristoosi koddine kapa'e wa parpaaccisna piisa ishin qara kaassannin heenne, ma xoori akkima aayya hellaadi' dikannitto mina'en naalumaan ishin oppa' kallaanne.

Timotoosi a paayyota 5:21

Wa' koonitta piisa oppa'e a nama olqara a' jaalinnin ka nama takka nefo qara a' qannin maliiyyi, akka dehaamose xayyo piisa dikkisso'e, fuula Waaqa ka a Yesuusi Kiristoosi isho saara erkampattowwa tura'en atara ke' kiini.

Timotoosi a lammatta 2:24

Nama a orxayta a Poqalla Yesuusi kodde, a orra piisa xoono ka kollissa ettaninno isho duupattampayta koddeeta isha faani diisheey, orra oli peeqeeta isha faani in kitto.

Tiito 1:15

A qulqullaaweti'i we' piisa qulqulloota orra nyale ka amanni in kinniniti' xoori, wa a qulqullaawe takka' nefo in caan. Laadi mattaaysho isho dikattaaysho a karanxata' piisa nyale.

Tiito 3:2

Ka nama takka nefo qara wa neeqa in haasawnini'i dehaame; Sekapaayye a nama oli peeqni in kinnini ka tajjana isho a orra piisa tura mattaaysho xata shakkinna a kodden.

ipro 12:11

Qitaateta piisa etoosenetiiyyi, wa nama nyarrahasiisna diisheey, a xasanno in pahan. Xoori kuli'i orra a kollade'e, dalta hanqeelluma a kara nakayta co qeenni.

ipro 12:14

Qulqulluma mali nama takka nefo poqalla akkeeta ettaninni in cooy, nama piisa olliiyyi nakaytan kallaada ka qulqullumaan kallaatta' japaada.

Yayqoopi 1:17

Dassata paxaara isho saka a qaja in qapnin piisa, Waaqa kapa deeni. Ka Waaqase a kaatta mina tittiitaawa ka puppursama isha kapa in kinnin Aappase a la'ayta kapa deeni.

Yayqoopi 1:5

Ishin oppaayye nama a ishi ookuma qaje oton icaayye, a Waaqa qinsado; Waaqa i'ishi' daashaay. Isha' xoonampayta Waaqa, a fuula in quu'inin mali a nama piisa xoona daannooy.

Yayqoopi 2:13

Firteeta Waaqa nama nama diissata kooni in kinnini, diissata kooni in kitto. a kodditoma diissata firteeta punni.

Yayqoopi 2:4

Ka kuli sedenne akka orra olqara jaalinnittan ka firteeta qatayma' farannittan ishina akkaanni in kitto?

Yayqoopi 3:15

Ookuma asse paho, piita ka so'a isho seetana kapa deeni diisheey, Waaqa kapa deeni in co.

Yayqoopi 4:8

Ka Waaqa kapopa dehaada; isha i'ishin kapopa dehaadaay. Ishina' juppoolayaayye! harkaassin jaqada; ishina dikatta lakki qapaatiiyyi! karittaayshin qulqullaysada.

Petroosi a paayyota 1:22

Akka orra amanno jaalala dukaata' qapnaattane'e, dukaata ajajamaanne napseetaayshin iqulqullassen; semmalla karitta piisanne a kuttati ol jaalada.

Petroosi a paayyota 2:1

Semmalla oori, neequmta piisa ka sassapa piisa ka pappahanassa ka yoota isho oli haasawa ika piisa, alle isi kapa sekaysha.

Petroosi a paayyota 2:18

Ishina karpishshaddaayye, poqalladdaassin ulfeessaanne, ishootta ajajama. Umma a paxaara isho naalaya patta'en ma ukkuttowwa kuli ajajama.

Yohaannisi a paayyota 3:18

Hellaay! Jaalalaanno a jaalala dukaata a kodaan akkaanna kodden diisheey, jaalala afa qara taaki a torra patta in koddinin.

Yohaannisi a paayyota 3:3

Akka sede koddito'e nama Kiristoosi kippanno piisa, akka Kiristoosi qulqullaawe mina'e isi qulqullanni.