Yayqoopi 2:7 - Mataafa Qulqulloota

⁷ A maxxase a ulfeena a ishina ishin halaammittan onna, ishoottanne?

Yayqoopi 2:7 ပူးပေါင်းရင်းမြစ်များ

Mataafa Masmuureta 111:9

Ka wa samaytaadi fura erke ka kodayteetaadi haka paraparati ajaje; maxxaadi a qulqullaawe ka fuurammo.

Masmuureta a masmuurewwa piisa qara jaallitto 1:3

Shittootayti oo atta alaawni? Maxxaayti haleeta shittoota puufatta mina. Tuparra ka semmalla ke jaalanni.

Xuuma Issayyaasi 43:7

Nama an maxxiyyon hale, ka an ulfeeniyyon uume ka kode piisan kalsha.”

Xuuma Issayyaasi 65:15

Waaqa poqalla ka ishin leysha, orriyyo an reexade oppaayye maxxaayshin ka qora jiija' kodda, samaytiyyo ka maxxa pilaatin halaama.

Xuuma Issayyaasi 7:14

Semmalla Poqalla mattaadi' milikkita ishina' daasha; tin, iskatteeta xayya qapto inna hita ka inna diirta' xaaya ka maxxaadi ‘Amaanu'eeli’ Kiita ka haleeta.

Xuuma Ermiyaasi 23:6

xeltaadiiyyi yihuta ipahata; Isira'eeli nefo nakaytanne kallaatta maxxaadi ka ‘Yaahiwwe hanqeellumaanno’ kidama.”

Maatiyoosi 1:23

“Tin enenta issin kitto hita ka inna diirta xaayta. maxxaadi nefo Amaanu'eeli kidama.” Ka halaama akka dikkatto malla. Amanueeli kideeta, Waaqa ino olli ca kideeta.

Maatiyoosi 12:24

Feresaata xoori ikiite “Ha namoose pe'elesepuli saarase a orrittatinni orriyya sookinni.”

Maatiyoosi 27:63

“Poqallaay, sassapampaytase xatta a cooyye, isase a kide'e, ‘kuyyaata sessa kamma tootoppa in xa'a’ Ino matte oore.

Kodampaya 11:26

Ka ete isha teyeeyye, Ansookkiyaapa ishin de'e ka lamattiiyyi, para takka kumma tika Kiristaana quda kinnaaden ka orra lekayta kollishen. Orra amanno ka paayyota qara, Ansookkiya kara'e “Kiristaana” kidame ka halaame.

Kodampaya 15:17

Waan malla asse koda nefo, orra ata hase piisa isho orrase Yihutaata in koddinin maxxiyyon halaame piisa akka ana Waaqa fado malla.

Kodampaya 26:11

Ka a lekatin akka tikkasene a qinseeta a orra Yihuta kela qatta'aman ka poqalla qara afa otitta haasawadan; ishootta kitteessini ka ishootta qara a kuttati miirode. Ka katamadda a piita pilaati oppopa anni ka ishootta kamma daanni.”

Kodampaya 4:12

Semmalla dina isha mali nama pila takka nefon in co. Maana malla, maxxa an ishin dinno, a Waaqa orra' daashe kaaskeella piisa qara isha mali takka nefo in cooy.”

Efesooni 3:15

Toola a piita isho moontan co piisa, maxxaadi a dukaata Waaqa kapaaw akkanni.

Timotoosi a paayyota 1:13

Kadin punu sede turan, Kiristoosi ote ka pora daane ka jeershe nefooyye, isha isha diissata ana' kode. Wa malla diissata ana' kode' nefo, qootaan an upnin ka an amannin mali se piisa kode malla.

Petroosi a paayyota 4:16

Qoota kiristaana kodde malla, nama a qara rakkoota kaynitto xoori, maxxa Kiristoosi malla, a Waaqa kalataysado diisheey, in jeerrin.

Keleshaata 19:13

Isha a ohaata diikan lahamte uwwisade. Maxxaadi nefo “Qaaleta Waaqa'e” kidammi.

Keleshaata 19:16

Ohaataadi isho kupeettaadi quda'e maxxa a kiino, “Nuqusa nuqussa ka Poqla poqalladda'e” taafame.