Yayqoopi 2:6 - Mataafa Qulqulloota

⁶ Ishina' xoori teekolaya' puyannittan, a ishin miiddina ka tika firteeta opa ishin tinna, teyantoolayaanne?

Yayqoopi 2:6 ပူးပေါင်းရင်းမြစ်များ

Mataafa Iyyoopi 20:19

Maana malla teekolaya miidde ka ishootta raaffadeey ka tika a isha in qupnin teyyadeey.

Mataafa Masmuureta 10:10

Teekolaya ka miidammi ka jeerri; a qaarqaarsa dape ka harkaadippa' piini.

Mataafa Masmuureta 10:14

Atti' xoori, oo Waaqqo rakkoota ka nyarrahata eeyye tooyni; ka akkima harkaaytin kapa' haalota pooyyito'e, eeyye akkini; rakkatampayta nefo ke qara'e isi xaayanni; atti ka he'aya qaarqaarri.

Mataafa Masmuureta 10:2

Ukkuttowwa ka isi peepaassotin teekolaya pora toorri; neequmta a dikadene oppa'e ishootta'ew a qapamen.

Mataafa Masmuureta 10:8

Palewwa kapa'e asanni; ka porra torkada kara'e, nama dukaata qapo ikanni; ka dekandekatti rakkatampayaaw tooyni.

Mataafa Masmuureta 12:5

Waaqa xoori ikiini, “Miiddota teekolaya' malla, ka ullupitta rakkatampaya' malla, amma in xa'a; ka nakaytase a xajeellaan oppa ishootta kallaaccisa.”

Mataafa Masmuureta 14:6

Ishina' kadi punu dikatta teekolaya kehaytissa heentaneeyye, Waaqa xoori, ishan kippetaaysho.

Mataafa Pahana 14:31

A teekolayta miiddino, uumampaytaadi onni; a teekolayta suraysanno xoori, Waaqaadi ulfeessini.

Mataafa Pahana 17:5

A teekolayta qara seesno, umampaytaadi onni; a dapa namatin xasoonno, xora kela pahani in co.

Mataafa Pahana 18:23

Teekolayta naalumaanne paata qinsanni; teyantoolayta xoori pajaqqattanne ishi' haasawanni.

Mataafa Pahana 22:16

A teyantaadi ollopa tuulatta malla teekolayta miiddino isho a daassawa teyantoolayta daanno, piisani teekan.

Mataafa Pahana 22:7

Teyantoolayta, teekolayta piddini; a leqeessade ka a leqeesse kelaayye karpishsha koddini.

Mataafa Dehaamta 5:8

Oton piitoppaayye hiyyeessa miiddammiiyyi ka firteeta dukaata isho mapteeta dapniiyyi, sede ke in qawwannin; maana malla, taanynya takkan qaropa taanynya a pila a isha tooyna'e caawweey, ishootta piisa qaropa taanynyada a pila ka caaneewweey.

Xuuma Issayyaasi 53:3

Ha isha nama a orra isha needdade ka jippe; isha nama surumta ka a nyarrahata; ikka a nama orra qara ilda tiitanno mina'e needdatame, umma ino an isha an ulfeessine;

Xuuma Amoosi 4:1

Ishina iskatta Samarya' kodde ka okkaya a meere a piita Paasaani' mina kakappadeetiiyyi! Ha rakkatampaya' miiddinittan ka teekolaya juurtinittan ka diirraassin akka kuyyaata piisa ikkayta orra maashshanno ishina' daashane ishootta payyahinnittan.

Xuuma Amoosi 5:11

Ka teekolaya irreetan piddinittan ka qaraayye untaaysho irreetan pohannittan ka dakadda xefameetin tikka qupatten, ma xoori kara'e a kallaattan ka dishma wayneeta a paxaara dishatten, ma xoori taadeta a wayneese oppa kodammitto a iktan.

Xuuma Inpaqoomi 3:14

Ishootta akka puppeeta' mina'e olkela ino pasissa' de'en ka a ino kela nunukkulla affissa ka ishootta qara kahatta ka seden xasootta dikaden; Atti' xoori, isase matta oranna' koddino lawaadinniiwwi isha pokkite.

Xuuma Sakkaariyaasi 7:10

Hiyyettewwa ka he'aya ka kalayta isho rakkatampaya in miiddan. Mattaayshina ishina karittaayshin kara'e wa neeqa olqara'e in dikadan.’

Yohaannisi 8:49

Yesuusi ka ishootta oorshe ka kide, “Anti orritta ana kara in co, ma xoori Aappinnon ulfeessini, ishina ka ana jeerinnittan.

Kodampaya 13:50

Saarra Yihutaata xoori, teyantoolaya iskatta a amanteeta Yihutaatatin kallaanna isho katama appa orra a kukutta nyarrahasiisen ka akka Pawloosi isho Parnapaasi qara pora daanama xa'o koden. Ka piitaaysho oppa alle ishootta sookshen.

Kodampaya 17:6

Ma xoori ete ishootta dapteeyye, Iyyasooni isho orra amanno takka takka ukkumampaya a katama turopa dehassa'e ishootta titte ka ishin ante, ka nessa kuttan kiini “Sene piita piisa qara horayta qeede, amma arepa de'eneew!

Kodampaya 18:12

Kaliyoosi ete piita Akayiya qara' ukkumampayta kodde ka shuumameeyye; Yihutaata takka'e oli qapte ka Pawloosi qara xaate ka firtishoonkota turopa isha qeette.

Kodampaya 8:3

Sawuuli xoori tika Kiristaana patissa'e xa'e ka tikka kara kullini ka diira isho iskatta a amanno tinni ka sookinni ka tika hida karopa ishootta kalinni.

Qorontoosi a paayyota 11:22

Kaata tikka a kara' damtane ka ikitane a' qaptane? Moon tika a kiristaana a Waaqa'e' puyannittan? Ka rakkatampaya a we in qapnini jeerinnitan? Semmalla maanan ishina' kida? Hela sede mallan ishin kalataysada? Pakkanna an ishina an kalataysado.

Yayqoopi 2:3

Akka namase mehadda paxaara ka sira qapa' kallsade ulfeessitan ka ishi' kiitane, “porose paxaara oppa kuti'e,” Ka teekolayta' kiitaneewwe, “Atti eeyye' qa'ado taaki loqqaayyo kela' kuti'e.”

Yayqoopi 5:4

A kodditoma ferampaya a dullaassin oppa feraappa nakayeeti' qoota' xaayyaasso a' daanin malla, tin ullupitta lelatta'e dakaanni. Poqlase we piisa ettaninno ka ullupitta a ferampayooseneti' dakaye.

Yayqoopi 5:6

Ka hanqeellitta qara' dartan faratten ka ikassen; umma isha ishin mineela in tooyyanne.