Yayqoopi 2:13 - Mataafa Qulqulloota

¹³ Firteeta Waaqa nama nama diissata kooni in kinnini, diissata kooni in kitto. a kodditoma diissata firteeta punni.

Yayqoopi 2:13 ပူးပေါင်းရင်းမြစ်များ

Mataafa Uumata 42:21

Ka olli' kidene, “Ha dukaatannen innaanno qara karpa koone. Se a awsetiiyyi ino naappanno ka pora pooyno an ka isha suraysatta diinne malla awwe rakkoose piisa ino qara' kayte.

Mataafa Otoowwa a lammatta 28:11

Semmalla amma arepa dakkaysada! Waaqa akata ishin qara miirodeey, helloosen xaayshin a sanynyeetaayshin oppaaw poojtene alle kalsha.”

Mataafa Masmuureta 18:25

Waaqqo atti, a amanammaati'i, a amanammo' koddini ka a qaja in qapniniit'i, a qaja in qapnini' koddini.

Mataafa Masmuureta 85:10

Xoona isho amanameeta olqapada; hanqeeta isho nakayta ka oli dinkan.

Mataafa Pahana 21:13

Nama kadi ullupitta a teekolayta' dakaya kapa nappa qara qapadaayye, takkaayye isha' kuli i'ullupa umma nama ishi in dakayo.

Mataafa Pahana 22:16

A teyantaadi ollopa tuulatta malla teekolayta miiddino isho a daassawa teyantoolayta daanno, piisani teekan.

Xuuma Issayyaasi 27:11

Taammaadi oto kokaneeyye, iqeqqepan; iskatta ka qorootada ka xaayyada; ishootta samayta matte qapnaanni in kinniniiy, semmalla a ishootta uume ishootta in suraysado; umma a ishootta kode ishootta in kaassado.

Xuuma Ermiyaasi 9:24

Ma xoori nama akkiman anti Waaqa kodde upo, ka akkiman piita qara xoona pirama in qapnnin, ka mura dukaata isho a hanqeelluma koono kodde upo, isha a seden isi jeejjado; anti sedennen xasoonniiy.”

Xuuma Hisqeeli 33:11

Ishootta' kide, Waaqase' piisa qara qapo ikiini, ‘Caattampayta koddeetiyyonnen xaxanni ka juppoolayta akka juppootaadippa ooro ka caado faani diisheey, toota a juppoolaytatin an xasoonni an co! Ishina samayta Isira'eeliti tiitaawa; saantaayshina a neeqa qara tiitaawa diisheey, kaata maana'e' leetan.’”

Xuuma Mikkiyaasi 7:18

A nama juppoota diinno ka peela samaytaadi oppa hase qara dapa dikni in kinnin, ata Waaqqo, a xaamo ke paha? Ha atti oto nama suraysannittooyye, xasa ke' dakaanni diisheey haka paraparati a' miironni a' kitto.

Maatiyoosi 5:7

A diissata koona, qoota diissata akkadan malla, i'eppisamen;

Maatiyoosi 6:15

Ma xoori oton dapa a orra ishin qara kode ishootta a diinni a kinniniiyi, aappaase xaayshin a moonta asseew juppootaayshin ishina in diinniniiy.”

Luqaasi 16:25

“Aprihaami xoori i'ishi kide, ‘Innaayyo, atti a piita qara kittooyye, akkima wa pa'aara akkatte ka xasootte, matte oorsado. Alaasaari xoori rakkootoppa caade; semmalla amma isha areeyye xasoonni, atti ka rakkanni.

Luqaasi 6:37

“Nama takka nefo qara an faratan; ishin qare in faratamtooy; umma orra pila'en jippan a jippamtaneey. Orra juppootaaysho diisha; juppootaayshin i'ishina diisamtaay.

Yayqoopi 3:17

Ma xoori, ookuma a Waaqa kapa deeno, paayyota qaraayye, qaja in qapo; kamma'eew a nakayta jaalanno ka a paxaara ka a ajajammo ka a diissata koono ka a dalta paxaaratin immakaade, a karaayye olqaran orra jaalissa isho pappahanassa in kinnin.

Yayqoopi 5:4

A kodditoma ferampaya a dullaassin oppa feraappa nakayeeti' qoota' xaayyaasso a' daanin malla, tin ullupitta lelatta'e dakaanni. Poqlase we piisa ettaninno ka ullupitta a ferampayooseneti' dakaye.

Mataafa Taanynyada 1:7

Atonipeseqi ka kide, “Nuqussa a harkaasso ka loqqaasso minaayye ampakuttaya quuramen kunda tappa ana kela puspusa dammi. Waaqa ka akka kodaayyo' mina'e, wa asse paha ana qara' kodeew.” Ikka Yursaalamipa kalen ikka eeyye to'e.

Mataafa Taanynyada 5:27

Ikka nyalaflafe ka loqqa kela isheetta' pi'e, ka eeyye loqqa kela isheetta' deraade, ka loqqa kela ishi' pi'e ka deraade. Ka pora oppa' pi'e oppa'ew deraade ka to'e.