Yayqoopi 1:9 - Mataafa Qulqulloota

⁹ Inna a kiristaana a kallaatoppaayye harkan shakka, qoota Waaqa isha kuttisho malla a xasoodo.

Yayqoopi 1:9 ပူးပေါင်းရင်းမြစ်များ

Mataafa Masmuureta 62:9

Inna nama' xayxayta mina; nama piisaaw paata patta mina. Kadi hiila qara ishootta piisa ekkaysadaneeyye, xayxayta ishootta kapa ulsaada.

Mataafa Pahana 17:5

A teekolayta qara seesno, umampaytaadi onni; a dapa namatin xasoonno, xora kela pahani in co.

Mataafa Pahana 19:1

Eepa a afaadi quumaden kapaayye, teekolayta a taantetan kallaanno wayyi.

Xuuma Issayyaasi 29:19

Naalaya ka amma Waaqan xasoodan; rakkatampaya ka qulqullitta Isira'eelitin xasoodaneew.

Luqaasi 1:52

Ka mukissampaya kukutta alkaasso qara lekkishe, ka kapandela a xata shashaka moontopeela kuttishe.

Luqaasi 10:20

Ma xoori, qoota orriyya ishina ajajamen malla in xasoodan ma, qoota maxxaayshin maskapa moonta oppa taafame malla xasooda.”

Luqaasi 14:11

“Nama mattaadi opeela kuttinno, ijeera; a mattaadi xata shakkinno ka ulfeessama”

Luqaasi 9:48

ka tamaarewwaadi kide, “Nama innoosen maxxiyyon teyyanno piisa, ana teyyanni; a ana teyyannow, isase ana erke kuli teyyanniiw. Ishin oppaayye a pisa kelopa xata shakka, a pisa qara jaallo kodda.”

Roomi 8:17

Semmalla, oton hellaa Waaqa koddineeyye, an lehattampayaadi ka Kiristoosi olli lehaanna. Oton amma rakkoota Kiristoosi oppa qoottannooyye, kuli ulfeenaadippan qoottannaaw.

Qorontoosi a lammatta 6:10

Kadi punu nyarrahata ino qara' kaytaayye, awta piisan xasoonninna. Kadin punu teekolaya koddineeyye lekayan teyantanninna; kadin punu we' takkan nefo an qapniniiyyi, we' piisa in qapna.

Mataafa oppa' Ooreta 15:11

Teekolaya piitaayti oppa in dapadaneey, akka karittaayti furatto ka hellaassina a piitaayshina ka rakkatampaya isho teekolaya a piitaaytippa ca qaarqaarto'en ke ajajni.

Mataafa oppa' Ooreta 15:7

Piita a Yaahiwwe Waaqaayti ke daanno oppaayye oton katamaddaatti oppa takka karaayye innaassin a piitaayshina a teeke caaneeyye, karittaayti isha qara in kokkonnayshan; ka innaassina a rakkade qaarqaara in diishan.

Mataafa oppa' Ooreta 15:9

Akka dikatta a neeqa a qapnaannin ka a kiinini, “Parase a tappatta a oppaayye kuura kaaja alle diisammo idesa kayni” ka innaassin a piitaayshina ilta a neeqatin a tooynin ka we ishi daassata a dawrinin, isha ka se minan qootaayti desa Yaahiwwe opa in ullupnin ikka ke qara juppoota in oorrini'i isi tooytaado.

Filippisiyuusi 3:14

Anti loqshaayyo akkatta'en porase opa keerraan ise ana tura co opa keerri; loqshoosen' nefo, isase a malla Waaqa Yesuusi Kiristoosi qudan opeela ana hale.

Filippisiyuusi 3:3

Maana malla ino a Hapura Waaqatin waaqaysanna ka taanteta a laka tulan akkaannitton in koddinin mali Yesuusi Kiristoosiiw jeejjaanna, ino dukaatan dawra qara murade.

Petroosi a paayyota 2:9

Ishina' xoori, akka kodase orra qawwanno a Waaqa isase tukkantoppa la'aytase orra qawwanno oppopa ishin halaade salissane'e, a' xelta reexxamte. A'qeesewwa nuqusa ka a' samayta a qulqullaawe, a Waaqa xaadi' kodade.

Keleshaata 2:9

rakkootaayti ka teekumaayti in upa. A koddito ma a' teyantoolayta. A Yihutaata in koddinin mali a issi' kiina'e an Yihutaata ka parka seetana' kodde, akka' maxxaayti pashshen in upa.

Mataafa Saamu'eeli a paayyota 2:8

Ka teekolaya a oroppa dikammi in kinnini xa'inni, ka rakkatampaya taraappa xa'inni, ka poqalladdaappa qaa'inni ka sufaana ulfeena ishootta lehanda daanni. Ha qapaya piita kela ca a Waaqa'ew, ikka ishootta qara piita kode.