Yayqoopi 1:4 - Mataafa Qulqulloota

⁴ Duupattaan japaattayshinaaw a we takkan nefo ishina'en qajinin mali a qaja dape ka immakkoota koddeetoppan a ishin kayo.

Yayqoopi 1:4 ပူးပေါင်းရင်းမြစ်များ

Mataafa Iyyoopi 17:9

Hanqeellayta xoori saantaadi qara'e japaada; a harka qulqullaawe' qapo kuli qara'ew kokkonnaada.

Mataafa Masmuureta 37:7

Waaqa turaayye jaw kide ka duupattaan isha asado; nama neequmta koda dikanno, saantaadi ka ishi' qajeelte in yo'an.

Mataafa Masmuureta 40:1

Duupattannen Waaqa asade; ikka anopaxata elle ka qinseetiyyo dakaye.

Mataafa Pahana 4:8

Isha ulfeesse ke kukuttishaay, isha isqudopa hadduune ke ulfeessaay.

Xuuma Inpaqoomi 2:3

Wossen a akkite kuyyaata a oppa koda qara nakayane in dehan; a koddito ma, kuyyaata a oppa koda qara nakayan jarjartanne deeta, umma ini dartan. Kadi punu a jarto pahataayye, in hasto. Dukaatan qoota deeto malla, duupattaan asado.

Maatiyoosi 10:22

Orra piisa ka ana malla ishin needdada. Ma xoori nama haka piranpirati kokkonnaanno, isha paha.

Maatiyoosi 19:20

Xayyoolaytase ka kide, “Sene piisan tooytaadeey, wa pila a ana hase maana?”

Maatiyoosi 5:48

“Semalla akka a aappase xaayshina a moonta qaja in qapnin mina'e, ishina asseew a qaja in qapnini kodda.”

Mariqoosi 10:21

Yesuusi ka ishopa tooyyade ka isha jaalade; ka ishi kide, “We takkane patta ke hase; aane ka wa a qapta piisa kate ka teekolaya qoote ka ana kamma xooye! Teyanta a tuulamte moonteeyye akkattaay.”

Luqaasi 18:22

Yesuusi ete sede dakayeeyye, inamaseti kide, “Asseeyye we takkan kodeetaaw ke hase; wa a qapta piisa kate ka kaajosen teekolaya qoote, moonteeyye teyanta ollopa tuulamte akkattaay ka de'e ka ana kamma xooye.”

Luqaasi 21:19

Akka duupattaayshinan issin pahatan.”

Luqaasi 8:15

Xottasene piita fayya oppa seehe xoori, orra karitta fayya ka taantetan qaaletase dakayno ka tooytino lelli. Ishootta orra qaaleseetin japaanno ka dalta dallo.”

Yohaannisi 17:23

Anti waan qinsanna, akkiman anti, ishootta karan co, atti ka ana karan kitto mina'e, ishootta akka immakkoota koddan malla, akkimoose mina'ew, akka ana erkite ka a ana jaalatte, mina'e, akka ishootta jaalatte, piita akka upnaatto malla.

Qorontoosi a paayyota 2:6

Ma xoori ino orra a kallaata hapuratin qime'e, ookumannen haasawanninna. A koddito ma ookuma an haasawanninno, ookuma piisseti taaki ookumase a piraampiraadi pateetta kodde a mukissampaya a piisseti'in.

Kelaatiya 6:9

Oton xasa, an murriniiyyi oto etaadi kaytooyye qootan feranno malla, koda paxaara koda'e nukkullaatta diinna.

Qolaasiisi 4:12

Eeppafiraase ishin oppa takka kodde, orxaytase a Yesuusi Kiristoosi, nakayta ishina' erkini. Akka caatta hapuratin japaattan ka qimtane'e ka heenna Waaqa piisan kootane'e isha awta piisa qinseetaadin ishina' soota soonni.

Teseloonqe a paayyota 5:23

Waaqase a nakayta a mattaadi we piisan ishin qulqullaysho. Hapuraayshin ka napseetaayshin ka dakintaayshin kuyyaatase a oppa Poqallaanno Yesuusi Kiristoosi' deeno tura'e a qaja mali tooytaamen.

Timotoosi a lammatta 3:17

Sede nefo, nama Waaqa, akka qaja dapo ka koda paxaara piisa koda' harmisade koddo malla.

ipro 13:21

Akka heennaadi kodeeta ettanissane'e a koda paxaara piisa kodeeta' hupna ishina' daasho. Ka wa isha xasanna Yesuusi Kiristoosi qudan ino' kodo. Ulfeena a haka paraparati a Yesuusi Kiristoosi kayo; Ameen!

Yayqoopi 1:5

Ishin oppaayye nama a ishi ookuma qaje oton icaayye, a Waaqa qinsado; Waaqa i'ishi' daashaay. Isha' xoonampayta Waaqa, a fuula in quu'inin mali a nama piisa xoona daannooy.

Yayqoopi 3:2

Ino' piisantiiyyin a lekatin ishin dapninna; nama haasaadippa ishin dapni in kinnin, isha nama qajan qapnin a dakintaadi tooytaatta ettaninno.

Petroosi a paayyota 5:10

Oto eta shakkaya kara' rakkoota teyyattan kammaayye, Waaqase a daassata piisa, isase Kiristoosi qudan ulfeena parapara oppopa ishin halaade, isha' mattaadi rakkoose ishin qara' kayte kela, ishin sooksha. Ka ishin kammeela qapa ka ishin japeessa ka ishin qaatisha.

Petiroosi a lammatta 1:9

Nama senen qapnin xoori, nama a qara ilda paten ikka wa pora sekaayye ca akkini in kinnin ka akkima juppowwaadi a xatta oppaayye jaqqame teyme.