Yayqoopi 1:26 - Mataafa Qulqulloota

²⁶ Nama afaadi tooytaanni in kinnin ka kiino, “Waaqan waaqaysanni” isi sassapanni; waaqaysattaadi nefo paata patta.

Yayqoopi 1:26 ပူးပေါင်းရင်းမြစ်များ

Mataafa Iyyoopi 15:13

Haka Waaqa qara' miirotto'e, afaa asse paha ka ke kara sookane'e, maana ken kaye?

Mataafa Iyyoopi 30:11

Waaqa paantaayyo mina alle kinjatta fure ka ana jeershe. Ishootta iluukaama afaappa katen ka ana qaropa kammi.

Mataafa Masmuureta 141:3

Oo Waaqqo, afaayyo tura' tooytampayta kode; ka xarra hibbaayyo' tooyte.

Mataafa Masmuureta 32:9

A teeppa ka luukaman ishootta qapto maliiyyi, pinaanasene ke kapopa dehanni in kinnini ka dikatta in qapnini, a farta ka a kaanketa' mina'en koddan.

Mataafa Masmuureta 34:13

A arrapaadi neequmta kapa tooyto; ka afaadi darada kapa sekaysho.

Mataafa Pahana 10:19

Torra koopna oppa juppoota dapanni in kitto; a afaa qapanno xoori ooka.

Mataafa Pahana 10:31

Afaa hanqeellaya, ookuma paadini; afaa quumade' xoori, alle'e quuraman.

Mataafa Pahana 14:12

Saanta nama tura' paxaarnaannitto ikitta; piraampiraadi xoori' toota.

Mataafa Pahana 15:2

Arrapa ooka upna peepni; afaa eepa' xoori eepumaaw paadini.

Mataafa Pahana 16:10

Nuqusa ukkuma Waaqatinni haasawanni; umma afaadin mura dukaata kamma dapni in co.

Mataafa Pahana 16:25

saanta nama'e, a paxaara' pahato ca; piraampira qara xoori tootopa naman anni.

Mataafa Pahana 19:1

Eepa a afaadi quumaden kapaayye, teekolayta a taantetan kallaanno wayyi.

Mataafa Pahana 21:26

Nukkullayta nama kuyyaata piisa xajeelta quda'e tawni; hanqeellayta xoori a we in dawrinin mali daanni.

Xuuma Issayyaasi 1:13

Kalisootase xaayshin we' nakanni in kinnin lammatta ishini in de'an. Tankartaayshin a' qayyannittan in xaccisanni. Xa'atimaddaassin a leya isho sampataddaassin ka ollopa xoraayshin an jaalanne. Ishshaarriyyasene' xaayshin juppootan immakaade duupatta i'anan kamte.

Xuuma Issayyaasi 44:20

Ha isha tara fukanni; karitta sassapatame ka saanta qara isha maqqishe, umma ishan paha in ettansho ka in haasawado ka in kido, “Wossen harkiyyo a akkitta oppa ca daradaanne?”

Xuuma Milkiyaasi 3:14

Ishina ikkiitene, ‘Ha Waaqa kela koda kodeeta paata patta, seeraadi tooyteeta ka fuula Waaqase we piisa ettaninno tura akka orra nyarrahe mina' kallaatta, maana ino qara nessissa?

Maatiyoosi 15:9

Ishootta nefo aata a nama kode'e akka seeriyyo mina orra kollinni, ka patta ana waaqaysanni’ Se a asse kide asu dukaata”

Mariqoosi 7:7

Ishootta aata anama kode'e seera Waaqati koden ka orra kollinni ka patta ana waaqaysanni.’ dukaata.

Luqaasi 8:18

Semmalla, atta akkima qaalese dakkaysannittan tooytaada. Aqapo, qara'ew ishi daasamta a in qapnin xoori, sede a dikanno ka kiino ‘In qapa’ kuli qara qeedama.”

Qorontoosi a paayyota 15:15

Semaliiyyiiw qootan kollinne ka kiine Waaqa Kiristoosi tootoppa xaashe malla, qoota Waaqati desan maakkiyya darta'en koddine kideeta. Oto orra le'e tootoppa xaani in kinniniiyyi, Waaqa Kiristoosi tootoppa in xa'inne kideeta.”

Qorontoosi a paayyota 15:2

Kadin otootase a fayya an ishin kollishe kokkonnaysannittan ka qapannittan kiiteeyye, ishinni' dintan.

Qorontoosi a paayyota 3:18

Nama takka nefo issi in sassapannin. Ishin oppaayye, nama hiila piissetitin a ookayta kodde ishi' pahanaannitto oton icaayye, akka ookuma Waaqa a dukaata' teyo'e, a eepa mina isi diko.

Kelaatiya 2:6

Sene saarra pappaha ka akkaanna' xoori Waaqa qoota fuula nama tooyni in kinnin ka qatayma kooni in kinnin malla, aynumaaysho ana we'en; sene saarra kidame otootase a fayya an anti' torrino qara'e we takkan nefo in padaawne.

Kelaatiya 2:9

Saarrasene tuudda pappaha ka akkaanna, Yayqoopi ka Peetiroosi isho Yohaannisi, akka Waaqa daassataadin a koda a xawwi' desa ana' daashe ete upnaadeneeyye, akka ana isho Parnaapaasi olli takkumta qapan akkissa'e, harka inooyye qeeden ka akkan ino orra a Yihutaata in koddinin oppopa anno, ishootta ka Yihutaatoppopa aanane'e, owsaden.

Kelaatiya 3:4

Rakoose otootase a fayya' minan ishin qara' kayte piisa, oori paata pattape ka? Oton asse' kooteneeyye, keeto'en paata patta.

Kelaatiya 6:3

Nama takka oton a wa ishin orra qara jaalla a in qapnin mali dikanni ka kiini, “Anti orra qara in qapaayye,” isi sassapanni.

Efesooni 4:29

Afaassin oppa lela a neeqa takka nefo in sooknin. Ma lela a orra dakayyno xasanno ka kokkonnassa we' nakanno ka orra' parpaaccisno haasaawada.

Efesooni 5:4

Sekkapaayye Waaqa' kalata kalsha diisheey, haasa jeera ka haasa eepuma isho futaytuma a neeqa haasawatta ishin parpaaccisni in co. Wa asse paha ishina in ettanan.

Mataafa oppa' Ooreta 11:16

Akka a sassapatammin ka qindopa a tiitaawnin ka Waaqadda pila a waaqaysannin ka a sakatannini'i, isi tooytaada.

Qolaasiisi 4:6

Nama piisa mina'e akka' malseeta a parpaaccisnitto oorsatta upnaattane'e, haasaassin awta piisa a nukkulla ka a alaawna' kodden.

Yayqoopi 1:19

Ishina a jaalatame hellaanno a kiristaanatiiyyi, sede an teyman; nama piisa a dakkaysatta' jarjarro ka haasawatta isho' miira'e, a jarjarri in kinnin koddo.

Yayqoopi 1:22

A qaalese koda qara nakanna' kodda diisheey, a isi sassapanna ka dakayna patta in koddan.

Yayqoopi 2:20

Atti eepo, amanteeta akka koda maliiyyi a we' nakanni in kinnin koddite a akkini a kitto?

Petroosi a paayyota 3:10

Mataafa qulqulloota ikiini, “Nama caatta heeno ka kuyyawwa paxaara akka faano, akka arrapaadi wa neeqa in haasawannin, afaadi ka darta in haasawannini'i, a tooytaado.