Yayqoopi 1:25 - Mataafa Qulqulloota

²⁵ Nama seerase qaja in qapnin ka nata orra sookinno dakayno ka qanqannissa kara qorro ka teymini in kinnin ka koda qara nakanno, nama a kodaadin sakame kodda.

Yayqoopi 1:25 ပူးပေါင်းရင်းမြစ်များ

Mataafa Masmuureta 106:3

Akka dukaata mureeta kamma in dapnini a tooytina, ka awta piisa hanqeetaaw koona, oo xaaysho' sanaya!

Mataafa Masmuureta 119:32

Qoota atti' mattiyyo ana' panto malla, saanta ajajaayti oppandesan keera.

Mataafa Masmuureta 119:45

Taantewwaattin faaniiy, nataannen kallaada;

Mataafa Pahana 14:15

A innumoppa ca, wa kidamma piisa dukaysanni; ilattayta xoori antaadi tooytanni.

Xuuma Issayyaasi 8:20

Oton akka seera ka amaakkuma qara haasawanni in kinniniiyi, halkeetta ishootta'en parito.

Luqaasi 11:28

Yesuusi ka ishetta kide, “A qaaleta Waaqa dakayna ka ishin kallaanna, ishootta eepisame.”

Yohaannisi 13:17

Kati sede upnaannittan ka koonittan kiiteeyye, ishina a orra eeppisame.

Yohaannisi 8:36

Semmalla oto inna Waaqa nata ishin sookinnaaneeyye, dukaatanne nata sooktan.

Kodampaya 13:43

Ete tikase a qinseeta orra Yihuta kela orra sookeeyye, orra Yihuta isho orra amanteeta a Yihutaata teyyade ka Waaqa Waaqaysanno lekayta Pawloosi isho Parnapaasi kamma aane; Pawloosi isho Parnaapasi ka orrase kollishen. Ka akka daassata Waaqan japadan ka kallaadane'e ishootta dehaamen.

Kodampaya 2:42

Ishootta' nefo kollissa a erkamampaya' dakayeetan ka takkumtan kallaattaan ka damta ollin dameeta isho qinseetanne japaanni.

Kodampaya 26:22

Haka awweti qaarqaarsa a Waaqa ana kapa in mayne; anka seminan a shakka ka a kutta' maakkummi. Ka are qa'anni. Wa xuumampaya isho Muuse turan kidene, ‘Asse koddita’ Haasawatta mali a pila an haasawanne.

Roomi 11:22

Semmalla xoona Waaqa isho fuurissaadi tooya. Waaqa isasene' pi'e' qara'e fuurissaadi akkinni ka xoonaadi ishina akkinni. Sede nefo oto' ishina isha amaneetan kokkonnaannittan ka kallaannittaneeyye asse koda; oton a kokkonnaanni a kinnin xoori, ishina' kuli alle'e' muramtan ka pi'itan.

Roomi 2:13

Maana malla a fuula Waaqa turaayye, hanqeelluma akkanna, orra seerose dakayno ka koda qara nakanno diisheey, a dakayna ka koda qara nakanni in kinnini'in

Roomi 7:12

Semmalla, seera qulqullitta, ajaja nefoow qulqullitta ka dukaata ka paxaari.

Roomi 8:15

Semmalla, hapurase a innuma a' ishin “Aappo! Appo xanno” Kiitan ka haleetane' teyyatten diisheey, fuuraan kallaatta'e a lammattati hapura a karpishshuma atteyyanne.

Roomi 8:2

Seerase a Hapura Qulqulloota, caattase Yesuusi Kiristoosi qudan teyade daanno, seera juppoota isho a toota' kelaayye nata ana sookshe.

Qorontoosi a paayyota 15:58

Semmalla ishina a jaalatame hellaanno a kiristaanatiiyyi, japaada ka qa'ada ka we takkan' nefon arepa ka arepa in kidan. Ka yaala a Poqalla' yaallittan akkima patta in pannin upnaada ka a' qaatinnin mali awta piisa koda Poqalla' koda' japaada.

Qorontoosi a lammatta 13:5

Akkima amanteetaayshinan kokkonnaatten upnaatta'e isi qora ka isi ekkaysada. Hela akka Yesuusi Kiristoosi ishin kara co, a upnaanne? A taakiti, ekkaysumaappa'e, pi'iten kideetaay.

Kelaatiya 2:4

Ma xoori, hellaanno a kiristaana a darampaya kodde ka dekandekatti ino karopa kulle takka takka, akka dawra qara murado fade. Ishootta, wa malla lettissa ino karopa kullene akka natan sookase an Yesuusi Kiristoosin akkanne alle ino qara katan ka karpishshuma kelopa ino oorshan qoota dikaden malla.

Kelaatiya 5:1

Kiristoosi wa malla nataan ino sookshe akkan natan kallaanno malla. Semmalla japaada ka qa'ada ka lammatta qampara karpishshuma' kela'e an qapaman.

Kelaatiya 6:2

Ishina matta mina'e olqaraayye haadeta sema, sedenne seera Kiristoosi nakassaneey.

Qolaasiisi 1:23

Sede nefo, oto ishina kippeetase a otoota fayya qara a' lellehni a' kinnin ka qara' kokkonnaannittan ka qa'annittan ka amanteetan japaannittan pattaayye koddita. Otootose a fayya' nefo isase a' ishina' dakayten ikka orra piita qara co piisa' torramte; anti Pawloosi nefo, otootose a fayyaati'iwwin orxayta kodde.

Timotoosi a paayyota 2:15

Ma xoori, iskatteeta, kati amanteeta ka jaalala isho qulqullumaan xasa oorsannittaayye ka isi tooytaattan kallaannittaayye, inna xaayanne dinta.

Timotoosi a paayyota 4:16

Ka isi isho wa' kollinnitta' tooytado ka wossenen japaado ka qa'ado. Oton asse' kooniiyyi, issi isho a ke dakayna kulinni' pahaniiy.

ipro 12:15

Ishin oppa, akka nama takka nefo'e, daassata Waaqa in kalinnini'i tooytaada. Ka akka hittina a dalta haddaawnito dallo ishin oppa in dehenin ka ishina in rakkaccisnin ka orra lekayta in nyalinnini'i, isi tooytaada.

Yayqoopi 2:12

Akka orra seerase nata orra sookinno turopa dehaado ka firteeta akkado mina haasawada ka koda.

Petroosi a paayyota 2:16

Akka orxaya Waaqa' mina kodda ka nataan kallaada diisheey, nataan kallaattaayshinan neequmta tura an dekan.

Yohaannisi a paayyota 2:24

Wa a paayyote paayyatte dakaytene a karittaayshin kara kinnaaden. Ishina oton iqaaleta a' paayyota dakayten ishin kara kittaayye, Waaqa Inna isho Waaqa Aappa olliiyyi takkumta' qapnaattan.

Keleshaata 14:13

Anka nessa moonte xata kiino, “Sede taafe dakaye, ‘Arepa desa a Poqalla Yesuusin ca ka leena, a eeppisame!’” Hapura Qulqulloota nefo ikiiniiwwi, “Aa, akka yaalaaysho kela nessadane'e kodaaysho ishootta kamma anna.”

Keleshaata 22:14

Qoyrase a caatta qudaayye dalta dama'e, xarradaadippan katamasene karopa kulla'e, akka mapteeta qapnaadane'e, orra a mehaddaasso diipade, a eeppisame.

Mataafa Saamu'eeli a paayyota 12:14

Oton iWaaqa fuurrittan ka isha sakatannittan ka nessaadi dakaynittan ka ajajaadi a falqini a kinniniiyi, ishin isho nuqusase xaayshin ishin mukinno ka Poqalla Waaqaayshin kamma annittaneeye, i'ishina ettanta.