Yayqoopi 1:22 - Mataafa Qulqulloota

²² A qaalese koda qara nakanna' kodda diisheey, a isi sassapanna ka dakayna patta in koddan.

Yayqoopi 1:22 ပူးပေါင်းရင်းမြစ်များ

Xuuma Issayyaasi 44:20

Ha isha tara fukanni; karitta sassapatame ka saanta qara isha maqqishe, umma ishan paha in ettansho ka in haasawado ka in kido, “Wossen harkiyyo a akkitta oppa ca daradaanne?”

Xuuma Ermiyaasi 11:6

Waaqa ka ana kide, “qaaleta a kodayteetoseti paapahadda a Yursaalami isho katamadda a pila a Yihuta kara caati salishe ka kide, ‘Qaaleta a kodayteetoseti dakaya ka kodaan akkisha.’

Xuuma Aptiyu 1:3

Ha atti isi peepaatti ke sassapade; atti tikaayti a kallaata irrowwa qara arxashsha kare' qupatte ka eyye kalta; ka issi peepni ka kiini, ‘Ata ayno are qara ana lekkissa ettansha?

Maatiyoosi 12:50

Nama fiqaata aappinno a moonta koono piisa, ishan innaanno ka enentinno ka aayyaanno.”

Maatiyoosi 28:20

Ka waan anti ishin ajaje piisa akka kodane'e, ishootta kollisha. Tin anti haka piraampirati awta piisa ishin olliiwwin caay.”

Luqaasi 11:28

Yesuusi ka ishetta kide, “A qaaleta Waaqa dakayna ka ishin kallaanna, ishootta eepisame.”

Yohaannisi 13:17

Kati sede upnaannittan ka koonittan kiiteeyye, ishina a orra eeppisame.

Roomi 2:13

Maana malla a fuula Waaqa turaayye, hanqeelluma akkanna, orra seerose dakayno ka koda qara nakanno diisheey, a dakayna ka koda qara nakanni in kinnini'in

Qorontoosi a paayyota 15:33

In sassapataman. Mootta neeqa qalpeeta paxaara'e nyapalinni.

Qorontoosi a paayyota 3:18

Nama takka nefo issi in sassapannin. Ishin oppaayye, nama hiila piissetitin a ookayta kodde ishi' pahanaannitto oton icaayye, akka ookuma Waaqa a dukaata' teyo'e, a eepa mina isi diko.

Qorontoosi a paayyota 6:9

Tiyyoolaya akka mankisteeta Waaqa in lehannin a uptane? Sedeppa'e in sassapataman. Sharmuutta, taaki orra killanna waaqaysanno taaki dahalmaya, taaki diira a diira olli mukna ka iskatta a iskatta olli mukno,

Kelaatiya 6:3

Nama takka oton a wa ishin orra qara jaalla a in qapnin mali dikanni ka kiini, “Anti orra qara in qapaayye,” isi sassapanni.

Kelaatiya 6:7

In sassapataman; Waaqa qara opani seesni in caaneey. Nama wa aylaade'e feranniiy.

Filippisiyuusi 4:8

Mattaayshin, a wossen piisa qaropa qapa ka paxaara opanka ishin kalataysammaanetin a immakaado. Piraampira qara hellaanno a kiristaanatiiyyi! wa dukaata kodde ka ulfeessame ka likkeeta kodde ka qaja in qapnini ka jaalatame ka paxaara' piisa dikada.

Qolaasiisi 3:17

Ka Yesuusi qudan Waaqa Aappa kalataysattaanne, haasa' haasawannittane ka koda a koonittan piisa, maxxa Poqalla Yesuusin koda.

Timotoosi a lammatta 3:13

Ma xoori ukkuttowwa isho pappahanassampaya orra akka kamma dapo' koona ka ishootta kuli a kamma dapnaan quda'e neequmta qara' neequmta padaawattaan aanan.

Tiito 3:3

Ino' nefo setturanne an eeppa a ajajammi in kinnini ka a kamma dape ka a xajeelta ika lekayta isho xasa so'aati karpishshume. Ka falqa ka yootan kallaanna ka needdatame ka oli needdanna.

Yayqoopi 1:26

Nama afaadi tooytaanni in kinnin ka kiino, “Waaqan waaqaysanni” isi sassapanni; waaqaysattaadi nefo paata patta.

Yayqoopi 4:11

Hellaanno a kiristaanatiiyyi! oli in haasawan. Nama a nama haasawno taaki nama qara' faranno, seera haasawni ka seera qara' faranni. Oto seera qara' farannittooyyew, faratampayta' koddite diisheey, seera a' tooytaanni a kitto.

Yayqoopi 4:17

Semmalla nama wa paxaara' kodeeta a upo kapa kooni in kinnin, sede a koda diishe, juppoota isha qara' koddini.

Petiroosi a lammatta 2:13

Tiiyyaasso a kodene kapa'e mushshaaraaysho akkadan; ishootta wa ishin xasoonnaane ayaasopa maashshootta ka kira amala dape kirpeeta a mala dapen ishin oppopa damta halaamaneeyye, kodase xaaysho aqallpeeta so'a orra sassapannonne ishootta orra nyale ka jeere.

Yohaannisi a paayyota 1:8

Oton in kiininna, “Juppoota ino qara in kittooyye” Issin sassapanninna; umma dukaata ino kara in kitto.

Yohaannisi a paayyota 2:3

Oton in ajajadda Waaqa' kooninnaayye, akkiman isha upno sedennen akkinnina.

Yohaannisi a paayyota 3:7

Hellaay! nama takka' nefo ishina in sassapannin; Kiristoosi akka hanqeellitta kodde mina'e, nama hanqeelluma koono piisa hanqeellittaaw.

Yohaannisi a sessatta 1:11

Innayti moottiyyo! Wa paxaara kamma aane diisheey, wa a neeqa kamma pora in aanan. Nama koda paxaara koono, nama Waaqa; nama koda neeqa koono xoori, Waaqa in akkine.

Keleshaata 12:9

Pofase kutta ka kumpaappe katame. Isha nefo maakaase a xatta, isase taapiloosi taaki seetana kidammo ka halaammo ka akka piita piisa kamma dapto koono. Isha piita qaropa katame. Erkampattowwaadi ka isha olliiw katamen.

Keleshaata 22:7

Yesuusi ikide, “Tin anti jarjartannen deeni! Nama qaaletase a xuuma a mataafoseti tooytino a kalataysame!”