Yayqoopi 1:21 - Mataafa Qulqulloota

²¹ Semmalla nyela isho neequmta piisa alle' pashsha. Ka qaalese a Waaqa karittaayshin kara' dishe, isase ishin dinissa ettanisso naalumaan teyyada.

Yayqoopi 1:21 ပူးပေါင်းရင်းမြစ်များ

Mataafa Masmuureta 25:9

Tajjana dukaatanne marraani; ka naalaya' saantaadi kollinni.

Xuuma Issayyaasi 2:20

Kuyyaasetiiyyi awse orra killowwasene' xaaysho a dakara pirreeta isho a warqeeta a ishootta sakatatta kodadene' piisa, alle shipinshipirrawwa isho tapaya kappina turopa dakkan.

Xuuma Issayyaasi 29:19

Naalaya ka amma Waaqan xasoodan; rakkatampaya ka qulqullitta Isira'eelitin xasoodaneew.

Xuuma Issayyaasi 30:22

Sekkammaayye akka killowwasene' xaayshin a dakara pirreetatin quda uwwissene ka pahanaddasene' xaayshin a warqeeta quda libbisse, alle' nyalissan ka kiitane, “Alle ino kapa sekaada!” Ka sooddinka mina alle' shuulitan.

Xuuma Issayyaasi 61:1

Hapura a Waaqa Poqalla ana qara ca, maana malla akkiman teekolaya' otoota faya' torro, ka a nyarrahanaati' xasa oorsho'e, ka a poojameti' natan sooketa salisho'e, ka a hidame tika hida' kara furo'e, Waaqa ana reexadeey;

Xuuma Hisqeeli 18:31

Ishin dapayta a' kooten piisa alle isi qaraayye kata ka karitta haaraya isho hapura haaraya issi' qapnaada; ishina samayta Isira'eelitiiyyi, kaata maana'e' pirammittan?’

Xuuma Hisqeeli 36:25

Pisha paxaara'en ishin quda' fidda; akka nyalaassin pisa oppaayye jaqqamtan; anka killannaassin piisa alle ishin oppa tawsha.

Xuuma Sofooniyaasi 2:3

Ishina piita qara' kallaanna ka ajaja Waaqa' tooytaanna ka naalaya kodde' piisantiiyyi, Waaqopa tiitawa ka hanqeeta koda ka koda naalum kamma aana, kuyyaase a Waaqatiiyyi, takka punu miiraadi kelaayye ippahataneey.

Maatiyoosi 5:5

Naalaya qoota piita lehadan malla, i'eppisamen.

Yohaannisi 6:63

Acaatta daanno Hapura Waaqa diisheey, hupna nama we koda ettaninni in co; qaaletose an anti ishina haasawade, hapura ka caatta.

Yohaannisi 6:68

Sitiiyyi Simoon- Peetiroosi ka oorshe ka kide, “Poqallaay, ayno kapopan anna? Ha atti qaaleta caatta parapara'e qapta.

Kodampaya 10:33

Semmalla anka eennow ke kamma orra erke. Atti nefo sede a' deete fayya' koote. Wa Waaqa ke ajaje ke qara dakkaysatta'en piisantiiyyi are fuula Waaqa turopa ollopa deeneey akka haasawatto in heenna.”

Kodampaya 13:26

“Ishina a sanynyeeta Aprihaami oppaayye dalade hellaannooyye ka ishin a Yihutaata in koddinini a Waaqa fuurraatiiyyi, ha qaalese a dina ino'e erkamte.

Roomi 1:16

Anti otootase a fayyatin an jeero; maana malla otootase a fayya, orra amanno piisa'e hupna Waaqa a orra dininnooy. Sede nefo, paayyota Yihutaata'e deete ka kamma' desaaw orra a Yihutaata in koddinini' deete.

Roomi 11:17

Yihutaatase taamma qoyra ekerta a eennaappa' koddite, kati muramta ka pi'itaayye; ishina a taamma qoyra ekerta a kappina' kodde orra a Yihutaata in koddininitiiyyi, ishina ka poraaysho oppa' kodditan ka teyantaaysho isho sakaaysho qoottattaneey;

Roomi 6:17

Ishina turanne a karpishshadda juppoota, amma xoori, kollissoose atteyyattene'e qoota karittayshin piisan ajajamten malla, kalata a Waaqa kayo.

Qorontoosi a paayyota 15:2

Kadin otootase a fayya an ishin kollishe kokkonnaysannittan ka qapannittan kiiteeyye, ishinni' dintan.

Qorontoosi a lammatta 7:1

Semmalla ishina jaalatame moottadaayyooyye! kippeese piisa qoota ino' daasamte malla, wa dakinta isho hapura nyalinna' piisa oppaayye isi qulqullanna ka Waaqa fuureetan qulqullumaanno a qaja in qapniniiti' koona.

Efesooni 1:13

Ishina'ew, ete qaalese a dukaata dinaayshina otoota fayya koddite dakayteneeyye, Kiristoosi amanten ka Hapurase a Qulqulloota, isase a isha akkima ishina' daasho'e ishina' kippeeta daashen toommamten.

Efesooni 4:22

Semmalla aynumayteese xaayshin kere a xatta, a ishin kallaannittan, isase xajeeltase ishin sassapanno ka juppootoppopa ishinan annoon nyapale, akka alle isi quda sookissan ikkollatten.

Efesooni 4:25

Semmalla darta in haasawadan! Piisantiiyyi qootan meella a dakinta takka' koddine malla, dukaata olli' haasawanna.

Efesooni 5:4

Sekkapaayye Waaqa' kalata kalsha diisheey, haasa jeera ka haasa eepuma isho futaytuma a neeqa haasawatta ishin parpaaccisni in co. Wa asse paha ishina in ettanan.

Teseloonqe a paayyota 1:5

Ino afaa pattan otootase a fayya ishina an torrine ma, hupna ka Hapura Qulqulloota isho amanteeta immakkootannen ishina' torrini. An ishin oppa kinnooyye, ishin malla atta akkiman kallaanne i'uptan.

Teseloonqe a paayyota 2:13

Qootaayshin mallaaw waan minan awta piisa Waaqa kalataysanninna'en qapna. Ete' qaalese a Waaqa a ino qara dakayten teyyatteneeyye qaalese ishina amane kara koda koonitto, akka qaaleta nama qara a' teyyanne ma, akka qaaleta Waaqa qara'e teyyatten. Ikkan keeto qaaleta Waaqa.

Tiito 2:11

Waaqa saanta a ishin orra piisa dinsho akkissaanne akka xoonampayta kodde upnayshe.

ipro 12:1

Qootan maakkiyyoosen a urratta' mina ino kapa tiitayshe piisa qapno malla, ino wa haadeta ino qara' kodde piisa ka juppoota ino quda' jaqqalte alle iskapa sekanna ka nyeroosen a keeritta ino turaayye ca duupattaan japaattaan keerra.

ipro 2:3

Ka kuli ino, oton dinoose asse kutta puyannooyye, attan kela pahana? A paayyota qara dinose torre mattaadi Poqalla. A isha kela dakaye ka turaayye sedeew ino kokkonnayshen.

ipro 4:2

Akkima ishootta otootase a fayya dakayen mina'e, ino nefo in dakayneew. Ma xoori ishootta qaaletase a dakayen qoota amanteetan in teyyannin malla ishootta qara we in nakanne.

Yayqoopi 4:8

Ka Waaqa kapopa dehaada; isha i'ishin kapopa dehaadaay. Ishina' juppoolayaayye! harkaassin jaqada; ishina dikatta lakki qapaatiiyyi! karittaayshin qulqullaysada.

Yayqoopi 5:20

namoose' juppoolaytase saanta qaropa oorinno, akkima toota kela napseeta namoosetitin pahano ka juppootaadi a koopte akka ishi' hasto' koono a upnaado.

Petroosi a paayyota 1:22

Akka orra amanno jaalala dukaata' qapnaattane'e, dukaata ajajamaanne napseetaayshin iqulqullassen; semmalla karitta piisanne a kuttati ol jaalada.

Petroosi a paayyota 1:9

Ka dinase' xaayshin a napseeta a amanteetan asannittan akkattan.

Petroosi a paayyota 2:1

Semmalla oori, neequmta piisa ka sassapa piisa ka pappahanassa ka yoota isho oli haasawa ika piisa, alle isi kapa sekaysha.

Petroosi a paayyota 2:11

Ishina a jaalatame moottadaayyooyye! piisse qara qoota xaykiyya ka kalayta kodditen malla, xajeeltase a so'a napseeta torpino kapa akka' sekaattane'en atara ishina' kiini.