Yayqoopi 1:17 - Mataafa Qulqulloota

¹⁷ Dassata paxaara isho saka a qaja in qapnin piisa, Waaqa kapa deeni. Ka Waaqase a kaatta mina tittiitaawa ka puppursama isha kapa in kinnin Aappase a la'ayta kapa deeni.

Yayqoopi 1:17 ပူးပေါင်းရင်းမြစ်များ

Mataafa Uumata 41:16

Yoosefi ka kide, “Ha nuquso, anti olsa fura an ettaninni an co ma, Waaqa patta olsa maana akka koden fura ettaninni.”

Mataafa Otoowwa a paayyota 22:12

Oto Waaqa Isira'eeli qara ke nuqusumshooyye, akka seera a Waaqa Poqallaatti tooyta ettanisso'e, a Waaqa ookuma ka upna ke daasho.

Mataafa Otoowwa a paayyota 29:19

Akka ajajaddaatti ka seeraayti isho taantetaayti tooytaado ka wossene an ishi harmishetin tika kutta ke qupo'e, innaayyo Selemooni heenna kutta daashe.

Mataafa Masmuureta 102:27

Atti' xoori a' keew; parraatti umma pirama in qapan.

Mataafa Masmuureta 122:6

Yursaalami' nakayta qinsada ka kida, “A ke jaalanna a tooytamen;

Mataafa Masmuureta 136:7

Isase ipsada kukutta uume, xoonaadi haka paraparati'iy.

Mataafa Masmuureta 84:11

Ha Waaqa Poqalla, piirtota ka kontaleeta; Waaqa, kuttumta ka ulfeena daanni; umma a hanqeellumaan kallaannaati wa paxaara dawrini in co.

Mataafa Masmuureta 85:12

Waaqa paqaarumta daasha, piitinno ka unta palassa.

Mataafa Pahana 2:6

Waaqa ookuma daanniiy, afaadippa upna isho paata qapatta ka deeniiy.

Xuuma Issayyaasi 28:26

Sede waadi isha kollinni ka saanta fayya ishi akkinni.

Xuuma Issayyaasi 45:7

Anti la'aytan kooni ka tukkanta uummi, ka nakayta kooni ka neequmta uummi; anti Waaqa anaaw sede piisa kooni.

Xuuma Issayyaasi 46:10

Paayyota'ewwen wa piraampira qara kodda' haasawade, ka xattaaw wa ata in koddinini' lele, ka kide, “Dehaamiyyo ikokkonnaada, ka koda qapade' dikkisha.”

Xuuma Issayyaasi 60:19

Umma arepa desa kuyyaateeyye piirtota la'aytaayti in koddito, umma halkeetteeyye leya la'aytaayti in koddo; ma Waaqa haka paraparati la'aytaayti kodda, Poqallaatti ka ulfeenaayti kodda.

Xuuma Milkiyaasi 3:6

Anti an Waaqa an pursammi an co. Semmalla ishin hellaa Yayqoopiiyyi, ha ishina a' panne.

Mataafa Dikoota 11:17

Anti in lekkada ka eyye ke olli haasawada ka hapura ke qara co quda qeeda ka ishootta daasha; akka haadese a samayseti a xawwaati a haanini'i, ishootta ka ke olliiyyi haadan.”

Mataafa Dikoota 11:25

Yaahiwwe ka urrattan lekkade ka Muuse haasawade ka hapurase isha qara co quda qeede ka qimayasene kunda tappa' daashe; ete asu hapurase teyeneeyye ikka xuuma haasawaden; ma xoori kammopa lammatta in haasawanne.

Mataafa Dikoota 23:19

Waaqa Poqalla naman, ka darada in kodo; umma inna nama'en ka dikattaadi in pursho; hela isha wa kide kooni in co? Ka wa haasawade dikkinni in co?

Maatiyoosi 7:11

Ka asseeyye, oto ishina ukkuttowwa kuli hellaassina wa paxaara daassata uptaneeyye, aappase xaayshin moonteeyye kalo desa atta qaran in jaalinnin ka orra isha qinsanno wa paxaara in daannin?

Luqaasi 11:13

Oto ishina a ukkuttowwa kodde kuli hellaassina wa paxaara daassata uptaneeyye, Aappaase xaayshin moonte kalo desa, atta qarannen jaalinnin ka orra isha qinsanno Hapura Qulqulloota in daannin?”

Yohaannisi 1:9

La'aytase a dukaata nama piisa la'ayno, siti piita qaropa deena qara ca.

Yohaannisi 3:27

Yohaannisi ka ishootta oorshe ka kide, “A Waaqa nama daasho mali, nama we takkan nefo qapnaatta ettaninni in co.

Yohaannisi 3:3

Yesuusi ka ishi kide, “Anti dukaatannen ke kiini, nama haka lammatta dalado maliiyyi, mankisteeta Waaqa akkeeta ettaninni in co.”

Yohaannisi 8:12

Yesuusi ka oppa oorew ka ishootta haasawade ka kide, “Anti an la'ayta piita, nama ana kamma deeno piisa la'ayta caatta'e akkada; umma tukkanta oppa pora in aano.”

Kodampaya 11:18

Ishootta ete sede dakayeneeyye, wa mina oorshane'e dapen ka jaw kiden ka Waaqa kalataysaden ka kidene, “Ete asse kodditeeyye orra Yihutaata in koddinin kuli'i juppootoppa ooreeta a caatta haarayoppan ishootta kayo ishootta' daashe kideeta.”

Kodampaya 5:31

Waaqa akka samayta Isira'eeliti juppootoppa ooreta ka haseenta juppoota' daasho'e, Yesuusi mattitta ka dinshampayta kode ka akka akkittaadi ulfeenan kuti'o' kode.

Roomi 6:23

Tookta a juppoota kela deenitto toota. Daassata a Waaqa kapa daasammitto xoori, caatta a parapara; a Poqallaanno Yesuusi Kiristoosi qudan teynaan.

Qorontoosi a paayyota 4:7

Atti maanaanne orra pila' qara qapta? Wa a nama pila kapa a' teyyannini maana? Ka kuli oto we piisa nama pila kapa teyyatteeyye, maana malla a nama kapa in teyyannini' mina isi jeejjini?

Qorontoosi a lammatta 4:6

Waaqase haasawade ka kide, “La'ayta a tukkantoppa' la'ayo,” La'aytase a ulfeena Waaqa upnaatta'e, isase pahana Kiristoosin la'ayno, akka ino' daasamo'e isha akka la'aytaadi karittinno kara' la'ayo kode.

Efesooni 1:18

Kippeeta a atta pahato'e akkima' halaamten ka lehnasene ulfeessame a qulqullowwa lehaadane a atta kitto akkima kutti, akka upnaattane'e, ildaassin a karan xata akka ishina' panamane'en qinsanni.

Efesooni 2:8

Ishina amanteeta qudanne daassataadinni dinten; ini nefo daassata Waaqa diisheey, wa kodaayshinan teyade'en.

Mataafa oppa' Ooreta 4:19

Akka moontandela a tooyyannin ka piirtota ka leya isho hiikka ka wa moontandela ca piisa oto akkitooyye, wossen a Yaahiwwe Waaqaayshin samayta a piita a pila piisa qootteeti sakatattan ka Waaqaysattaan kamma a dapnini'i, isi tooytaada.

Filippisiyuusi 1:29

Wa malla sede qoota Kiristoosi desa ishina' daasamte, akka isha amantan patta mallanne ma, akka isha malla rakkattan kuli malla.

Timotoosi a paayyota 6:16

Isha patta tooni in kinnin, la'ayta, a nama takka' nefo kapopa dehaatta ettaninni in kinnini oppa kala; nama takka nefo apari isha in akkine; umma nama takka nefo isha akkeeta in ettansho, ulfeena ka hupna parapara a isha' koddo. Ameen!

ipro 13:8

Yesuusi Kiristoosi xala ka awwe ka haka paraparati ishaaw umma pursammi in co.

Yayqoopi 1:5

Ishin oppaayye nama a ishi ookuma qaje oton icaayye, a Waaqa qinsado; Waaqa i'ishi' daashaay. Isha' xoonampayta Waaqa, a fuula in quu'inin mali a nama piisa xoona daannooy.

Yayqoopi 3:15

Ookuma asse paho, piita ka so'a isho seetana kapa deeni diisheey, Waaqa kapa deeni in co.

Yayqoopi 3:17

Ma xoori, ookuma a Waaqa kapa deeno, paayyota qaraayye, qaja in qapo; kamma'eew a nakayta jaalanno ka a paxaara ka a ajajammo ka a diissata koono ka a dalta paxaaratin immakaade, a karaayye olqaran orra jaalissa isho pappahanassa in kinnin.

Yohaannisi a paayyota 1:5

Erkana an isha qara dakayne ka ishina' lellinna ikiini, “Waaqa la'ayta, umma tukkanta' pakkanna isha kapa in kitto.”

Yohaannisi a paayyota 4:10

Jaalala kideeta asse; qootan ino Waaqa jaalanne mallannema, qoota isha ino jaalade ka akka juppootinno isha minan patto'e, innaadi ino erke malla.

Keleshaata 21:23

Qoota ulfeena Waaqa isheetta la'anno laahase ka ipsaadi kodde malla, katamasene akka piirtota taaki leya ishootta la'aysho ishootta parpaaccisni in kitto.

Keleshaata 22:5

Umma arepa desa halkeetta in caatto. Qoota Waaqa Poqalla ishootta la'aysho malla, la'ayta ipsa taaki a piirtota ishootta parpaaccisni in co. Ikka paraparaayye haka paraparati nuqusuman.

Mataafa Saamu'eeli a paayyota 15:29

Waaqase ulfeena Isira'eeli kodde darta kooni in co umma karittaadi purinni in co. Maana malla naman ka karittaadi in purshooy.”