Yayqoopi 1:14 - Mataafa Qulqulloota

¹⁴ Ma xoori nama piisa, matta mina'e oto xajeelta a mattaaditin titamo ka sassapatamooyye ekkaysatammi.

Yayqoopi 1:14 ပူးပေါင်းရင်းမြစ်များ

Mataafa Uumata 3:6

Iskatteetase akkima luukkata qoyroseti damta' paxaari ka ilta kela orra satinnitto ka ookuma akkatta orra xasannitto, akka koddite ete akkiteeyye, luukkatase oppa mittite ka damte ka diirtase' xaadi isheetta olli co kuli' daasse ikka dame.

Mataafa Uumata 6:5

Yaahiwwe orra piita qara kalo akkima neeqi ka karittaaysho kara neequmta dikanno akke.

Mataafa Uumata 8:21

Aluma a kalisootaseti ka Yaahiwwe xasayshen, Yaahiwwe ka isi karanxata dikade ka kide, “Nama kadi punu a shakki paayyeew dikatta neeqa qapaayye, amma desa dapa nama' malla piita an jiijo. Umma akka amma' mina'e, lammatta uumata piisa an pashsho.

Mataafa Saamu'eeli a lammatta 11:4

Taawwiti ka isheetta kamma orra erke ikka deete ka isha kapopa kullite. Qoota juretaadi a leya jaqqatte malla, ikka isheetta olli muke. Ikka tikaadipa tiitaawte.

Mataafa Iyyoopi 31:27

sataatiyyo ka dekandekatti sassapatamteeyye ishootta sakatatta'e afaayyo ka harkiyyo dinkeneeyye,

Mataafa Iyyoopi 31:9

oton iskatteeta la'ayyo'en sateeyye, ka xarra xelittiyyo oppa asadeeyye,

Mataafa Pahana 4:23

Caatta isha kara paadiniiy, piisa qaropeela sataataayti qanqannissa tooytado.

Xuuma Issayyaasi 44:20

Ha isha tara fukanni; karitta sassapatame ka saanta qara isha maqqishe, umma ishan paha in ettansho ka in haasawado ka in kido, “Wossen harkiyyo a akkitta oppa ca daradaanne?”

Hoose'i 13:9

Samayta Isira'eelitiiyyi! Qoota anase ishin qaarqaarro qara' xaaten malla, alle'en ishin pashsha.

Maatiyoosi 15:18

Wa afa nama kara sookna xoori, nama kareela sookni ka nama nyalinni.

Maatiyoosi 15:20

Wa nama nyalinna sene diisheey, harka jaqatta mali damta dameeta nama nyalinni in kitto.”

Maatiyoosi 4:1

Sekkammaayye Yesuusi akka taapiloosin ekkaysatamo'e, Hapura Waaqa koommaytopa ishan aane.

Maatiyoosi 5:28

Anti xoori in ishina kiini, nama a iskatteeta opa tooyyade ka isheetta xajeele piisa, siti iskaran xata i'isheetta dahale

Roomi 7:11

Juppoota ka ajajase a seera qudan saanta akkatte ka ana sassapatte ka ajaja minan ana ikasse.

Roomi 7:13

Ka kuli wossen paxaara'e, ana qara' toota qeede kideeta? Inna! juppoota akka juppoota koddeetaadi, akkaatto'e wossen paxaara' minan ana qara' toota qeette. Semmalla juppoota ajaja minanne a qaran qapto juppoolayteeta koddite.

Efesooni 4:22

Semmalla aynumayteese xaayshin kere a xatta, a ishin kallaannittan, isase xajeeltase ishin sassapanno ka juppootoppopa ishinan annoon nyapale, akka alle isi quda sookissan ikkollatten.

ipro 3:13

Se kapaayye, ishin oppaayye nama takka nefo akka in sassapatammin ka karittaadi kamtollayta in koonini'i, kiseetose “Awwe” kidamte haka kitto kara'e, kuyyaata piisa oli dehaama.

Yayqoopi 1:13

Waaqa qoota wa neeqaatin ekkaysatammi in kinnin ka isha karaayye nama takka nefo ekkaysanni in kinnin malla, nama oto ekkaysatammooyye, Waaqa ana ekkaysade in kiinin.

Yayqoopi 1:15

Sekkammaayye xajeelta oto hittooyye juppoota dalli. Juppootaaw oto kuttattooyye toota dalli.