Yayqoopi 1:12 - Mataafa Qulqulloota

¹² Nama ekkaysuma duupanno ka oppa japaanno qoota xalaalasene a caatta a Poqalla kodayteetaadin orra isha jaalanno' daasha' teyo malla i'oloode.

Yayqoopi 1:12 ပူးပေါင်းရင်းမြစ်များ

Mataafa Uumata 22:1

Wossen piisa kammaayye, Waaqa Aprihaami ekkaysatta fade ka hale ka kide, “Aprihaami!” Aprihaami ka ehade ka kide, “Ee! aren ca.”

Mataafa a Nehimya 1:5

“Oo Waaqa! Waaqa moonta! Ke a orra ke jaalanno ka ajajaayti tooytino'e kodayteetaayti a jaalala' tooytino atti ikkutti ka fuurammi.

Mataafa Iyyoopi 2:10

Isha ka isheetta' kide, “Atti eeppa iskatta' mina'e' haasawanni; harka Waaqa oppaayye a paxaara in teyyanneey, a neeqa an teyyannoowwe? Sede piisa oppaayye Iyyoopi wa kideetin kamma in dapne.

Mataafa Iyyoopi 5:17

nama a Waaqa dapa qara fukkino, oo xaadi sanayta! Semmalla oto Waaqase we' piisa ettaninno ke fukkinooye in puyadan.

Mataafa Masmuureta 11:5

Waaqa juppoolaya isho hanqeellaya qorri; napseetaadi ka a neequmta xoosanna' needdanni.

Mataafa Masmuureta 119:67

Anti an rakkannin turan saanta qaraayyen maqqe; ma amma qaaletaaytin tooytini.

Mataafa Masmuureta 119:71

Akkan tampewwaatti kollado'e, sede an rakkade i'ana' paxaari.

Mataafa Masmuureta 119:75

Oo Waaqqo, muraatti akkiman hanqeeta, akka amanamaayti minan ana rakkacciisse in upa.

Mataafa Masmuureta 5:11

Ma xoori, a ke kelopa qahana' piisa a xasooden; ka haka paraparati' xasan ke' sammaren; qoota atti ishootta' xelsuma koddite malla, a maxxaayti jaalanna kuli, a ken xasooden.

Mataafa Masmuureta 94:12

Oo Waaqqo, nama a atti shooraattin qiminnitto ka seeraayti kollinnitto, oo xaadi sanayta!

Mataafa Sooketa 20:6

Ma xoori a ana jaalanna ka ajajiyyo tooytannaati'i haka xelta kumati'in xoonasene xayyo pirama in qapnin akkinni.

Mataafa Pahana 17:3

Akka dakara pireeta ka warqeeta poroodan ekkaysannaan mina'e; Waaqa assew dikatta nama ekkaysanni.

Xuuma Issayyaasi 64:4

Xattaaw ke maliiyyi Waaqa a isha kippanna ka a isha asanna' qaarqaarro a pila, nama takka nefo apari napahatan an dakayne ka iltan an akkine.

Xuuma Sakkaariyaasi 13:9

Harkoose takka a kela hase nefo, apittoppopan tuqa ka akka a dakara' mina xoopa ka akka a warqeeta' mina liilsha ka ekkaysada. Sekkammaayye ishootta maxxiyyo halan, anti ka ishootta dakaya ka ishootta' kida, ‘Samaytiyyo’ ishootta ka ana' kidane, ‘Waaqa Poqallaanno.’”

Maatiyoosi 10:22

Orra piisa ka ana malla ishin needdada. Ma xoori nama haka piranpirati kokkonnaanno, isha paha.

Maatiyoosi 25:34

Sitiiyyi nuqusase ka isasene qinda akkittati caati kida, ‘Ishina a aappinno ishina sakeeti, xooya ka mankisteetase a piita uumamte paayyatte ishina harmisamte lehada.

Luqaasi 6:22

“Ana inna nama minanne oto orra ishin needdannooyye ka issippa ishin seerrooyye ka ishin kojeessinooyye ka maxxaayshin patinnooyye, i'eeppisamten.

Roomi 5:4

Duupatta kelaayyeew ekkaysumaappa kokkonnaatta deeni, ekkaysumaappa kokkonnaatta kelaayyeew kippeeta deeni.

Roomi 8:28

Orra Waaqa jaalanno ka heennaadi qara' halaame, Waaqa akkima we' piisa a paxaarati ishootta' koono in upna.

Qorontoosi a paayyota 2:9

A koddito ma mataafa ikiini, “Wa ilta nama apari in akkinini, napahata nama ka in dakaynini, matta nama ka in dikannini'i, Waaqa orra isha jaalanno' harmishe.”

Qorontoosi a paayyota 8:3

Nama a Waaqa jaalanno xoori, Waaqa kapa a upnaysame koddini.

Qorontoosi a paayyota 9:25

Orra nyara hiritta oppa olli' nyarro piisa, kolluma kokkoka quda'e tawni. Wa malla asse yaallaane nefo xalaalasene panna a etaaddesa akkatta malla. Ino' xoori xalaalasene panni in kinnini a parapara akkatta mallan yaallinna.

Mataafa oppa' Ooreta 13:3

Yaahiwwe Waaqaayshin akka karittaayshin piisan ka isi piisan isha jaalannittan taaki jaalanni a kinnin upnaatta'e ishin ekkaysadaay, wa xuumampaytose taaki olsampaytose ishina lella in dakkaysadan.

Mataafa oppa' Ooreta 7:9

Semmalla Yaahiwwe Waaqaayshin akkima Waaqa kodde upnaada; ha isha Waaqa amaname. A isha jaalanna ka ajajaadi tooytannaati'i, kodayteetaadi ka xoonasene xaadi pirama in qapnini haka xeltada a kumati tooytini.

Mataafa oppa' Ooreta 8:2

Yaahiwwe Waaqaayshin akka ajajaddaadi tooytinittan taaki tooytini a kinnin wa ishin kara ca upnaatta'e ka ishin ekkaysatta'e ka ishin xata shakkissa'e ka parroosen tarpe kunda afur kara'e atta akka koommayse oppaayye ishinan aane piisa matte oorsada.

Timotoosi a lammatta 2:15

Kodampayta, a qaalese a dukaata qanqannissa torrino ka kodaadin jeerri in kinnin kodde ka fuula Waaqa' turopa isi dehassaa'e ka teyyatama teya'e japaado.

Timotoosi a lammatta 4:8

Arepa desa oori xalaala a hanqeelluma'e ana' harmisame ka eeyye ana asanni; poqallaasene hanqeelumaan faranna ka awse xalaaloosen ana' daasha. Umma ana patta'enne ma a deenaadi jaalanna' piisa'e daasha.

ipro 10:32

A la'ayta ishina' la'aye kammaayye, kuyyawwasene a xatta oppa rakkoota kuttayteeta ishin qara' kayte akka duupatten matte oorsada.

ipro 11:17

Aprihaami, ete ekkaysatameeyye, amanteetanne Hisaaqi kalisoota' kalshe. Isase a Waaqa ishi' kippeeta daashe ka innaadi takkan kalisoota' koda harmisade.

ipro 12:5

Waaqa isase a hellaadi mina ishin dehaame ka kide, “Innaayyo, dehaamta Poqalla in tuffadan, ka oto ke fuknooyye, xasa an muran.

ipro 6:15

Aprihaami ka duupattaan asade ka wa ishi' kippeeta' daasame akkade.

Yayqoopi 2:5

Ishina a jaalatame hellaanno a kiristaanatiiyyi, dakkaysada! Waaqa, akka amanteetan teyaantolaya koddan ka mankisteetase a orra isha jaalanno' kippeeta' daashe lehadane'e, teekolaya piisseti in reexanne?

Yayqoopi 5:11

Semaliiyyiiw sene duupattaan japaadeeti'i, “A eeppisame'en” kiininna. Iyyoopi atta akkima duupade iddakayten ka piraampira qaraayye, waasene' paxaara a Poqalla ishi' kode akkiten. Ka sedenne Poqalla akkima duupattampayta ka suraysattampayta kodde akkiten.

Petroosi a paayyota 3:14

Kadi' wa paxaara' kodeetan rakkoota teyyannittan nefooyye, saka akkattan. Nyara orra an fuuran ka pora paata in qaapan.

Petroosi a paayyota 4:13

Sekapaayye oto ulfeena Kiristoosi deenooyye, akka a kuttati xasoottane'e, akka a rakkoose xaadi qoottanna kodditen kapa'e a xasa ishina' dakaado.

Petroosi a paayyota 4:14

Oto' maxxa Kiristoosi malla otammittaneeyye, Hapurase a Waaqa a ulfeena' qoota ishin qara' lekkado malla, xasa a ishina' dakaado.

Petroosi a paayyota 5:10

Oto eta shakkaya kara' rakkoota teyyattan kammaayye, Waaqase a daassata piisa, isase Kiristoosi qudan ulfeena parapara oppopa ishin halaade, isha' mattaadi rakkoose ishin qara' kayte kela, ishin sooksha. Ka ishin kammeela qapa ka ishin japeessa ka ishin qaatisha.

Petroosi a paayyota 5:4

Oton asse' koonittaneeyye, oto sikmaytase kutta de'ooyye, xalaalasene nyapalli in kinnini a ulfeena'e' teyyattan.

Yohaannisi a paayyota 4:19

Waaqa qoota turan ino jaalade malla, ino' nefo in isha jaalanninna.

Keleshaata 2:10

Rakkoota a itturopa ke qara' kayto in fuuran. Tin akka ekkaysamtane'e taaploosi ishin oppa orra demo tika hida' karopa kalsha; akka kuyyaata kudani rakkoota teyyattan. Haka tootati a amaname kodde, xalaala caatta'en ke' daashaay.

Keleshaata 3:19

Anti orra an jaalanno piisan fukni ka ishootta qattaani, semmalla japaado ka juppootaaytippa oore.

Keleshaata 3:21

Akkiman anti' pute ka aappinno olliiyyi suufaanaadi qara' kute'e mina'e, nama puto akka ana olliiyyi suufaaniyyo qara' kuti'o'en koda.