Xuuma Yoonaasi 4:5 - Mataafa Qulqulloota

⁵ Yonaasi ka katamasene a Nenewwe kara alle' sooke ka katamasenetiiyyi qinda piirtota opa aane. Ka shaakka issi' qupade ka kela' qaa'e. Ka wa Waaqa orrase a Nenewe' qara' qeeda eeyye desa tooyni.

Xuuma Yoonaasi 4:5 ပူးပေါင်းရင်းမြစ်များ

Mataafa a Nuqussa a paayyota 19:13

Eeliyaasi ete nessoose dakayeeyye, kaappaadinni fuula qara dekade ka aane ka rahanaseneti xaroppa qa'ade. Nessa ka ishi de'e ka kiini, “Eeliyaasi maana are kooni?”

Mataafa a Nuqussa a paayyota 19:9

Ka eeyyeeyye rahana takkan karopa kulle ka kara muke. Nessa Waaqa ka a isqara in upnini ishi de'e ka kiini, “Eeliyaasi, maana are kooni?”

Xuuma Issayyaasi 57:17

Yoota a tookta juppootati' qapan minannen, ishootta qara' miirode ka fuuliyyo alle ishootta qara quu'e ka ishootta qatta'e; ishootta' xoori dikatta a karittaaysho' qara'e isi kammandesaaw aanen.

Xuuma Ermiyaasi 20:9

Ma xoori oton kiino, “Awwe desa maxxa Waaqa an xaasho, ka maxxaadinni an haasawadooyye” Qaaletaadi karittiyyo kara'e apitta koddite ka laftiyyo karopa tawte; tura qapeeta ka anan kamte; iskara qapatta'e, in malaale ikka ana qaropa kitta.

Xuuma Yoonaasi 1:5

Orrase markapa kara co piisa ka fuure. Nama ka xaadin Waaqaadipa ullupa paayye ka akka markapa sholla'ado'e, mehadda kara ca' piisa alle pakateeta karopa dakken. A wossen piisa koddinaaneeyye, Yoonaasi kaatasene otanta markapa' kara ca' kara'e mukitta oppa tawe.

Xuuma Yoonaasi 4:4

Waaqa ka Yoonaasi' kide, “Hela yoonaasi hakaseti' miirootta ike parpaaccisni?”

Xuuma Yoonaasi 4:6

Waaqa Poqalla ka akka shaakkaasene a Yonaasi' qupade' qara'e dahanta a dehto ka qaropa saarto ka atoota kela ishin pahato ka kaatta ishi' koddito kode. Ishi ka dahantose malla harmo' xasoode.