Xuuma Yoonaasi 4:11 - Mataafa Qulqulloota

¹¹ Hela xawwi anti orra a katamoosen kutta a Nenewwe kara kalo ka nama kuma dippa kunda lakki qara qapo, sene akkittaaysho isho pittittaaysho olkela in upnin, ishootta ka horeetase' xaaysho' leka' suraysatta ana parpaacciisni in kitto?”

Xuuma Yoonaasi 4:11 ပူးပေါင်းရင်းမြစ်များ

Mataafa Uumata 9:10

Akkimoose mina'ew, kodeese ka wa nessa qapa piisa'e, horeeta ka pinaana ka xampira a markapa kara ishin olli sooke ka wa piita qara nessa qapa piisa' koddita.

Mataafa Masmuureta 104:14

Nama akka piitoppa damta akkado'e, Waaqa horeeta'e aykitta dehinni, ka nama'e, unta sakkattinni.

Mataafa Masmuureta 36:6

Hanqeetaayti irrowwa kukutta'e pahata; firteetaayti nefo akata karan xata seki, seki; Oo Waaqqo! Atti nama ka pinaana kulinni' pahani.

Xuuma Issayyaasi 1:18

Waaqa ikiini, “Xooya ka oli deexna; juppootaayshin kadi punu akka qalameeta' mina tiimiiyyi, a fuuttota' mina'en attaysha ka kadi punu akka a diika' mina tiimiiyyi, a apteenta' mina attaysha.

Xuuma Issayyaasi 37:37

Sekamma Senakireemi nuqusa Asoori ka alle' kale ka katama a Nenewwe' kara' kallaade.

Xuuma Issayyaasi 7:16

Ma xoori innoosen a neequmta tiitta ka paxaarumta rexatta in upnaannin turanne, piitadda a nuqussoosene lakki a' fuurritta lulle hasan.

Xuuma Yoonaasi 1:2

“Yoonaasi xa'e ka katamasene kutta a Nenewwe opa aane ka salishe ka kide, neequmtaayshin a' koonittan piisa in akke.”

Xuuma Yoonaasi 3:10

Waaqa ka orrase a Nenewwe akka kodase' xaaysho' neeqa oppa oore akke ka ishootta suraysade ka waasene' neeqa a ishootta qara' qeeda' dikade alle' diishe.

Xuuma Yoonaasi 4:10

Waaqa ka ishi' kide'e, “Atti dahantose akkamma a' yaallin ka a' kuttinnin, a kuyyaata takka oppa' dehte ka kuyyaata a lammattati toote' suraysatte.

Maatiyoosi 18:33

Ka kuli akkiman anti ke diishe mina'e, orxayse a ollin orxummittane'e diissata ke faani in kitto?’

Mataafa oppa' Ooreta 1:39

Sekammaayye Waaqa ka ino piisa kide, ‘Semaliiyyiiw nyooqqawwasene xaayshin a kiinittane nyaapa poojada isho hellaasene xaayshin a paxaara ka a neeqa olkela in upnini, i'oppopa kalan; anka piitose ishootta daasha ikka qapadan.