Xuuma Yoonaasi 3:8 - Mataafa Qulqulloota

⁸ ka mehadda a dapteeta' kalsattan ka horeetaayshin kuli qara' ohaata dapteeta uwwissan; nama piisa a karitta kareela Waaqopa qinsado ka kodaadi a neeqa oppa alle' ooro ka juppoota koda diisho.

Xuuma Yoonaasi 3:8 ပူးပေါင်းရင်းမြစ်များ

Mataafa Iyyoopi 16:17

Ma xoori harkiyyo neequmta in koone umma qinseetiyyo qaja in qapnaanne.

Mataafa Iyyoopi 36:10

Akka peeqqaadi dakayane'e nappaasso'e ishootta' panni. Ka akka neequmta qara oorane'e, ishootta ajajni.

Xuuma Issayyaasi 58:6

Akka sansalaata a firteeta kamma dape alle' meeto ka teeppa qampara' furto ka a miiddame natan diisso ka qampara piisa moojto'e, anti damta musatta an reexade sedenne?

Xuuma Issayyaasi 59:6

Xaynaatase' xaaysho a kalankalaata ohaata koddini in kitto; ohaataaysho a dawnaan nama uwwisanni in co; kodaaysho koda neequmta, harkaasso ka koda karpa'ew kooni.

Xuuma Ermiyaasi 18:11

Semmalla samayta a Yursaalami isho a katamadda a Yihuta a ata hase kara kalo kide, “Waaqa asse kiini, ‘Tin anti, neequmtan ishin qara' qeeda harminni; ka pateetta ishin qara dikanniiy, piisaniiyyi saantaayshin a neeqa qara oora ka saantaayshin ka kodaayshin qajeelsha.’”

Xuuma Ermiyaasi 25:5

Ishootta i'ishina kidene, ‘Ishina piisaniiyyi dapaayshin ka kodaayshin a neeqa qara oora! Sitiiyyi piitase xatta Waaqa aappadaassin isho ishina daashe oppa'e haka paraparati kallaattaneey.

Xuuma Ermiyaasi 26:3

Takka punu idakayan ka piisaniiyyi juppootaaysho oppa ooraneey; anti nefo ka waan ishootta qara' qeeda dikade alle diishaawweey.

Xuuma Ermiyaasi 36:3

Takka punu samayta Yihuta oto pateettase an ishootta qara' qeeda dikade dakayooyye, matta mina'e saantaaysho a neeqa qara tiitawane kodditaay; anti ka neequmtaaysho ka juppootaaysho ishootta' diishaay.”

Xuuma Hisqeeli 33:11

Ishootta' kide, Waaqase' piisa qara qapo ikiini, ‘Caattampayta koddeetiyyonnen xaxanni ka juppoolayta akka juppootaadippa ooro ka caado faani diisheey, toota a juppoolaytatin an xasoonni an co! Ishina samayta Isira'eeliti tiitaawa; saantaayshina a neeqa qara tiitaawa diisheey, kaata maana'e' leetan.’”

Xuuma Taani'eeli 4:27

Semmalla nuquso! Waan ke dehaamma dakkaysado, juppoota koda diishe. Ka koda fayya patta kode. Ka koda neeqa alle' diishe ka orra rakkanno suraysado, oto asse kootooyye takka punu Waaqa akka' nakaytan kallaatto'e paraayti derayshaay.”

Xuuma Iyyu'eeli 1:14

Ka kuyyata oppa damta musattan salisada ka ishshaarritta' ollopa orra hala, ka qimaya isho orra piisa tika Waaqa a Poqallaassina opa hala; ka Waaqopa ullupa.

Xuuma Yoonaasi 1:14

Ikka oori Waaqopa ullupen ka kidene, “Oo Waaqa, wa' jaalatte'e' kooteey, namoose kapa'e akka toota ino qara'e a' farannin ka diika qulqullittoseti ino qara a' faanini'in ke qinsanninna.”

Xuuma Yoonaasi 1:6

Saarase a markapa ka Yoonaasi kapopa aane ka ishi' kide, “Ata xawwi atti atta asse mukte? Akka ino an pirammini Waaqa ka inon paho'e, xa'e ka Waaqaaytipa ino' qinsado! Takka punu akkan an pannini'i, Waaqa i'ino suraysadaay.”

Maatiyoosi 3:8

Asseeyye, koda akka a juppootayshin oppa oorten akkinno koda.

Kodampaya 26:20

ma paayyota qaraayye, orra Tamaasqo kara co ka kamma desaaw orra Yerusaalami isho a piita Yihuta piisa oppa co ka Yihutaata in koddini kuli, akka juppootaysho oppa ooro ka Waaqopa tiitaawo ka juppootaaysho oppa ooretaayshoti wa akkinna kodo'en ishootta kollishe.

Kodampaya 3:19

Semmalla akka juppootaayshin ishina' hasto'e alle juppootaayshin oppaayye oora ka Poqallaapa tiitaawa.

Keleshaata 11:3

Maakkiyyasene xayyo lakki akka mehadda dapteeta kalsadan ka kuyyaata kuma ka dippa lakki kunda lehi xuuma haasawadane'en ishootta hupna daasha.”