Xuuma Yoonaasi 3:6 - Mataafa Qulqulloota

⁶ Nuqusase a Nenewwe ete sede dakayeeyye, alkasene a nuqusuma' qara lekkade ka mehaddaadi a ulfeena alle' sookshe ka mehadda dapteeta' kalsade ka taraappa' kuti'e.

Xuuma Yoonaasi 3:6 ပူးပေါင်းရင်းမြစ်များ

Mataafa a Nuqussa a paayyota 21:27

Aki'api ete qaalese dakayeeyye, meehaadi a kalsade alle isquda kaa'e ka mehadda dapteeta kalsade ka damta musade ka mehadda dapteetatinniiw mukni ka fuula poornayshe ka nyarrahatanneew pora anni.

Mataafa Iyyoopi 2:8

Iyyoopi ka taraappa' kute'e ka issin xoosha'e, paallata apitta' qeedade.

Mataafa Iyyoopi 42:6

Semmalla waan kideetin in jeereey, kuyyaalayta isho taraappa'en kuti'a ka juppootoppa tiitaawa.”

Xuuma Issayyaasi 15:3

Ka porraappandesa mehadda a dapteeta' kalsadan ka rookkadaasso qarandesa isho paapahaddaasso oppandesa a kuttati' pooyan.

Xuuma Ermiyaasi 13:18

Waaqa ka ana kide, “Nuqusa isho aayya isha xaayteeti kide, ‘Qoota kullewwa ulfeenaayshina mattaayshin qara seehen malla, suufaanewwaassin qara alle lekkada.’

Xuuma Ermiyaasi 36:13

Mikiyaasi ka a Parooki mataafase ollopa marrammo samayta tura nappapnooyye, qaaleta a dakaye piisa ishootta' lele.

Xuuma Ermiyaasi 36:24

umma nuqusa isho kutkuttowwasene xaadi qaalese a dakayen piisa pakkanna in fuurre ka mehaddaasso a kalsadene isiqudaayye in kakkaane.

Xuuma Ermiyaasi 6:26

Anti ka kide, “Oo samaytiyyooyye! An isqara an upnini maliiyyi patissampayta ino qara' deaay, mehadda a dapteeta kalsada ka taraappa kankalaada; ka nama a innaadi takkan a qapa tura to'en mina'e, nyarraha ka pooya.”

Pooyta Ermiyaasi 2:10

Qimaya enenta Siyyooni, jawi kiden ka piitoppa' qaa'en, ka kuyyaalayta mattoppa' fidaden ka mehadda dapteeta' kalsaden. Tuparra issin ca a Yursaalami, mattaaysho'e kumpaapshen.

Pooyta Ermiyaasi 3:29

Kippeeta caada kodditaay, a mattaadi piitopa xata shakkisho.

Xuuma Hisqeeli 26:16

Kutkuttowwa a pakateeta kapa ca' piisa ka suufaannaasso qara lekkadan ka kaappadaasso isquda sookshan ka mehaddaasso a pujame alle isquda dakkan ka fuuraan xaran ka piitoppa' qaa'an ka wa ke qara' kaya' minan tammaqan ka xara tupa' tawan.

Xuuma Taani'eeli 9:3

Anka oori ohaata dapteeta uwwisadi ka nyarrahata'e, taraappa' kuti'e ka damta kuli musattaane, Waaqa Poqalla qinsanni.

Xuuma Mikkiyaasi 1:10

Orra piita Keetti paarkaalaannooy, rakkoota ino qara' kayte ishootta'en lelan' umma kapa pora in pooyan. Ma xoori orra piita Peti'ofira orrinnooy, oto' kapa kaytaneeyye pora pooya ka leyan isi dakka!

Maatiyoosi 11:21

“Oo ke kido koraasini, oo ke kido Peetesayda! Katin kodaddasen orra qawwanna a ishin kara kodame'e, Tiroosi isho Sidoona kara kodde kiiteeyye, orraaysho helani esse xattaaw mehadda dapteeta kallsaden ka tara isqarandela pulanden ka juppootaaysho oppa oori heenen.

Luqaasi 10:13

Kamma'ew Yesuusi ikide, “Oo ke kido Korasini! Oo ke kido Peete sayda! Katin daxxowwosene ishin kara kodame'e, Tiroosi isho Sidoona kara kodame kiiteeyye, orra siti ishootta kara kalo, helani esse xattaaw ohawwa dapteeta uwwisanni heenen ka tarappa kutiini heenen, ka juppootaaysho oppa oorri heenen.