Xuuma Yoonaasi 3:10 - Mataafa Qulqulloota

¹⁰ Waaqa ka orrase a Nenewwe akka kodase' xaaysho' neeqa oppa oore akke ka ishootta suraysade ka waasene' neeqa a ishootta qara' qeeda' dikade alle' diishe.

Xuuma Yoonaasi 3:10 ပူးပေါင်းရင်းမြစ်များ

Mataafa Otoowwa a paayyota 21:15

kamma'ew Waaqa ka akka Yursaalami patisso'e, erkampatootaadi erke; ete patissa dehaatteeyye, Waaqa ka akke ka pateetta a deenitto malla maraarfade ka erkampattootase orra pirritto kide, “Ikodditeey, harkaayti oorsado!” Sitiiyyi erkampattootase a Waaqa awta Orna a Iyyapuusitta kapa'e qa'atte.

Mataafa Sooketa 32:14

Yaahiwwe ka pateettase a samaytaadi qara qeeda dikade alle diishe.

Mataafa Pahana 28:13

Nama juppootaadi qara dekno, olkela ishi' teyni in kitto; a dapaadi lelanno ka diinno xoori diissata akkaada.

Xuuma Issayyaasi 30:18

Ma xoori Waaqa, qoota Waaqa a mura dukaata kodde malla, ishin suraysatta'e yaatanni ka ishina' diissata koda' harmisade; semmalla a Waaqa amanuman asanna, oo atta olooden!

Xuuma Ermiyaasi 18:7

Oton haasawado ka kido, samayta takka taaki mankisteeta takkan alle shukka ka oppa mooja ka alle pashshaayye,

Xuuma Ermiyaasi 18:8

samayse ka waan ishootta qara dawrina qara oorriyyi, anti nefoow, neequmtase an ishootta qara' qeeda dikaden alle' diisha.

Xuuma Ermiyaasi 36:3

Takka punu samayta Yihuta oto pateettase an ishootta qara' qeeda dikade dakayooyye, matta mina'e saantaaysho a neeqa qara tiitawane kodditaay; anti ka neequmtaaysho ka juppootaaysho ishootta' diishaay.”

Xuuma Ermiyaasi 42:10

‘Pateettae an ishin qara' qeede minanne dikattiyyo qoota pursame malla, oton piisse oppa'ewwe kallaannittaneeyye, in ishin qupa diisheey alle an ishina an pooto; ka ishin disha diisheey alle an ishina an shukko.’

Xuuma Iyyu'eeli 2:13

Nyarrahataayshin akkissa'e ohawwaassin kakkaa'a kapaayye, karitta a nukkullan anopa oora.” Ha Waaqa Poqallaassin, naalayta ka suraysattampayta, a miira' jarjarri in kinnin, a diissataadi haka parparati' koopte ka a dapa mureeta' jarjarri in kinniniiy, ishopa tiitaawa.

Xuuma Amoosi 7:3

Waaqa nefo ka ishootta' nyarrahe ka ana' kide, “Wossen a akkite ishootta qara'en kayan.”

Xuuma Amoosi 7:6

Waaqa ka ishootta' nyarrahe; Waaqase piisa qara qapo ka ana' kide, “Sede nefo ishootta qara in kayto.”

Xuuma Yoonaasi 4:11

Hela xawwi anti orra a katamoosen kutta a Nenewwe kara kalo ka nama kuma dippa kunda lakki qara qapo, sene akkittaaysho isho pittittaaysho olkela in upnin, ishootta ka horeetase' xaaysho' leka' suraysatta ana parpaacciisni in kitto?”

Xuuma Yoonaasi 4:2

Ka Waaqa qinsade ka kide, “Oo Waaqqo, waasene an disi piitinnooyye cooyye kide ka minan Terseesipa alle' pate sedenne? Atti akkima' diisammpayta ka suraysattampayta koddite ka miira'e a' jarjarri a kinnin ka jaalalaan immakaatte ka waasene' neeqa a' qeeda dikatte alle' diinnitto turanneewwen upa.

Luqaasi 11:32

Akkimoose mina'ew kuyyaata firteetatiiyyi, orra katama Nenewe xeltoose olli xa'a ka ishootta qara' farata; orra Nenewwe ete qaalese a Yoonaasi torrino dakayeeyye juppootaaysho oppa maraarfade ka oppa ooreey ma xoori, tin a Yoonaasi qara qapo areeyye ca.”

Luqaasi 15:20

Ka semmalla xa'e ka aappaaysho kapopa aane. Aappaaysho ka laka desa isha akke ka isha suraysade ka turopa keere ka isiqudopa qapade ka isha dinke.