Xuuma Yoonaasi 2:7 - Mataafa Qulqulloota

⁷ Waaqa, eten' nessa diisata kela' foolsadeeyye, dikattiyyon kepa oorsade ka kepa ullupade; qinseetiyyo ka tikase' xaayti a qulqulloota illi moonte kitto' dakaatte;

Xuuma Yoonaasi 2:7 ပူးပေါင်းရင်းမြစ်များ

Mataafa Otoowwa a lammatta 30:27

Kammadesa Lawaata isho qeesewwa ka xa'en ka samayta saken; qoota qinseetaaysho illi moonte pora oppa Waaqa kalo kayte malla, Waaqa ka ishootta dakaye.

Mataafa Masmuureta 11:4

Ha Waaqa tikaadi a qulqulloota' kela ca; alka a Waaqa nefo moonte caan; ildaadi i'orra akkini. Tooyetaadi nefo, i'inna nama' qorri.

Mataafa Masmuureta 142:3

Oton karanxata kafadooyye, atti saantiyyo i''upta; dekandekatti ana tura' turuura qaasen.

Mataafa Masmuureta 143:5

Ka parra tarpe' matte oorsade ka kodaddaatti piisa oppa dikade; ka wa' koote oppa damdamsade.

Mataafa Masmuureta 18:6

Eten rakkadeeyye anka Waaqa halaade; ka Waaqiyyopa ullupade, isha ka tikaadi a qulqulloota kara xata nessiyyo dakaye, ullupittiyyo ka isha kapa kaye ka napahataadi karopa kulle.

Mataafa Masmuureta 20:7

Orra deemo sarakella oranna'e kippanni; a deemow ka fartadaasso kippanni; ino' xoori, maxxa Waaqa Poqallaanno'en kippanninna.

Mataafa Masmuureta 22:14

Anka a pisha mina' qame; lafaayyo piisa ka olmina seehen; sataatiyyo ka a shaaha' mina ana karanxata liilte.

Mataafa Masmuureta 27:13

Akkiman xoona Waaqa' piita caattampaya oppa' akko, akatan amanni.

Mataafa Masmuureta 42:11

Oo napseetiyyo maana'e' nyarrahani? Ka ana kara kupanni? Anti dinissaadi mallan ammikki Waaqiyyo kalataysadaay, xasaayti Waaqa qara' xaayado.

Mataafa Masmuureta 42:5

Oo napseetiyyo maana'e nyarrahani? Ka ana kara kupanni? Anti dinissaadi mallan ammikki Waaqiyyo kalataysadaay, xasaayti Waaqa qara' xaayado.

Mataafa Masmuureta 43:5

Oo napseetiyyo maana'e' nyarrahani? Ka ana kara kupanni? Anti dinissaadi mallan ammikki Waaqiyyo kalataysadaay, xasaayti Waaqa qara' xaayado.

Mataafa Masmuureta 65:4

Orra atti' reexatte ka iskapopa dehasse, ka paapaha tikaayti oppa' kallaacciiste, oo xaadi sanayta; ino tikase' xaayti a qulqulloota' kara'en saka pakana.

Xuuma Issayyaasi 38:17

Ata into nakaytiyyo mallan a kuttati nyarrahe? Attikka qaawa pateetta kara caattiyyon pahate; ka juppootiyo piisa alle iskammopa katte.

Xuuma Issayyaasi 50:10

Ishin oppaayye a Waaqa fuurro, ka afaa orxaytaaditi ajajammo ayno? A la'ayta dape ka tukkanta kara pora anno, a Waaqa amano, a kippeetaadi Waaqa qara' xaayado.

Xuuma Yoonaasi 2:4

anti in kide, ‘Fuulaayti turaayyen alle' katame; a koddito ma xoori, amma nefo tikase' xaayti a qulqulloota iltiyyon akka an diisho.’

Xuuma Mikkiyaasi 1:2

Waaqa Poqalla isase piisa qara qapo tikaadi a qulqullootati xata ishin qara' maakkumaay, samayta piitatiiyyi isha kela' napahata kata; piita piisa nefo ka wa isha' kiina napahata karopa pohatto.

Xuuma Inpaqoomi 2:20

Waaqa xoori tikase' xaadi qulqqullaawte a qulqqulloota' kelaayye caay, orra piita pisa oppa co, a isha tura di'i kido.

ipro 12:3

Semmalla, a' paknin ka xasa a' murrin maliiyyi Yesuusise toorosen a juppoolaya' piisa duupade quda tooya.

Mataafa Saamu'eeli a paayyota 30:6

Orraase qoota iskattaaysho isho hellaasso tura a diira ka a tuparra tura poojamen malla akata miiroden ka akka dakaddaan Taawwiti dakkane'e oorsaden. Taawwiti ka akata qaapa qara pi'e. Ma xoori Waaqa Poqallaadinni karittaadi kokkonayshe.