Xuuma Yoonaasi 2:2 - Mataafa Qulqulloota

² “Oo Waaqa! Eten rakkadeeyye keepan ullupade! Atti ka ana dakayte. Hiwwalaallasene' seka a si'ooli kareelan kepa ullupe, akka ana dakayte ka ana' oorisse.

Xuuma Yoonaasi 2:2 ပူးပေါင်းရင်းမြစ်များ

Mataafa Otoowwa a lammatta 33:12

Ete miidameeyye ikka paxaarumta a Waaqa Poqalla fade; ka Waaqa aappadaassoti tura a kuttati isi jeershe.

Mataafa Masmuureta 116:3

Turuura toota'e ana kapa tiitayshe, fuura Si'oli ka ana qapen, qaapa isho nyarrahata ka ana qara' kayen.

Mataafa Masmuureta 120:1

An killa' kaleeyye Waaqopan ullupe; ikka ana dakaye.

Mataafa Masmuureta 16:10

Napseetiyyo Si'oli kara'e a' diisso; umma a ke' amanammo akka japjapo a' kooto.

Mataafa Masmuureta 22:24

Isha' miiddota a rakkatampayta in tuffanne; umma in puyanne; umma miinta isha turaayye in quu'ine; ete ishopa ullupeyye, idakaye.

Mataafa Masmuureta 34:6

rakkatampaytose i'ullupade; Waaqa ka isha dakaye; ka rakkootaadippa isha sookshe.

Mataafa Masmuureta 4:1

Oo Waaqa dukaatiyyo akkino, oton ke haleeno, ana dakaye. An tura qaaddameeyye, i''ana furatte. Ana suraysado ka qinseetiyyo dakaye.

Mataafa Masmuureta 61:2

Oton xasa murrooyye, piita sekati desan keepa ullupanniiy; shila a kutta an ishin xelsado opa ana marra'e.

Mataafa Masmuureta 65:2

Qoota' qinseeta dakaynitto malla, nama piisa ke kapopaaw de'a.

Mataafa Masmuureta 86:13

Xoonaatti a parapara a ana' qapta, oo atta kutti! Qaawa seka kara ana sookisseey.

Xuuma Issayyaasi 14:9

Atti nuqusa Paapiloonitiiyyi, xati kelaayye orra le'e ka ke teyyatta xajeele ka akka ke teyyadane'e kaarayyadda isho a turan piita qara kutkuttowwa kodde ka xa'en; a turan piita qara hupnampaya kodde ka akka' xata kayte tooyyaden;

Pooyta Ermiyaasi 3:55

Oo Waaqa! Anka qaawase' kareela maxxaayti halaade;

Xuuma Hisqeeli 26:20

kamma desaaw anka orra xatta le'e olliiyyi hawla karopa ke lekkisha; ka akka orra le'eppa' kallaatto ke koda ka akka lammatta orra ke kara'en kallaannini'i, ke koda ka qaawa a one a xatta karopa orra lekkanno olli akka lekkatto ke koda; umma piita caattampaya oppa a' kallaatto.”

Xuuma Hisqeeli 31:14

Wa malla sede piisa asse koddita' nefo, akka qora a pisha kapa ca oppaayye takka nefo in deraannin ka oraaraappa in kaynin malla, ka akka qora pisha ikna oppa takka nefo deruma ishootta in kaynin malla. Maana malla ishootta akka le'an ka orra hawla karopa lekkanno olliiyyi hawla karopa lekkadane'e ishootta qara, toota muramteey.”

Maatiyoosi 12:40

Yoonaasi akkima karitta naacca kara kuyyaata sessa ka halkeetta sessa pire mina'e, inna a nama akkamose mina'ew, hawla kara kuyyaata sessa ka halkeetta sessa piran.

Luqaasi 11:10

“Aqinsanno piisa teyni; a faano piisa ka akkanni; a xarroppa kooko'inno piisa turaayye, ikka panammiiy.

Luqaasi 22:44

Ikka karan xata dikke qaapni ka a kuttati qinsanni, ditiita ka a diika mina isha qara piitopa tajtajni.

Kodampaya 2:27

Atti Si'ooli kara a ana a' diisso, umma qulqullittaayti akka hawla kara' japo a' kooto.

ipro 5:7

Yesuusi eta a nama kodde ka piisse' qara kallaadeetiiyyi, Waaqase toota kela ishan paheeta ettanshopa, ullupitta a kutta ka ilmaama kuttaatin qinseeta isho naappuma dehayshe. Qoota naalumaan a ajajammo isi kode malla Waaqa ka qinseetaadi dakaye.

Mataafa Saamu'eeli a paayyota 1:16

Qoota nyarrahatiyyo ka rakkootiyyo koopte mallan a asse kitto qinsadeey, ukkuttoota iskatta kapa ana in dikan.”

Mataafa Saamu'eeli a paayyota 30:6

Orraase qoota iskattaaysho isho hellaasso tura a diira ka a tuparra tura poojamen malla akata miiroden ka akka dakaddaan Taawwiti dakkane'e oorsaden. Taawwiti ka akata qaapa qara pi'e. Ma xoori Waaqa Poqallaadinni karittaadi kokkonayshe.