Xuuma Yoonaasi 1:4 - Mataafa Qulqulloota

⁴ Waaqa ka pakateeta qara'e puppeeta kutta' xaashe. Pishasene a pakateeta ka olkelan yaaqyaaqni. Markapase ka oori qepa kaye.

Xuuma Yoonaasi 1:4 ပူးပေါင်းရင်းမြစ်များ

Mataafa Masmuureta 135:6

Piita ka moontanne ka pakatewwa isho porra karanxata sesseka kara'e, Waaqa wa ishi aaka piisa kooni.

Mataafa Masmuureta 135:7

Isha pora piita oppa oortooyye oraarta haani ka oto roopnittooyye hankaada de'inni ka porra kara kalshe kara xayxayta sookinni.

Mataafa Masmuureta 148:8

Apitta ka apteenta, urratta ka qayanqayoota, ka puppeeta a qaaletaadi ajajammitto,

Mataafa Sooketa 10:13

Semmalla Muuse ka uleese xaadi piita Kipsi qaropa qapade; Yaahiwwe ka halkeesse isho kuyyaase kumma akka xayxayta a qinda piirtota piisse qaropa dawo kode; ete parri pariteeyye xayxayse ka torrayta haade.

Mataafa Sooketa 10:19

Yaahiwwe ka xayxaytase a qinda piirtota qeede ka xayxayta kokkoka a qinda dumaata opa tiitayshe ikka torraytase haade ka pakateeta a tiima oppopa tuqe; umma piita Kipsi kara'e torrayta takka nefo apari in hasne.

Mataafa Sooketa 14:21

Muuse ka harkaadi pakateeta qaropa derayshe; Yaahiwwe ka halkeesse piisa xayxayta a qinda piirtota a kokkokan pishasene iskammopa oorshe; pishasene ka lakki qiten, pakateetase ka piita kokte koddite.

Mataafa Sooketa 15:10

Atti xoori nessaayti a oorsatte takka tupaayye, pakateeta ka ishootta qara pirte; ikka pisha kutta kelopa akka sipla mina jimmen.

Xuuma Ermiyaasi 51:16

oto xirarrooyye, pisha moontada kara ca nessa yaaqyaaqta'e dakaytinni; ka pora oppa piita oortooyye, urratta opeela xa'inni; ka roopase hankaani; ka poraadi a kara xayxayta xaayno karaxata; xayxayta erkini

Xuuma Amoosi 4:13

A irrowwa kode, ka xayxayta uume, ka wa a dikade' nama' lello, ka kuyyaata tukkanta' koono, ka irrowwa qarandesa anno, ha maxxaadi Waaqa Waaqase a we piisa ettaninno.

Mataafa Dikoota 11:31

Puppeeta Yaahiwwe ka xaate ka pakateeta kapaayye purkida haate ka safara kapandesa dakkite; pora oppa seehen safareeyye qinda takkanne anta kuyyaata takka'e qeeni ka qinda pilaatinniiw anta kuyyaata takka' qeenniw; olqarandela tuulamaaysho, piita qareela dikla lakki kayni.