Xuuma Yoonaasi 1:3 - Mataafa Qulqulloota

³ Yoonaasi' xoori ete sede dakayeeyye, Waaqa turaayye piita Terseesi opa pata' xa'e. Yonaasi ka katamasene Iyyoobbe kidamma oppa orra markapa kara anta'e kaaja daasanno opa aane ka kira daassade ka terseesipa anta'e markapoppopa fayyade ka anta' xa'e.

Xuuma Yoonaasi 1:3 ပူးပေါင်းရင်းမြစ်များ

Mataafa Uumata 3:8

Ete kalakalaawte, Attaami isho iskatteetaadi ka ete Yaahiwwe Waaqa qora Edeni karandesa annooyye kamantaadi dakayen. Ka oori qahen ka Yaahiwwe Waaqa turaayye qora Edeni kara' deddekaden.

Mataafa Uumata 4:16

Sekkammaayye Qa'eli ka oori Yaahiwwe kapa alle' sekaade ka aane ka Edeniiyyi qinda piirtotatin piita Noodi kidammitto' kuti'e. Noodi kideeta piita rarraatota' kideeta.

Mataafa a Nuqussa a paayyota 19:3

Eeliyaasi ka fuure ka xa'e ka issin paha'e alle qahe ka katamasene a Persaape Yihuta kara ca opa aane ka orxaytaadi eeyye diishe.

Mataafa a Nuqussa a paayyota 19:9

Ka eeyyeeyye rahana takkan karopa kulle ka kara muke. Nessa Waaqa ka a isqara in upnini ishi de'e ka kiini, “Eeliyaasi, maana are kooni?”

Mataafa Otoowwa a lammatta 2:15

Semmalla atti poqallaayyo, kippeetase a' daasse qara'e kalaata a kappa ka a poorta ka sayteeta ekerta isho a taadeta wayneeta kodampayaseneti erke.

Mataafa Otoowwa a lammatta 2:16

Ino nefoow, qora a' heenta piisan irrowwa Lipaanoosi qara ke' quurra ka ollopa hiina ka pakateeta qara dakkina ka kunpaappe Iyyobepa ke lekkinna; atti ka Yursaalamipa haadattaay.”

Mataafa Otoowwa a lammatta 9:21

Selemooni markapadda a ishin paata herina a orra Kiraami qulla'e qapa; ishootta ka para sessa oppa'e, takkan warqeeta ka sipla dakara ka hirta arpa ka qamileeta isho keltaya qaqqapni ka ishi ishin kalli.

Mataafa Isira 3:7

Ka oori orra daka faanno ka harmoota qupeetati kaaja daashen. Ka akka Qiroosi nuqusa Faaresi ajaje mina'e, akka Lipanoosiyyi qora quuran ka Iyyoobepa pakateeta qaran ishootta erkane'e, orra Tiroosi isho a Sidoonati damta ka ikkayta isho Sayteeta erken.

Mataafa Iyyoopi 1:12

Waaqa ka seetana' kide, “Tin wa qapa' piisa harkaaytippa caan ma, isha qudaaw in kayan.” Seetana ka oori fuula Waaqa' tura sooke;

Mataafa Iyyoopi 2:7

Sekkammaayye seetana ka fuula Waaqa' tura sooke ka kanaata loqtati paayyatte haka nyirfa mattati, akka Iyyoopi' fayka neeqaatin qapamo' kode.

Mataafa Masmuureta 107:23

A markapan pakateetoppopa lekkanna ka pakatewwa qaradesa nakata nakanna,

Xuuma Issayyaasi 2:16

ka markapadda a Tersesi' piisa isho koonkadasene a ulfeena' piisa jeersha.

Xuuma Issayyaasi 23:1

Sene erkana Waaqa a qoota Tiroositi desa lelame; ishina markappa a Tiroositiiyyi, Tiroosi iqitqitteey umma tikka in qaptooy; umma pora oppan pakateeta oppopa sookto ka oppan kalto in qaptooy pooya; oto piita Qobbiroositi kallittaneeyye, otoota a' dakaytan sedewweey.

Xuuma Issayyaasi 23:10

Ishina samayta Terseesitiiyyi, arepa desa wa ishin tura qapa in caaneey, pora oppan pakateeta oppopa sooktan taaki oppan kaltan qoota a' qapnin malla akka orra Appaayi iksanno mina piitaayshin qotada.

Xuuma Issayyaasi 23:6

Ishina piita otanta pakateeta kara kitto qara kalaatiiyyi, Terseesipa tuulla ka pooya.

Xuuma Issayyaasi 60:9

Qoota qulqullittase a Isira'eeli ishin ulfeesse malla, markappa a Terseesi ka pora sekaayye hellaassin isho dakarraasso a pirreeta, ka warqeewwaasso qeedeta ka ishin kalta'e, maxxa Waaqa Poqallaassina malla kidan ka a paayyota koddan.”

Xuuma Ermiyaasi 10:9

Dakara pirreeta a tumammo, katama Terseesitiiyyi deeni; warqeeta ka Ufaasiiyyi kalli. aappa warqeeta tummo ka kode, opan ka ohaata awla isho a tiimatin quda uwwishen; sede piisa kan koda harmoota.

Xuuma Hisqeeli 2:8

Ma xoori atti' to'ampayta namatiiyyi, waan ke kiina' dakaye ka samayse tiyyoolayta kodde mina tiyyoolayta in koddan; afaatti pane ka waan ke' daanna' dame.”

Xuuma Hisqeeli 27:12

Qoota teyaanta mehadda a kutta qapto malla, Tersesi ke olli nakatanni ka sipla dakara ka siplalla ka silpalla ika pila ka irsaasewwaan mehadda ke' purinni.

Xuuma Hisqeeli 3:14

Hapura ka opeela ana qeede ka anan aane; anti ka iskaranxata miirode ka quumattaan aane; hupna Waaqa ka ana qara' ulsaade.

Xuuma Yoonaasi 1:10

Orrase' nefo ka akka turan ishootta' lele mina'e, akkima fuula Waaqa' turaayye panno upnaaden ka akata mali fuuren. Ka ishi' kidene, “Ata maana'e wa asse paha' koote?”

Xuuma Yoonaasi 4:2

Ka Waaqa qinsade ka kide, “Oo Waaqqo, waasene an disi piitinnooyye cooyye kide ka minan Terseesipa alle' pate sedenne? Atti akkima' diisammpayta ka suraysattampayta koddite ka miira'e a' jarjarri a kinnin ka jaalalaan immakaatte ka waasene' neeqa a' qeeda dikatte alle' diinnitto turanneewwen upa.

Luqaasi 9:62

Yesuusi ka ishi oorshe ka kideewwe, “Nama xormadaan qota qota'e harkoppa irfeeta qapade ka qara iskamman desa tooyno, mankisteeta Waaqati parpaaccisni in co.”

Kodampaya 15:38

Pawloosi xoori, namoose akka ishootta olli aano in heennaanne. Wa malla in heennannini nefo, qoota isha Binfiliya kara ishootta diishe ka kodaappa ishootta kamma tiitawe malla.

Kodampaya 26:19

“Semalla nuquso Akriibba, kelashaatose moonte xata ana daasame an tiinne.

Kodampaya 9:36

Iyyoobbe karaayyew, iskatteeta takka Taabita kidammitto a Waaqa amannitto ca; maxxaadi nefo afa Kirikkitin Torqa kidammi. Se kideese nefo kuumanta kideeta. Isheetta iskatteeta awta piisa koda paxaara koonitto ka hiyyeesadda nefo qaarqaarritto.

Kodampaya 9:38

Liida qoota Iyyoobbe kapa dehi malla, orra a Yesuusi amanno a Iyyoobbe kara co, ka akka Peetiroosi Liidaayye co dakaye ka nama lakki isha kamma erke ka kide, “Atara a jarrin mali jarjartan ino qaqqaapsado!”

Kodampaya 9:42

Sede ka Iyyoobbe piisa kara upnaysamte. Orra lekayta ka Poqalla amane.

Kodampaya 9:43

Peetiroosi ka a Iyyoobbe kara'e nama takka kollaya tuuqno Simooni kidammo kapa'e, kuyyawwa lekaya pire.

Qorontoosi a paayyota 9:16

Otootose a fayya kollissa' qoota kitteeta ana qara' koddite malla waan jeejjada'en. Laadi oton otootose a fayya'en an kollinni an kinniniiyyi, oo ana kido!

Teseloonqe a lammatta 1:9

Ishootta ka fuula Poqalla isho ulfeenase' xaadi hupnampaytase kapa xawwi ooran ka pateeta paraparatin qatta'aman.