Xuuma Yoonaasi 1:14 - Mataafa Qulqulloota

¹⁴ Ikka oori Waaqopa ullupen ka kidene, “Oo Waaqa, wa' jaalatte'e' kooteey, namoose kapa'e akka toota ino qara'e a' farannin ka diika qulqullittoseti ino qara a' faanini'in ke qinsanninna.”

Xuuma Yoonaasi 1:14 ပူးပေါင်းရင်းမြစ်များ

Mataafa Uumata 9:6

Waaqa pahanaadinni nama uumeey, a nama ishsho piisa harka namatinniiw to'a.

Mataafa Masmuureta 107:28

Ete rakkadeneeyye, ikka Waaqopa ullupen, ikka rakkootaaysho kela ishoottan pahe.

Mataafa Masmuureta 115:3

Ha Waaqinno moonte ca, ka wa ishi' aaka' piisa kooni.

Mataafa Masmuureta 135:6

Piita ka moontanne ka pakatewwa isho porra karanxata sesseka kara'e, Waaqa wa ishi aaka piisa kooni.

Xuuma Issayyaasi 26:16

Oo Waaqqo, ete rakkadeneeyye, ke faden; ka ete ishootta fukkiteeyye, qinseetan kepaaw ullupen.

Xuuma Yoonaasi 1:13

Orrase' xoori isha kata kapaayye kamkama qudopa markapase' oorissa'e hupnaayshotin harmo ekkayshen. A koddito ma, pakateetase' qoota akata yaaqyaaqnitto malla, imalaalen.

Xuuma Yoonaasi 1:16

Orrase ka piisantiiyyi akata Waaqa fuure ka kalisoota Waaqa' kalshe ka xasa ishi' daasade.

Xuuma Yoonaasi 1:5

Orrase markapa kara co piisa ka fuure. Nama ka xaadin Waaqaadipa ullupa paayye ka akka markapa sholla'ado'e, mehadda kara ca' piisa alle pakateeta karopa dakken. A wossen piisa koddinaaneeyye, Yoonaasi kaatasene otanta markapa' kara ca' kara'e mukitta oppa tawe.

Xuuma Yoonaasi 3:8

ka mehadda a dapteeta' kalsattan ka horeetaayshin kuli qara' ohaata dapteeta uwwissan; nama piisa a karitta kareela Waaqopa qinsado ka kodaadi a neeqa oppa alle' ooro ka juppoota koda diisho.

Maatiyoosi 11:26

Aa, aappo xanno, sede heennaatti.

Kodampaya 28:4

Orrase a Maalta ete maaka harka Pawloosi quda ra'ino ikka akkeneeyye, i'olli kidene “Namoose dukaatannen nama diika. Kadii punu puppeeta pakateeta kela nakaytan sooke nefooyye, firteeta Waaqa kela paheeta ka caatta in ettaninne.”

Efesooni 1:11

Waaqase we' piisa akka heennaadi a koda' qapade qara akka koddane' koono, akka turanneew qootinno desa piisade qara'e, akkan Kiristoosi qudan hellaadi koddino'e ino reexade.

Efesooni 1:9

Waaqa heennaadi a paxaara'e koddite ikka Kiristoosi qudan akka turanneew koda' qapade qara'e, akkan juuttota heennaadi upnaanno' kode.

Mataafa oppa' Ooreta 21:8

oo Waaqqo, Yaahiwwe! Samayse xaayti a furatte a Isira'eeliti juppootaysho diishe ka diika namoose dapa in qapnin to'eti samaytaayti a Isira'eeli qara in dikan;” Samaytaayti a Isira'eeliti juppootaaysho ka diisamta