Xuuma Taani'eeli 9:7 - Mataafa Qulqulloota

⁷ Poqallaayyo atti a dukallayta ma xoori ino' qootan ke dakaya diine malla akka piita piisa qara ino passisse; semmalla ino a porra seka isho a dehaati ca samayta piita Yihuta ka a Yursaalami isho a piita Isira'eeli' piisa'e, xanno awwe ino' jeera.

Xuuma Taani'eeli 9:7 ပူးပေါင်းရင်းမြစ်များ

Mataafa Isira 9:13

Semmalla, rakkoose kodinno a neeqa ka dapinno malla ino qara' kayte. Atti Waaqqo xoori dapa an koone mina' kitto ino a' qattane. Ka laadi akkan caanno'e, toota kela inon pahate.

Mataafa Isira 9:15

Oo Waaqa Isira'eeli Waaqqo! Atti a' qulqullitta ka akkan pateeta kela pahano ka caanno' koote. Anka dapinnon are fuulaayti tura kinna ma helati dapinno qaran xaate'e, nama ke tura' qa'atta ettansho takka nefo in co.”

Mataafa a Nehimya 9:33

sede a dapose ino qara' murte, dukaata' qapta. Kadin punu ino' juppoota kooneeyye, atti a hanqeellitta

Mataafa Masmuureta 119:137

Oo Waaqqo, atti a hanqeellayta, muraatti nefo kan mura dukaata.

Mataafa Masmuureta 44:15

Jeeriyyo ka awta piisa ana dakaanni, palamiyyo ka ana qara pirri.

Mataafa Masmuureta 51:14

Oo Waaqqo, dinshampaytiyyo Waaqqo, diika koda kela anan pahe; arrapiyyo ka qoota hanqeetaaytiti desa dawado.

Mataafa Masmuureta 51:4

Anti ke qaran kale ka ke qara'ew juppoota kode; ka ke tura wa neeqa' kode. Semmalla, oto ana qara' haasawannittooyye, atti a hanqeellayta; oto ana qara' dapa murrittooyye, a' qulqullittaaw.

Xuuma Issayyaasi 11:11

Awsetiiyyi Waaqa ka harkaadi deraysha ka piita Asoori ka a Kipsi ka piitadda a Patiroosi ka a Toobbiya ka a Elaami ka a Paapilooni ka a Hamaati ka piitadda a pisha kapandesa ca isho a pakateeta kara ca karaayye, samaytaadi a peela hase ollopa pohada.

Xuuma Issayyaasi 45:16

A killanna kodanna' piisa takka'e jeeran ka palaman; ka piisani jeeran.

Xuuma Ermiyaasi 12:1

Oo Waaqa! Oton ke qara qoojqoojnooyye, atti a hanqeellayta; a koddito ma, ke tura'en rakkootiyyo lelanni; saanta ukkuttoowwa maana malla qajeelli? Kallaata sassapampaya ka maana olkela teyni?

Xuuma Ermiyaasi 23:6

xeltaadiiyyi yihuta ipahata; Isira'eeli nefo nakaytanne kallaatta maxxaadi ka ‘Yaahiwwe hanqeellumaanno’ kidama.”

Xuuma Ermiyaasi 24:9

Rakkoota an ishootta qara' qeedo malla, ikka mankistewwa a piita piisa tura'e, qora tammaqta koddan; ikka piitaddan oppopa ishootta daane pisa oppaayye a qara xosallaane ka qara lelannaane ka a qara seesnaane isho a jiijame koddan.

Xuuma Ermiyaasi 3:25

An shashakki paayyatteeyye ino isho aappadaanno Waaqa Poqallaanno qara'en juppoota koone; umma Waaqa Poqallaanno afaa an dakayneey ino jeerinno haadanno; palaminno ka ino qara piro.”

Xuuma Ermiyaasi 32:32

Samayta Isira'eeli isho a Yihuta, ishootta isho nuqussaasso ka saarraasso ka qeesewwaasso ka xuumampayaasso ka orra a Yihuta isho a Yursaalami kara kalo, kodaaysho a neeqa piisanne ana miirayshen.

Xuuma Ermiyaasi 33:16

Etoosenetiiyyi awse, Yihuta ipahata; Isira'eeli nefo nakaytanne kallaatta maxxaadi ka ‘Waaqa hanqeellumaanno’ kidama.”

Xuuma Ermiyaasi 4:17

Waaqa ikiini, “Yihuta ana qare tiyyaan xaateey; akkima dula kapa oxintan tiitannaan mina'e, nyaapa isheetta kapa tiitaaysha.

Xuuma Ermiyaasi 7:19

Waaqa ikiini, “Hela ishootta a seden ana in miirannini ishootta pahata? Hela ishootta issiiw miiddini in caan ka jeerinni in caane?”

Xuuma Hisqeeli 16:63

Oton anti juppootaayti a' koote piisa ke' diishooyye, akka dapaayti matte oorsatto ijeerta; umma jeeraayti malla afaa appaqqisso. Ana Waaqase' piisa qara qapo asse kiini.”

Xuuma Hisqeeli 36:31

Sekkammayye akka kallaatase' xaayshin neeqa ka kodaddaasene' xaayshin nenneeqa isho kodaddasene' xaayshin jippame matte oorsattan ka juppootaayshin isho nyalaassin malla isi jippitan.

Xuuma Hisqeeli 5:10

Semmalla ishin oppaayye aappada hellaasso'e daman; hellaa ka aappadaasso' daman. Anka ishin qara' farata ka a ishin oppa peela hase qindadda piisan desa alle' fida.’

Xuuma Hisqeeli 6:12

A pora sekaayye co paaqa orra pirronne to'a; a pora dehaayye co ka orannaappa' to'a; a pahe ka peela hase nefoow lootanne to'a; anti assen ishootta qara' miiriyyo a kutta qeeda.

Xuuma Taani'eeli 9:14

Waaqqo Poqallaanno wa' koote' pisa oppa atti a dukaallayta atti Waaqa akka rakkoose' piisa ino qara' qeette, umma ino ke'e an ajajamme.

Xuuma Taani'eeli 9:18

Oo waaqqo, qinseetiyyo dakaye ka rakkoota an kara kinno isho pateetta katamasene maxxaaytin halaameeti' tooye. Dukaata an qapno ma qoota diissataayti a' koote malla kide ka qinseetinno dakaye.

Xuuma Taani'eeli 9:8

Oo Waaqqo, qootan ke tura juppoota koone malla; ino ka nuqussaanno ka mukissampayaanno isho aappadaanno piisa in jeerre.

Xuuma Amoosi 9:9

Akka ukkashsha untoppa xayyinnaan mina'en samayta Isira'eeli orra piita piisa oppaayye alle' xayyisha; umma uqqinteeta takka nefo ishoottoppaayye in patto.

Roomi 6:21

Ka kuli sitiiyyi tookta maana'e kela teyten? Wa a amma ishin jeertane mali tookta takka nefo kelaayye, a teyne. Piraampira wesseneti tootaay!

Mataafa oppa' Ooreta 32:4

Ha isha shila an kela pahanino, umma kodaadippa qaja in qapo; saantadaadi nefo a qajeele; isha Waaqa a amaname, umma dapa in qapo; isha hanqeelitta ka dukaallayta.

Mataafa oppa' Ooreta 4:27

Yaahiwwe samayta piitadda a pila oppopa ishin pasisha; samayse a piitadda pila a Yaahiwwe oppopa ishin pasisho kara ishin a peela hasa, akka shakkattan.