Xuuma Taani'eeli 9:2 - Mataafa Qulqulloota

² A isha' nqusume para paayyotati anti Taani'eeli eten mataafa qulqulloota oppa tooynooyye, akka Waaqa xuumampaytase Ermiyaasi' lele mina'e Yursaalami akka para kunda tappa akka pootamten eeyye' tawto upnaade.

Xuuma Taani'eeli 9:2 ပူးပေါင်းရင်းမြစ်များ

Mataafa Otoowwa a lammatta 36:21

Afasene a Waaqa xuumampaytase xaadi Ermiyaasi qudan haasawade ka dikkaden; piitase ka nessuma a sanpata akkatte. A samayta turan sampatadda ulfeessa diishe kapa'e, piisse ka parrasene kunda tappa a kara lulle haste piisa kara nessatte.

Mataafa Isira 1:1

Xuumase a Waaqa turan xuumampaytase Ermiyaasippan haasawade akka dikkado'e, Waaqa Qiroosi nuqusa Faarisi'i xaashe. Isha ka para a oppa nuqusuma a paayyota oppa awaajeta dawsiise ka awaajese akka taafamto ka piita a mukinno pisa oppa nappapamto' kode.

Mataafa Masmuureta 119:24

Qaalewwaatti ka ana xasanni; ka dehaamampayaayyo.

Xuuma Issayyaasi 64:10

Katamaddasene' xaayti qulqullaawe koommayta kodden; Siyyooni ka koommayta koddit, Yursaalami ka lulle haste.

Xuuma Ermiyaasi 1:1

Sede qaaleta a Ermiyaasi inna Hilqiya haasawade ka wa kode; aappaaysho nefo qeesewwasene haminta Piniyaamippa Anatooti kara kala oppa takka.

Xuuma Ermiyaasi 25:18

Akkima awwe koddite mina'e, akka lulle hasan, orra ka ishootta xaccisado ka ishootta qara seeso'e, ikka a jiijame koddane'e anka katama Yursaalami ka katamadda a pila a Yihuta kara ca isho nuqussaasso ka saarraassoti'i, kuppaayyasene iksheew.

Xuuma Ermiyaasi 26:18

“Xelta a Hisqiyaasi a nuqusa Yihutaatiiyyi namase a katama Mooresheti Mikiyaasi samayta Yihuta piisa'e xuuma haasawade ka asse kide, “Waaqase we piisa ettaninno ikiini, ‘Siyyooni a dula mina'e xafafsamta; Yursaalami ka qitqitta ka tuula dakadda koddita; irroota a tika Waaqa ka mura dehissa.’

Xuuma Ermiyaasi 26:6

akkan Seelo pashshe mina'en tikoose are kitto a qulqulloota pahasha; ka samayta piita piisa tura'e katamoosen are ca a jiijameeti koda.’”

Xuuma Ermiyaasi 27:7

Eta piitaadi orra pilaati piddammitto, samayta leka isho nuqussa a kutkutta ka isha piddinaan kara'e, samayta piisa isha ka innaadi isho oopaadi piddama.’”

Xuuma Ermiyaasi 29:10

Waaqase kiini, ‘oto Paapilooni kara para kunda tappa pirtan kammaayye, in ishin tooyyada; ka kippeetase an ishina daashe dikkisha; ka piisse oppopa ishin kalsha.’

Xuuma Ermiyaasi 7:34

Anka katamadda Yihuta isho porra Yursaalami oppaayye nessa xasa ka a xasootta isho nessa kirpa a hemitta alle daptisha; piita ka lulle hasta.”

Pooyta Ermiyaasi 1:1

Katamasene xatta orran immakaade, ata awwe atta asse lulle hasen! Isase orroppaayye kutta, ata awwe atta asse iskatteeta a qara diirta in kinnin koddite? Ha isase takkayye samayta piita oppaayye poqolteeta koddite, ata awwe atta shetteeta koddite.

Xuuma Hisqeeli 29:11

Umma loqta nama oppa in yetatto; umma kamanta pinanta oppanne in tarpito; haka para kunda afuriti nama takka nefo kara'en kallaado.

Xuuma Taani'eeli 9:3

Anka oori ohaata dapteeta uwwisadi ka nyarrahata'e, taraappa' kuti'e ka damta kuli musattaane, Waaqa Poqalla qinsanni.

Xuuma Mikkiyaasi 3:12

Semmalla Siyyooni ishin malla akka dula' mina' qotamta, Yursaalami ka tikka olqaropa qitqite' koddita, pora oppa tikase a qulqulloota' qupen ka mura jinxa kodda.

Xuuma Sakkaariyaasi 1:12

Sekkammaayye erkampattoota a Waaqa ka oorisse ka kiite, “Oo Waaqqo ke a we pisa ettaninno, ata sene a haka para kunda tappa kara ishootta qara' miirootte, katamaddoosen a Yursaalami isho a Yihuta'e, haka aytamiti'i ishootta suraysatta diissa?”

Xuuma Sakkaariyaasi 7:5

“Samayta piitooseti kalo piisa'e ka qeesewwa'e lele ka kide, ‘Parroosen tarpe kunda tappa kara'e, leya a kenatta isho a tappatta oppa, damta musattaayshin ka nyarrahataayshin, hela dukaatanne ana malla kiiten ka asse kootene?

Maatiyoosi 24:15

Kammadesa Yesuusi ikide, “Akkima xuumampaytase Taani'eli haasawade mina'e, oto waasene dikke neeqa orra nyalinna porase qulqullaawe oppa qa'adan, akka akkitaneeyye, nama nappapno a sede upnaado.

Mariqoosi 13:14

Akkima xuumampaytase Taani'eli haasawade mina'e, oto “nyala pateetta pora a oppa kinnaatta ishootta faani in kinnini oppa akkitaneeyye. Nama nappapno a sede matte qapnaado! Sitiiyyi a piita Yihuta oppa ca, a alle irroowwa qaropa qahen.

Kodampaya 8:34

Kunaytase ka Filippoosi kide, “Ata xuumampaytose qoota ayno desa sede haasawade, hela qoota mattaadi mallam moon qoota nama pila malla? Atara ana' lele.”

Timotoosi a paayyota 4:13

Hakan anti' deeno kara'e, mataaffa qulqulloota orra' nappapaanne ka torraanne ka kollissaan japaado.

Keleshaata 1:3

Wossen piisa qoota dehaynittoppa' dikkadan malla, nama qaalese a xuuma nappapno a eeppisame. Akkimoose mina'ew, a qaalese a xuuma dakayna ka wa xuumose kara' taafame koona a eeppisame'ew.