Xuuma Taani'eeli 7:10 - Mataafa Qulqulloota

¹⁰ Apitta ka sufaanetose' kela xata a malxa a pisha' mina urqini; isha orxaya kumadda lekaya' dikamma'e qapa; orra kumadda kundadda' dikammo ka isha tura' qa'ade. Firteeta ka faratama paayyite; mataaffa kuli ka panamen.

Xuuma Taani'eeli 7:10 ပူးပေါင်းရင်းမြစ်များ

Mataafa a Nuqussa a paayyota 22:19

Mikkiyaasi ka ishi kide, “Semmalla nessa Waaqa Poqalla dakaye, a Waaqa Poqalla sufaanetaadi qara kuti'en akke. Xela moonta piisa ka akkitta ka pittittan isha kapa qaa'ade.

Mataafa Otoowwa a lammatta 18:18

Kammadesa Mikiyaasi ka kide, “Semmalla orri, nessa Waaqa dakkaysado! a Waaqa sufaanaadi qara kuti'e, xela moonta piisa ka akkitta isho pittittan isha kapa qa'aden akke;

Mataafa Iyyoopi 25:3

Xelaadi a oranna hela idikama koddini? La'aytaadi ayno qara'e la'ayni in kinnin?

Mataafa Masmuureta 103:21

Ishina xelaadi a oranna' koddeeti ka hennaadi koona orxayaadiiyyi, Waaqa kalataysada.

Mataafa Masmuureta 18:8

Qayya ka siinaappa ishi shore; apitta kupno ka afaappa ishi sooke; porooda apitta ka ishoppaayye opaye.

Mataafa Masmuureta 50:3

Waaqinno ide'a, umma jawi in kido; apitta a kupno isha turan desa anni; puppeeta akata kutta ka isha kapa tiitasse.

Mataafa Masmuureta 68:17

Ha sarakellada Waaqa kumadda lekaya, umma dikoota in qapan; Waaqa ka irroota Siina qaraxata ishoottan tikaadi a qulqulloota opa de'a.

Xuuma Issayyaasi 30:27

Tin, maxxa Waaqa miira kupno a qayya poora oppa doononne pora sekaayye deeni; hibbaadi miiranne immakaaden, arrapaadi apitta paata domohinno mina.

Xuuma Issayyaasi 30:33

Qaawa a kara nuqusase a Asoori kutta kupado, xattaaw qotame ka paldi ka karanxata seki; apitta isho qora ka kara' immakaaden; nessa Waaqa ka akka daka opayno mina oppa apitta qapsiisa.

Xuuma Taani'eeli 12:1

Erkampattootase kelashaatase maana akka kodde ana' lelte ka ana' kiiteewwe, Sapanoosetiiyyi erkampattootase erkampattowwa a qara saara kutta koddite samaytayshin tooytinitto Mika'eli kidammitto xa'a. Rakkoota a inna nama' piita qara uumamene paayyatte apari piita qara'en koddinin ka koddita; ma xoori sitiiyyi nama maxxaadi maskapa caatta a Waaqa oppa' taafame piisa ipaha.

Xuuma Taani'eeli 7:22

Ka haka isase haka paraparti' kallaanno deeno ka qulqullowwasene a Waaqati' dukaata murro kara'e jare. Ete dukaatase' muramteeyye qulqullowwa ka mankisteetase' lehaden.

Xuuma Taani'eeli 7:26

Sekamma a moonteeyye dapa ka dukaata mura ka suafaaneta qara' kuti'an ka nuqusase qara siltaana qeedan ka haka paraparati alle isha pashshan.

Xuuma Sakkaariyaasi 14:5

Ishina ka naabose haka a Saaliti ooro karan desa qahatan. Ka akkima sapanase a Oosiyani nuqusa a Yihutaati piita lellehete akka turaayye qahaten mina'e asseew qahatan. Sekkammaayye Waaqa Poqallaanno ka de'a, qulqullowwa piisa ka isha olli de'an.

Maatiyoosi 25:31

Kammadesa Yesuusi ikide, “Inna a nama oto erkampattowwa a Waaqa olli ulfeenan deenaaneeyye, sufaana ulfeena qare kuti'an.

Mataafa oppa' Ooreta 33:2

ka kide, “Yaahiwwe irroota Siinaati de'e; ka Etoomi desa ishootta qara a para mina qite; ka irroota Faaraniti desa piire; qulqullowwa kumadda ka isha olliiyyi anni; qindaadi a akkitatinni apitta opaye ca.

ipro 1:14

Ka kuli erkampattowwa piisa, hapurrasene Waaqa kela koda koona, a Waaqa akka orra a dinno kela koda kodane'e pora ishootta erkanna'enne?

ipro 12:22

Ishina' xoori irroota Siyyooni kapopa idehaatten isheetta nefo Yursaalami a moonta; katamasene a caattampayta Waaqa ka erkampattoowwasene kumadda lekaya kapa' dikamma xasan ollopa aane kapopa dehaatten.

Yihuta 1:14

Henookise Attaami kamma xelta tappatta oppa delade, ete haasawannooyye ikide, “Tin Waaqa orra piisa qara' farata'e, erkampattowwaadi a qulqullaawe a dikoota in qapnini olli de'a.

Keleshaata 11:18

Orra a Yihutaata in koddinin imiiroode; miiraayti ka de'e. Eta a oppaayye orra le'e firteeta akkado ka kayte. Eta a oppaayye orxayasene xaayti xuumampaya ka qulqullowwa isho isasene maxxaayti ulfeessina a shashakka ka a kukuttaati'i rapootaaysho daasso ikayte. Eta oppaayye a piita pashshe patisso nefo ikayte.”

Keleshaata 5:11

Eten tooynooyye; sufaanase ka uumatase' caata qapo isho qimayasene kapandesa, anka nessa a erkampattoowwa leka' dakaye. Lekumtaaysho' nefo kumadda leka isho miloonewwa leka.